何泳芍

【港姐2018】14號何泳芍大熱倒灶三甲不入 發文自白落選後感

最新娛聞

廣告

《2018香港小姐競選》昨晚圓滿結束,在今年再次加入全民投票的賽制下,季軍7號丁子田、亞軍20號鄧卓殷,而冠軍則為 17號陳曉華奪得!而賽前大熱嘅14號「美人魚」何泳芍(Honey)好可惜咁三甲不入,於五強止步,好多網民都戥佢唔抵,Honey賽後受訪時更自言失望!不過,今日Honey就喺Instagram發文,同大家分享吓佢依家落選後嘅感受⋯⋯

撰文:東方新地 | 圖片:東方新地、Instagram

大熱倒灶 何泳芍五強止步

《2018香港小姐競選》最終由17號陳曉華奪冠,20號鄧卓殷係亞軍兼奪最上鏡小姐,而季軍則是7號丁子田;賽前大熱14號何泳芍(Honey)和15號陳苑澄,最後就只入圍5強。其中Honey未能入三甲有點跌眼鏡,連佢自己都話有少少失望!而今次港姐決賽嘅監製何小慧,喺賽後就表示唔會公開三甲票數喎!

其實23歲嘅潛水教練何泳芍 (Honey) 當晚都算發揮到水準,表現都好淡定,難怪好多網民都戥佢唔抵!

何泳芍雖然唔算高,但勝在笑容甜美、身材均稱,上圍更加係驕人!著上白色晚裝,好身材表露無遺,十分吸睛!

身形勻稱的Honey,擁有一身古銅色肌膚,任潛水教練的她被問到如何說服鄭裕玲和汪明荃一齊學潛水,Honey話Do姐身形弗爆,著泳衣絕無問題!

在才藝表演環節,Honey一路唱歌一路玩杯子舞!

不過Honey都直言自己嘅才藝要喺水底先表現到,如果俾個水缸佢可能就會有唔同喇!

IG發文講述落選感想:「無做到真正嘅自己」

雖然賽後Honey就直言有啲失望,但佢今日睇嚟都已經收拾咗心情,仲大方發文同大家分享賽後嘅心情添!

「So I close my eyes to the old end and open my heart to the new beginning.」 (因此我閉眼不看已成過去的事,打開心靈去面對新的開始。)

「有好多支持我嘅人都有表達對我嘅關心同不值,不過我知道大家仍然會繼續鍾意我已經係對我最大嘅安慰。」

「由一開始參選只係想入final(決賽),到最後想搏盡佢希望有好成績,一切都源自運動員好勝嘅職業病。到依家一切都結束以後先發現,原來自己為咗成為大家心目中嘅香港小姐,無做到真正嘅自己。依家擺脫咗呢個框框,我會釋放自我,等大家可以見到真正嘅何泳芍。」

「雖然比賽結束咗,但係我想改變社會嘅心唔會變。我會更加努力俾大家睇到我呢個健康女仔活得有幾咁精彩。」

美人魚何泳芍參選初衷:「黑不是罪」

何泳芍並唔覺得自己嘅健康膚色係影響賽果嘅原因,喺決賽前佢亦曾經喺Instagram度同大家分享過參選嘅心路歷程,更希望今次參選會改變到一啲人對黑皮膚嘅想法。

「呢一次參選,係我鼓起好大勇氣而作出嘅決定。因為我知道如果我參選,將會面對很大的挑戰和承受很多關於我膚色的言論。從小就曬黑嘅我,由自卑和討厭自己,慢慢變得懂得欣賞自己,變得相信自己是獨特的。」

「而我希望今次參選第一可以改變到一些人對黑皮膚嘅想法,第二係希望有年紀輕嘅女孩睇到我之後,唔會再驚因爲曬黑咗而俾人笑,覺得自己好似做錯咗野咁。」

「黑不是罪,我希望所有女孩都記住,唔好因為別人對你的評價而放棄你鍾意做嘅野,自信和快樂的你才是最美的你。」

其實今次Honey參選已經達成咗佢講嘅目的,相信大家都只會戥佢唔抵,希望佢未來會有更好嘅發展!佢就話希望可以繼續潛水,同時嘗試喺娛樂圈發展。

美人魚何泳芍初選已成大熱

Honey人如其名,擁有一身蜜糖健康膚色、笑容甜美,感覺好陽光好有活力,初選時已經謀殺大量菲林,亦一直係今季大熱之一!

上《後生仔傾吓計》分享感情狀況

何泳芍(Honey)心在TVB,連拍拖都只係同TVB拍,真係識講嘢!就算三甲不入都一定大把世界啦!

才藝表演扮鬼臉都被讚

何泳芍喺Big Big Channel嘅才藝表演片段中,表演「扮鬼臉」,又鬥雞眼又嘟嘴咁,靚女做咩都可愛㗎啦!

Honey本身係一名潛水教練,難怪一身健康膚色,身形亦係弗到漏,其社交網站中見到唔少索爆泳衣照!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!