余思霆

余思霆被流放台灣逾一年 一個原因返港非為見朱敏瀚 快閃兩周又返台

最新娛聞

廣告

余思霆去年10月被無綫委派返台灣娘家拍攝旅遊節目,由最初三個月一直加監至超過一年,男友朱敏瀚被迫守齋一年要發酸文發洩﹗上月余思霆秘密返港,一對小情侶終於可重聚,不過余思霆今次短暫返港竟然唔係為見朱敏瀚,而是另一個重要原因﹗余思霆返港隔離21日後,出關14日又返回台灣繼續開工,朱敏瀚話靠工作以解相思之苦﹗

文:東方新地|圖:無綫娛樂新聞台截圖

余思霆返港為李莫仇籌備求婚驚喜

華姐冠軍余思霆去年10返台灣為J2台拍攝旅遊特輯,由本來的三個月不停被加監最後超過一年才有歸期,今年11月終於回歸﹗余思霆本來秘密返港卻遭男友朱敏瀚興奮公布,不過余思霆卻透露今次返港並非為見男友,而是另一個重要任務,為籌備《愛回家》飾演李莫仇的張詩欣的求婚驚喜﹗

余思霆被流放台灣逾一年 一個原因返港非為見朱敏瀚 快閃兩周又返台
余思霆到台灣除了為J2台拍攝旅遊節目外,也爭取時間為自家YouTube頻道《思家霆園》拍片﹗脫去上身潛水衣的余思霆成功搶fo﹗(圖片來源:《思家霆園》影片截圖)
余思霆被流放台灣逾一年 一個原因返港非為見朱敏瀚 快閃兩周又返台
人在台灣的余思霆不停發性感水著照,朱敏瀚隔空得個睇字,同其他網民無異﹗(圖片來源:《思家霆園》影片截圖)

余思霆最掛住唔係朱敏瀚﹗?

余思霆返港是為安排好友張詩欣的求婚大日子,余思霆指去年離港前張詩欣幕後男友陳家勝已預約她,余思霆話:「我飛前就book定我幫手搞求婚,點知我三個月變半年再變十個月,最後超過一年先返到﹗家勝話再唔向阿Yan(張詩欣)求婚唔得,怕阿Yan唔要佢,要快啲搞掂呢件事﹗咁我返嚟就係為呢件重要事﹗」除了求婚之外,余思霆被問到返港做咗啲乜?余思霆就答:「最掛住香港啲嘢食,長時間冇食就會好掛住㗎嘛,最掛住茶餐廳啲嘢食,食咗好多﹗」

余思霆被流放台灣逾一年 一個原因返港非為見朱敏瀚 快閃兩周又返台
余思霆專程返港,原來為幕後好友陳家勝向張詩欣求婚送驚喜,見到好友得到幸福,余思霆自覺21日隔離的辛苦都是值得﹗(圖片來源:[email protected]
余思霆被流放台灣逾一年 一個原因返港非為見朱敏瀚 快閃兩周又返台
余思霆、朱敏瀚、張振朗、楊偲泳、陳安立、林希靈、羅天宇等齊齊見證張詩欣被求婚﹗(圖片來源:[email protected]

朱敏瀚爆再見余思霆感覺好陌生

余思霆雖然返港目的非為男友朱敏瀚,不過男友都唔介意,但就爆冇見女友余思霆超過一年,再見面的竟然感覺陌生,朱敏瀚接受無綫娛樂新聞台獨家訪問時話:「見到面冇喊﹗但冇見成年,第一日見番有種陌生感覺,可能呢一年都用facetime見面,個畫面上變咗個真人,突然有啲唔慣﹗」問到女友余思霆返港僅兩周如何度過?朱敏瀚就話:「食嘢囉﹗再去主題樂園玩啦﹗同埋佢離開香港成年,都有好多瑣碎事要搞﹗」余思霆快閃兩周再返台灣工作,朱敏瀚就答:「大家keep住有工開都好嘅,啲時間過得快啲﹗大家有個目標都好嘅﹗」至於問到女友歸期?朱敏瀚無奈表示唔知道﹗

朱敏瀚話相隔超過一年再見余思霆,竟然有陌生嘅感覺﹗
朱敏瀚話相隔超過一年再見余思霆,竟然有陌生嘅感覺﹗(圖片來源:無綫娛樂新聞台截圖)
余思霆被流放台灣逾一年 一個原因返港非為見朱敏瀚 快閃兩周又返台
去年10月余思霆準備離港到台灣三個月,之前孖朱敏瀚拍片,朱敏瀚大表不捨之情﹗當時余思霆請網民幫手睇實男友﹗不過余思霆反而被影到在台灣夜蒲同男士有親密舉動﹗(圖片來源:《思家霆園》影片截圖)
余思霆被流放台灣逾一年 一個原因返港非為見朱敏瀚 快閃兩周又返台
主題樂園忠粉的余思霆,快閃兩周返港,除了因張詩欣被求婚而去主題樂園外,其後又孖男友朱敏瀚入園暢玩﹗(圖片來源:《思家霆園》影片截圖)

余思霆返台拍劇演殺手

余思霆匆匆返港兩周後又要回到台灣開工,她透露返台拍劇,在劇中飾演一名殺手,很有挑戰性,又指新劇其實已開鏡,只是剛遇上疫情才停工,亦讓她可以請假返港安排張詩欣的求婚﹗余思霆接受無綫娛樂新聞台訪問時表示有留意男友在《拳王》的演出,更笑指一直精神上支持男友,並指之前男友為《拳王》在練大隻要戒口,她卻在旁邊食薯片,被主持問到有冇在無綫頒獎禮上投男友一票,余思霆一度口窒然後答:「有…有投票﹗」

余思霆被流放台灣逾一年 一個原因返港非為見朱敏瀚 快閃兩周又返台
余思霆晒男友視角﹗(圖片來源:[email protected]
余思霆話有投票畀男友朱敏瀚﹗
余思霆話有投票畀男友朱敏瀚﹗(圖片來源:無綫娛樂新聞台截圖)
余思霆被流放台灣逾一年 一個原因返港非為見朱敏瀚 快閃兩周又返台
本月14日余思霆再起程返台灣﹗(圖片來源:[email protected]

讀者留言