余文樂

余文樂一索得男下一站追女│圈中仲有邊啲藝人夫婦恨追女湊「好」字?

余文樂日前一索得男後變身廿四孝好老公兼好爸爸,為下一站追女做好準備。其實圈中唔少藝人一索得男後都恨女,不過生B唔係話有就有,想湊到個「好」字,真係要夫婦同心繼續努力!

撰文:東方新地|圖片:新傳媒圖片庫、余文樂IG

余文樂 發女寒

余文樂父愛爆棚,仲係小朋友殺手,個個小朋友都鍾意黐佢玩,而他亦恨女恨到發燒,第時有女一定寵到上天。知情者透露:「樂仔好鍾意小朋友,尤其係女仔,佢成日同樂嫂講點都要生個女,仔就陪佢玩車打波,女就愛嚟錫同寵,仲話要盡快生多個女,最好就似媽咪咁有氣質咁靚,樂嫂冧爆點會唔應承喎!」

余文樂

余文樂
余文樂周一(14日)晚到醫院接老婆囝囝出院,在他到場前,該醫院的職員與公關已一早在場打點及視察環境,讓樂仔到埗後可順利接老婆同囝囝出院。樂仔雙手抱實B仔一臉凝重,本來身穿牛仔背心的他怕背心拉鏈整傷BB,抱B前亦把背心除去,相當細心,新手爸爸值得加分。
余文樂
王棠云隨後步出,一身深色打扮的她全程用手撳實下腹傷口,在沒有人攙扶下慢慢上車。
余文樂
向來低調處理私事的余文樂,竟自己公開囝囝名字叫Cody,又po相分享小部分面仔及手仔,不過最重要係識多謝太太。

余文樂

 

當了爸爸後就每天都想回家。 以前別人講我不太能想像那感覺,但現在終於知道了… 等我爸爸會趕快回來
A post shared by SHAWN YUE // 余文樂 (@lok666) on

楊千嬅:有當然開心

已44歲的楊千嬅於12年6月誕下兒子Torres,多年來都望追多個女,不過一直未有聲氣,日前在母親節活動 上為粉絲的女兒梳辮子,問到可有想過再生一女兒?千嬅表示自己很喜歡,有當然會很開心。

胡杏兒:會努力造人

曾公開表示要生夠三個的胡杏兒,去年10月誕下兒子Brendan,老公李乘德不知幾開心,最近胡杏兒已放風會努力造人,望為李家繼續開枝散葉。

應釆兒 賺夠再追女

應采兒與陳小春已經有個4歲的小小春Jasper,但應釆兒自爆新年願望係生多個,小春在真人騷見到劉畊宏個女小泡芙更加嗒晒糖,恨女恨到出晒面。不過自真人騷後全家人氣急升,廣告出騷叫價狂飆,二人為錢擱置追女大計,食住個勢賺到夠先。

關鍵詞
余文樂