余香凝

余香凝有個索妹妹 「美少女學徒」余潔瀅

最近大台小花湯洛雯同索爆妹妹湯樂瑤(Cassandre)去旅行,兩姊妹連日喺IG狂晒靚相,益晒網民大飽眼福!原來娛樂圈另一靚女余香凝同樣有個靚妹妹余潔瀅(Zoe),同家姐勁似樣,好快大家仲會喺新一輯《美女廚房》見到佢!

撰文: 東方新地

圖片:IGjenniferyuuuzoe_yuyingcassandretong微博倪晨曄Jennifer

靚湯妹Cassandre 性感過家姐

湯洛雯有名你叫「靚湯」,出眾靚樣無庸置疑,但原來靚湯妹湯樂瑤(Cassandre) 同樣咁高質!而且Cassandre身材豐滿,喜歡以性感打扮示人,不時喺社交網大晒「胸器」,睇到抖唔到氣!

倪晨曦孖生妹妹Jennifer

另一方面,網絡女神倪晨曦2005年時參加多倫多華裔小姐並奪冠,原來妹妹倪晨曄(Jennifer)同樣參加過「2007年多倫多華裔小姐」競選,並奪得「魅力傳城大獎」,靚樣無庸置疑!Jennifer同家姐眼睛及面形都頗相似,笑起上嚟甜美動人,不比家姐遜色!

Jennifer 2015年時已經與一位外籍人士喺夏威夷結婚,現時育有兩個可愛混血女兒。睇嚟Elva同男朋友都要努力啲,追貼妹妹的進度!

「美少女學徒」余潔瀅

言歸正傳,新一輯《美女廚房》下個月就有得睇,觀眾除了期待一眾女星獻「廚藝」,一班青春貌美「美少女學徒」都值得關注!其中一位學徒名叫余潔瀅(Zoe),靚女又餘著起廚師制服有板有眼,不過望真啲,真係好似喎,愈睇愈似佢呀!

有片睇:

余香凝親妹妹

睇完Zoe個名余潔瀅,再望望個靚樣,你話佢同余香凝無關係都冇人信啦!Zoe的確係余香凝的親生妹妹,從兩姊妹的合照可見,二人五官、笑容都似到十足,點解咁耐以來都冇乜聽余香凝介紹個靚妹妹嘅?

受家姐影響入行

比家姐余香凝細3年,現年只得21歲的Zoe同樣係一位模特兒,造型夠晒百變,佢接受傳媒訪問時表示係受家姐影響入行,希望可以拍廣告、影平面相或拍劇等,多嘗試不同的挑戰。Zoe又稱自己最叻煮雞翼同甜品,好期待佢喺節目中展示廚藝!

修長Body

雖然Zoe唔及家姐的173cm身高,不過同樣身形平均又修長,做得model果然唔同啲!

同樣是運動型女神

Zoe同家姐余香凝一樣熱愛運動,社交網中都經常見到佢做運動做到香汗淋漓的,一身運動裝束健康性感,身材弗到爆!

Zoe的擇偶條件

大家都知余香凝依家同近期好紅的陳家樂拍拖,二人感情穩定,陳家樂仲話娶硬余香凝呀!不過男士們唔好咁失望,因為妹妹Zoe現時仲係單身,Zoe接受傳媒訪問時就話理想對象係要高過佢、雙眼皮、思想成熟同埋要係運動型的!

Why not both?

大家鍾意家姐定細妹多啲呢?小編就梗係話why not both啦!