余香凝

余香凝9頭身弗爆身材 運動型女神俘虜男友陳家樂

陳家樂在TVB劇《逆緣》中,拍住姜大衛黎耀祥,三人首次在電視劇中擦出火花。陳家樂劇中有索女林夏薇做女友,現實中亦有位拍拖三年的女朋友余香凝(Jennifer),余香凝有樣有身材有演技,陳家樂認真豔福不淺!

撰文:東方新地|圖片:新傳媒圖片庫、youtube截圖、instagram

陳家樂《逆緣》成功入屋

陳家樂TVB劇《逆緣》中飾演「冷凍人」鍾定國,同兩位前輩姜大衛黎耀祥有唔少對手戲,三人首次在電視劇中擦出火花!另外家樂又會同索人妻林夏薇有一段情緣,好葡萄囉!

神級女友余香凝

劇中同林夏薇有感情戲,現實中陳家樂亦有一位女神級女友,佢就係余香凝啦!24歲的余香凝模特兒出身,之前拍過唔少廣告,但可能大家比較有印象、或者最記得的,應該係佢4年前的冷氣機廣告啦!

余香凝樣靚仲有演技

身高175cm嘅余香凝樣貌標緻可人,有樣又身材就當然唔想做死一世模特兒,所以佢喺2014年就開始參與幕前演出,一開始拍港台的《總有出頭天》,上年就有份拍攝電影《骨妹》,演技備受認同,更憑《骨妹》獲提名上年金像獎最佳新演員。

菲林造型搶鏡

今年,余香凝亦有出席香港電影金像獎,衣著可謂云云女星中最有特色,造型向香港電影金像獎的經典香港電影和菲林致敬,上衣以膠製成,仲拎住個寫有「已走光」字樣的菲林手袋,實在非常觸目!

余香凝熱愛運動 身材弗爆

余香凝身材弗到漏,多少都因為佢出晒名熱愛運動,不時會喺社交網站上載運動照,同一眾粉絲分享心得。不過於小編而言,最主要當然係睇佢一身健康性感的運動打扮啦!


余香凝身材弗爆,線條靚到不得了,都係多得平時勤力健身!睇到男士們眼定定、女士們好羨慕……

可愛鄰家女孩

平時唔洗開工的日子,余香凝都喜歡以素顏或淡妝示人,感覺清純可愛,似個鄰家女孩。

同陽光玩遊戲

鍾意海嘅余香凝重會同屋企人一齊去同陽光玩遊戲,之前就試過同媽咪一齊著住泳衣去吹海風。

嘩!睇個背影都唔似係媽咪同個女囉!

余香凝 陳家樂激罕放閃

事實上,余香凝同男友陳家樂都一直愛得低調,但近日兩人少有地晒情侶裝相放閃,見佢哋齊齊著住阿根廷波衫,不時又會一齊睇波,真係羨慕死唔少男士!有個女友唔會剩係問咩叫「越位」,唔會問碧咸有冇份踢,又著埋波衫陪你癲,夫復何求…

余香凝妹都入行

另外,據稱余香凝的胞妹余潔瀅最近亦跟姐姐入行,二人同屬Jamcast模特兒公司。兩姐妹都咁靚女,相信星途都會一片光明。

妹妹余潔滢 Zoe。