ft pic

保住視后 陳展鵬man爆護胡定欣

《一屋老友記》就快播完,雖然胡定欣鋒頭被滕麗名蓋過,更有傳兩人因此不和,但定欣貴為視后,大把機會表演啦!話咁快佢做女主角嘅《城寨英雄》預備出街,尋日成班演員去香港仔一個泳池宣傳,唔只影張相咁簡單,仲要落水濕身玩遊戲呀!

延續閱讀︰

兩遇賤男 滕麗名十大正面愛情金句

老婆冇得撈 三寶張頴康獨撐成頭家

成班演員分組玩,袁偉豪同王君馨一組,定欣就同煎pang一組,要推晒對方兩個人落水為之贏。照牌面睇,袁偉豪同煎pang嘅身形體力不相伯仲,衰在袁偉豪太心急,諗住跳過去定欣張浮床上埋身激戰,點知俾煎pang一腳伸咗落水!

得返王君馨一個,佢都嘗試反撲推定欣,但煎pang鬼咁認真護花,左手攬實定欣防止佢跌落水,右手不斷推王君馨,最後索性自己跳入泳池,全力扯王君馨落水!嘩,知你為套劇操到成身肌肉,都唔使用嚟對付女仔嘛!

全文完