zz

保護色拍夜戲 古天樂鬧市冇人識

紅足25年仍然型爆的古天樂,四月攞埋香港電影金像獎影 帝,依然未有時間停落嚟,電影一部接一部,近日又趕拍電影 《犯罪現場》,同已經16年冇合作的宣萱再演情侶。日前,古仔 拍足全日外景,由上環拍到落旺角,夜媽媽在逼滿人的旺角鬧 市行來行去拍攝,竟然冇途人認得身邊呢位當紅影帝,唔通黑漆漆嘅夜晚配黑皮膚真係等同上咗保護色?!

撰文:東方新地|圖片:東方新地、新傳媒資料庫、Instagram-古天樂

拍親都是大製作的古天樂,近日就忙於趕拍自己公司「天下一」有 份投資的電影《犯罪現場》,更同宣萱自《尋秦記》後相隔16年再合作。

古天樂
晚上八時旺角道逼滿人,但古天樂在大街大巷拍戲,企正人堆中依然冇人認得佢,保護色真係好有效!?

古天樂怕熱到暈低

在新戲演大賊的古天樂,戲中有不少動作場面,古仔開拍時已經表示:「我唔怕拍動作戲,但大熱天時拍外景,最驚會熱到暈低!」

古天樂
同今屆金像獎最佳新人凌文龍一起行過馬路,一樣冇人認到。

日前,古天樂拍足全日外景,由上環荷李活道拍到去旺角鬧市,三十幾度高溫,古仔仲要著住長袖厚褸,真係睇見都熱,難怪每拍完一個鏡 頭,古仔已急急返上車涼冷氣慎防中暑!

古天樂
因為要由街頭拍到落街尾,當晚古天樂出動兩架七人車,分別停泊在街頭街尾stand by,方便他隨時可以跳上車避開人群。
古天樂
古天樂同宣萱自01年《尋秦記》後,相隔16年先再合作拍電影《犯罪現場》,戲中演大賊的古仔,為幫自己洗脫罪名,潛伏在一大廈單位暗查案情,亦因此同演有視障的包租婆宣萱擦出愛火花。

晚上約八時許大隊轉場到旺角街頭取景,古仔喺逼滿人的鬧市,由街頭行去街尾來回拍攝都竟然冇途人認到佢,keep 住曬黑皮膚多 年的他,晚上如同上咗保護色一樣,但原來近日忙於拍戲少咗時間曬 燈的他,亦有諗過想變白啲。

古天樂
下午三時許,古天樂現身在上環荷李活道拍電影外景,每拍完一個鏡頭,就有四 個人護住佢行去上車,相當大陣仗。

據知情者透露:「古仔以前皮膚好白,咁 多年嚟都keep住曬燈曬黑啲皮膚,但呢排佢因為太忙,少咗時間曬 燈,皮膚冇以前咁黑,好多人都讚好睇,令佢忽然有衝動,想自己白 番啲。」

古天樂
新戲製作龐大,喺街拍幾個鏡頭,已經封咗成條街攞景。

拍攝大陣仗

古天樂

低調投資

13年投資開設電影公司「天下一」,近年又開埋經理人及製作公 司,仲做埋演藝人協會會長,最近又出錢贊助香港藝術中心的電影 院,並命名為「古天樂電影院」,會播映一系列港產片。古天樂已經唔再局限自己做演員,更積極培育電影幕前幕後人才,扶助香港電影 業。

古天樂
在上環荷李活道拍了約 3小時,大隊轉場去附近文武廟再拍攝,大熱天時包到 冚拍外景,講到明最怕熱到暈的古仔,拍完一個鏡頭就上七人車散熱!

連拍三場口

古天樂

據知情者透露:「雖然不停入股同收購電影後期製作公司,但古仔 份人好低調,佢唔會多講,好似『天下一』旗艦電影公司,都係用媽媽名登記 , 開 嘅 經 理 人 同 宣 傳 公 司 , 就 交 畀 好 友 兼 經 理 人 R o n n i e 負 責 !」不過點低調都好,古天樂對電影熱誠大家有目共睹。

古天樂

古天樂

古天樂
近日無線深夜重播古天樂宣萱 99年合作的《刑事偵緝檔案IV》,勾起唔少人集體回憶,唔少觀 眾大讚兩人合襯,這套劇更令二人分別拿下無 綫視帝視后,可說是無綫歷年經典作之一。
古天樂
紅足25年仍然型爆的古天樂,四月攞埋香港電影金像獎影帝,依然未有時間停落嚟。
古天樂
古天樂拍足全日外景,由上環荷李活道拍到去旺角鬧市,三十幾度高溫,古仔仲要著住長袖厚褸,真係睇見都熱。

古天樂出錢出力 低調行善

今年首嚐影帝滋味的古天樂因2008年目睹汶川地震摧毀咗好多人嘅家園,決定成立「古天樂慈善基金」,私下都經常跟進同了解興建學校慨進度,確保唔會出現豆腐渣工程。曾有記者致電詢問「在大陸捐建60幾間學校花咗幾多錢?」古天樂唔肯透露:「我只係本著做善事嘅心,唔想講錢,亦冇目標要捐建幾多學校。」仲話自己有小小成就,有能力就幫忙,亦會一直做落去。據知古天樂至今已斥資興建99間小學,並捐贈18間醫療室、750口水窖同1座小水利工程,捐款超過2,425萬。

|斥資興建近百間小學

古天樂
古天樂在內地興建咗近百間小學,學校遍及廣西、甘肅、貴州與四川等地。
古天樂
爾冬陞曾列出古天樂喺內地興建嘅學校名單,水蛇春咁長。

|曾幫「大佬B」還巨債

除咗低調做善事,古天樂喺圈中仲幫助過唔少人度過難關,「大佬B」吳志雄曾經公開感謝古天樂喺佢最困難時支持佢,據知大佬B喺99年投資失利,蝕咗近億元,古天樂因為喺未紅時曾受過「大佬B」恩惠,所以幫佢還清巨債。此外,仲有指古天樂為感謝《陰陽路》監製南燕多年前嘅賞識,當對方患病時,一直喺經濟上支持對方,仲會久不久包機票、酒店請南燕一家去旅行。

吳志雄 古天樂
「大佬B」吳志雄曾公闕感謝古天樂喺佢最困難時支持佢。