《倚天屠龍記》

【倚天屠龍記】新版開播 雲集8大女神級靚女演員

武俠小說大師金庸嘅名著之一《倚天屠龍記》曾多次拍完又拍,單單電視劇嘅版本就已經有7次咁多,去年內地就開拍第8版嘅《倚天》。而新版《倚天》安排緊接《皓鑭傳》於黃金時段播出,除咗「滅絕師太」一角由當年演「周芷若」嘅周海媚演出外,其他演員清一色都係來自內地。劇中男女主角都起用較年輕演員,而且個個都係高顏值,唔計演技,只睇樣都已經夠晒好睇!

 

撰文:東方新地|圖片:微博

《倚天屠龍記》各個角色 顏值爆分

陳鈺琪 飾趙敏

內地女演員陳鈺琪現年只有20歲,為唐嫣旗下藝人,2016年先開始拍劇,早年憑電視劇《錦繡未央》中飾演九公主「拓跋迪」而備受注目。今次佢喺《倚天屠龍記》入面擔正做趙敏一角,大家感覺如何呢?

陳鈺琪飾演趙敏。

樣子清秀可愛嘅陳鈺琪,唔少觀眾對佢做女主角就好有信心,唔知要演活一位活潑又帶點霸氣嘅郡主,對演員資歷尚淺嘅佢會唔會有難度呢?

祝緒丹 飾周芷若

另一位重要女主角周芷若,則由今年26歲嘅祝緒丹出演。由雜誌模特兒出身,2013年首次演出電視劇,祝緒丹曾拍攝古裝仙俠電視劇《三生三世十里桃花》演玄女一角、都市職場電視劇《談判官》等劇而較為人所認知。今次擔任《倚天屠龍記》中的女主角之一,相信會係一個新挑戰。

祝緒丹飾演周芷若。

要做到外表帶幾分冷艷、亦正亦邪嘅周芷若,未知祝緒丹表現如何?

曹曦月 飾殷離

曹曦月係內地新生代演員,今年24歲,自2013年起開始參與拍攝電視劇,佢拍過嘅電視劇較為人所認知嘅,就例如有《楚喬傳》同《浪花一朵朵》等。

曹曦月飾演殷離。

孫安可 飾演楊不悔

21歲嘅孫安可年紀輕輕,但外界認為她有潛力上到一線的女演員,她的微博有接近80萬Fans,2017年喺《惡魔少爺別吻我》網絡劇演出反派女角色莫昕薇而喺內地走紅,短時間內吸粉無數!

孫安可飾演楊不悔。

陳欣予 飾演殷素素

飾演殷素素的陳欣予現年27歲,曾演出過《幻城》及《泡沫之夏》,陳欣予不但長得標致而且有高學歷,她是復旦大學的上海視覺藝術學院畢業生。

陳欣予飾演殷素素是天鷹教教主殷天正之女,武當五俠張翠山之妻,明教教主張無忌之母。

楊明娜 飾演金花婆婆

飾演金花婆婆的楊明娜是金庸武俠劇中的「常客」,早在TVB版《碧血劍》中楊明娜就飾演過安小慧,之後又演出過《新笑傲江湖》寧中則及《神鵰俠侶》中的黃蓉。

楊明娜飾演金花婆婆。

楊明娜是地道的上海女演員,她畢業於上海戲劇學院,長相秀氣,已經出道23年,沒有任何緋聞,且從以前美到現在的演員。楊明娜拍過不少古裝劇演出經驗豐富如《仙劍奇俠傳》、《天地傳說魚美人》、《新聊齋志異之小倩》等,由於扮相出眾,後得到張國立的賞識,欽點她演出《康熙微服私訪記4》。

香港藝員參與演出

「少女標本」成員 許雅婷 飾小昭

今次第8版嘅《倚天屠龍記》,亦都有搵嚟香港嘅藝員參與拍攝,而香港女團「少女標本」成員許雅婷就係其中一個。之前都有拍過電視同電影嘅佢,今次就喺新《倚》中飾演女主角之一嘅小昭,唔知佢會有點樣嘅表現呢?

許雅婷飾演小昭。

那些年周芷若 周海媚 飾滅絕師太

而第二位有份拍攝新《倚天》嘅女演員就係美魔女周海媚!51歲嘅「海味」多年演出經驗無數,更早喺94年馬景濤主演嘅台灣版《倚天》演過女角周芷若,24年後就升呢扮演高手之一嘅滅絕師太。雖然角色設定比較年老,不過周海媚美貌依然出眾,不比一班90後妹妹遜色!

周海媚飾演滅絕師太。

同場加映:21歲小鮮肉 曾舜晞 飾張無忌

先睇睇男主角張無忌,由21歲嘅曾舜晞出演,佢2014年時於內地以組合Fresh極客少年團出道,但翌年10月退出單飛,期後在綜藝、音樂、影視各方面都有活動。雖然《倚天屠龍記》並唔係佢第一套接拍嘅電視劇,但年紀輕輕就咁快做到男主角,真係要睇過先知佢嘅演技如何。

曾舜晞飾演張無忌。

據消息指,主角張無忌一角早前就有小鮮肉胡一天﹑牛駿峰等曾試鏡角逐,但最終都由曾舜晞出演。可惜有網友認為佢沒有武俠嘅感覺,覺得佢唔適合擔大旗做男主角。