倪晨曦

倪晨曦激罕著比堅尼晒線頭 火拼王麗嘉剝衫半裸!

最近,世界各地氣溫皆非常酷熱,唔少人都想盡辦法消消暑!圈中唔少人除了玩水上活動消暑外,亦會四圍旅行度假兼避暑,順便再著上靚靚泳衣趁夏日騷索爆身材。近日,就有名模馬詩慧一家同女神倪晨曦著起泳衣,於個人社交網大派福利!

撰文:東方新地|圖片:instagram、倪晨曄微博、TVB截圖、ViuTV截圖

王麗嘉剝衫半裸

近日,王麗嘉(Irisha)就同家姐王曼喜(Kayla)、細佬王躍穎(Kadin)及媽咪馬詩慧趁住炎炎夏日去咗泰國旅行,一家人齊齊著住泳衣消消暑氣。不過,一向衣著較為出位兼火辣嘅Irisha就當然係其中最出位嘅一位啦!Irisha嚟個消暑大解放,僅用雙手護胸,嚟個半裸拍照,一睇個樣就知佢有幾享受泰國嘅陽光同靚景啦!

tropic like it’s hot🌴🌊

A post shared by @ irisashannon on

另外,Irisha仲邊搵專人紮頭髮兼自拍,重點係高抄嘅角度,令深長嘅事業線表露無遺!

don’t get tide down

A post shared by @ irisashannon on

馬詩慧一家晒身材

相比起家姐Kayla,就覺得佢冇咁大睇頭,不過就勝在成張相影得較有美感。Kayla著住比堅尼,坐喺窗台托腮,加一個若有所思嘅樣的確夠哂意態撩人,再襯個靚背景,掂哂!

A much needed moment of stillness ⠀⠀⠀⠀⠀⠀⠀⠀⠀ #followkayto

A post shared by kayla i. wong (@kaylaiw) on

至於媽咪馬詩慧都唔輸蝕,一於著一件頭嘅黑色泳衣再配上黑超,於水中央大晒標準身段!從相中可見,雖然已是三個仔女嘅馬詩慧依然keep得個身型好靚,走樣程度近乎零!

In the middle of the water 🌊 #在水中央

A post shared by Janet Ma (@janetma28) on

馬詩慧keep得咁好,就連拍住囡囡影相一啲都唔失色,又露膊又嘟嘴咁影相,望落勁young!

I love this woman 💕 #TGIF #followkayto

A post shared by kayla i. wong (@kaylaiw) on

至於家中年紀最輕嘅Kadin就緊係晒一身肌肉,無論邊個身體位置嘅肌肉都練得好好,非常全面!

Never leaving👌🏼 📸 – @janetma28

A post shared by Kadin Miles Wong K M W (@kadinmileswong) on

女神倪晨曦激罕晒線頭

睇完王家一家人嘅泰國晒身材之旅後,轉過另一邊廂,就緊係一齊睇下旅行KOL嘅女神倪晨曦啦!最近,女神就繼續暢遊世界各地,近日更著起荷葉邊泳比堅尼,激罕大騷線頭!加上,女神企喺石洞下擺甫士,真係吸睛程度爆燈!

倪晨曦孖湯洛雯做嘉賓

日前,IG網絡紅人倪晨曦(Elva)孖住湯洛雯,姊妹檔上陣TVB最新一集《美女廚房》,為咗顯出二人的相似程度,二人仲特地拍埋一齊,面貼面畀大家一齊睇下佢哋有幾似樣,結果當然係少啲眼力都分唔出啦!

製作組仲特登為二人玩換面效果,點知望落湯洛雯比倪晨曦嘅妹妹更似對方嘅孖生細妹,皆因出嚟嘅結果係兩人相差無幾!

雖然於節目中,Elva落得地獄廚神嘅稱號,但有唔少網民覺得Elva非常靚女,仲話TVB應該即刻簽Elva做旗下藝人咁話。

倪晨曦回應加入TVB

作為網絡女神嘅Elva雖然依家身處歐洲,但當佢得知大家咁讚佢,亦感到十分高興。近日,Elva就回應大家希望佢加入TVB拍劇嘅睇法,表示自己暫時未有考慮拍劇,因為自己冇演技,免得出醜於人前。

倪晨曦喜愛自由

Elva仲話自己依家工作主力會放喺旅遊同美妝嘅網絡平台,又認為雖然爆光率冇電視咁高,但網路世界自由性大,亦比較多元化。

倪晨曦18歲摘冠

話說,當時年僅18歲嘅Elva,於2005年奪得多倫多華裔小姐冠軍後,曾參加2006年度國際華裔小姐競選,其後偶爾參與電影拍攝,但近年主力經營自己嘅美妝旅遊頻道。

倪晨曦 瑜珈女神

倪晨曦平日鍾意做運動又會教瑜珈,相中見到佢紮起孖辮青春可人,著上運動Tube top,瞓身時「胸器」外露,又做瑜珈做到滿頭大汗咁,真係好誘人!

平日,於Elva嘅社交網站亦不時都會見到佢啲運動照,大騷弗到漏身材,絕對係健康性感!

倪晨曦雖然唔算話上圍非常豐滿,不過勝在身型平均又修長,每次一身運動打扮都非常吸睛,難怪唔只男士們視佢為女神,女生們都好想跟佢學嘢!

倪晨曦有特別的瑜伽技巧

倪晨曦就曾經喺ViuTV健康資訊節目《Yo!Gym+》教大家做瑜珈,見到佢著件運動背心仔,教大家點樣加強腰腹的鍛鍊,當有唔少朋友仔都cap晒圖喺網上分享,不過應該就唔係想學瑜珈…

索爆泳衣照

倪晨曦擁有174cm的標準model身高,有長腿有甜美笑容,舉手投足都散發獨特氣質,輕易俘虜萬千網民!而除了做瑜伽同做Gym之外,佢都好鍾意水上活動,不時都會見到佢去海灘的相片,大家又可以大飽眼福啦!

湯洛雯 倪晨曦大整蠱

4月1日愚人節時,倪晨曦及湯洛雯分別喺自己IG上載單人照,仲留言話自己唔同咗樣之類,不過心水清的網民就知佢哋係開緊玩笑!不過老老實實,Elva同靚湯束同一個髮型,件露肩裝款式相近,同一個回眸一笑甫士,小編都諗咗… 兩秒!

湯洛雯湯洛雯

原來Elva同靚湯於早年入行做model時已經認識,當時已經有人話佢哋似樣,而佢哋兩位本人都認同,所以就襯愚人節夾好個妝同衣著影相,同大家開個玩笑!

湯洛雯

點解佢哋唔係親姐妹都可以似樣到咁?

湯洛雯

倪晨曦孖生妹妹Jennifer

倪晨曦有個親妹妹,仲要一樣咁靚女!母親節當日,倪晨曦上載同孖生妹妹倪晨曄(Jennifer)與媽媽的合照,兩姊妹一左一右錫錫媽咪臉珠,幸福滿溢!

曾奪華姐魅力大獎

倪晨曦2005年時參加多倫多華裔小姐並奪冠,原來妹妹Jennifer同樣參加過「2007年多倫多華裔小姐」競選,並奪得「魅力傳城大獎」,靚樣無庸置疑!Jennifer同家姐眼睛及面形都頗相似,笑起上嚟甜美動人,不比家姐遜色!

另外,Jennifer同倪晨曦一樣身材修長窈窕,打扮青春可人!

姊妹情深

由兩人的社交網站可見,Elva同Jennifer兩姊妹感情確實十分好,經常有甜蜜互動,睇見都sweet!

倪晨曦係個瑜珈達人,原來Jennifer同樣愛做運動,兩姊妹經常孖住去keep fit!

女神一家好幸福

雖然Jennifer條件非常好,不過男士們都係唔好FF太多,覺得佢會入娛樂圈或者有機會追到女神,因為Jennifer 2015年已經與一位外籍人士喺夏威夷結婚,現時育有兩個可愛混血女兒。睇嚟Elva同男朋友都要努力啲,追貼妹妹的進度!