林盛斌

做完通波仔手術 林盛斌Bob 四萬笑容為仔慶生

林盛斌 (Bob) 近日入院做緊急「通波仔手術」,日前成功做完手術將塞咗嘅三條心血管通咗兩條後,Bob已經po出笑晒口舉V嘅相幽默報平安,噚日Bob嫂就再晒出一張大合照,原來Bob住咗三日醫院後已出院回家休息,仲約埋一大班朋友,為佢哋嘅一歲囝囝林道申(Jaye) 舉行生日派對!

撰文:東方新地|圖片:新傳媒圖片庫、Bob IGBob嫂IG

林盛斌Bob:係有d驚

「通波仔手術」即為「栓塞冠狀動脈手術」,38歲嘅Bob上周三 (8月29日) 出po表示正身在醫院:「一直都同自己講:『心口少少痛啫,抖返順條氣,冇事嘅。』 點知⋯⋯原來係可以好大鑊。揸波仔我就話熟手啫,通波仔就真係第一次。老實講,係有d驚嘅!」

一直都同自己講: 「心口少少痛啫,抖返順條氣,冇事嘅。」 點知………..原來係可以好大鑊。 揸波仔我就話熟手啫, 通波仔就真係第一次。 老實講,係有d驚嘅!
Bob Lam(@bob_lamshingbun)分享的貼文 於 張貼

原來Bob有三條心臟血管栓塞,有兩條需要緊急入院「通波仔」,因怕身體負荷唔到,另一條血管要待兩個月後先再做手術。

Bob Lam(@bob_lamshingbun)分享的貼文 張貼

Bob又透露因近來感覺經常喘氣,同埋下巴、手臂出現麻痺情況,佢話:「原本一日一、兩次,惡化到一晚三、四次。」因此約見醫生檢查,先發現心臟有三條血管栓塞,醫生指佢隨時會爆煲暈低,因此要立刻做手術。

Bob Lam(@bob_lamshingbun)分享的貼文 張貼

Bob話自己血壓、血糖同血脂都正常,但醫生指佢嘅病因可能同吸煙、少做運動及工作壓大有關,勸告佢要改善生活習慣。

唔通成班仔喺江門同惠州拍嘢冇出去玩淨係日日喺酒店入面做健身咁健康咁乖又周圍同人講咩……
Bob Lam(@bob_lamshingbun)分享的貼文 於 張貼

住院三日做手術,加上術後休息,令Bob要缺席《美女廚房》嘅拍攝,連原本要拍嘅廣告都要延期,佢話好在太太喺香港,要感謝太太連日來頻撲照顧佢。

今晚錄嗰集,一係負9分,一係負10分….. 再係咁落去,我諗真係要加大我份危疾保險。

Bob Lam(@bob_lamshingbun)分享的貼文 於 張貼

Bob又指手術做足五個鐘,使費更高達數十萬元,佢肉赤表示好番後要畀心機搵錢:「不過當然健康最重要,依家冇事都好好彩同好感恩。」

Bob Lam(@bob_lamshingbun)分享的貼文 張貼

手術後Bob仲舉晒V同醫生合照,又做媒人幫醫生搵女友:「咁嘅,幫我做手術嘅呢位醫生,叫Jason,40歲,養X心臟科主診醫生,事業有成,有上進心,絕冇不良嗜好,成熟,穩重,工餘時間熱心公益,我係女人會主動溝佢,而個重點係⋯⋯佢單身。咁點解佢會冇女,我相信主要係因為『悶』,我聽佢講解個手術同巡房傾計嗰陣我爭d瞓咗!各位姊妹,有需要PM我!」

咁嘅,幫我做手術嘅呢位醫生,叫Jason, 40歲,養X心臟科主診醫生,事業有成, 有上進心,絕冇不良嗜好,成熟,穩重, 工餘時間熱心公益,我係女人會主動溝佢, 而個重點係……….. 佢單身。 咁點解佢會冇女,我相信主要係因為「悶」, 我聽佢講解個手術同巡房傾計嗰陣我爭d瞓咗! 各位姊妹,有需要PM我!
Bob Lam(@bob_lamshingbun)分享的貼文 於 張貼

噚日 (9月2日) 夜晚「Bob嫂」黃乙頤(Pearl) 更po出Bob最新近照,原來出院後Bob就請咗近五十位親友,為細仔喺屋企舉行咗一個生日派對,Bob嫂更留言話:「Jaye Jaye嘅一歳生日party!多謝各位好朋友來分享我地 (哋) 嘅快樂,太愛你地 (哋) 啦!」不過更震撼嘅係Bob可以企足近五十人嘅超豪大廳。

Pearl Wong 黃乙頤(@pearlwong)分享的貼文 於 張貼

相中Bob笑到四萬咁口,睇嚟手術後康復情況良好,精神不俗!

林盛斌

其實Jaye Jaye係上月21號生日,早前Bob一家六口已一齊為佢慶祝過,當時Bob仲特登由多倫多趕飛機返香港為囝囝慶生。

為咗趕及同佢哋一齊慶祝細佬一歲生日, 飛咗十幾粒鐘搞咁多嘢就係為咗呢一刻, 呢個多倫多兩日一夜之旅係有d痴線, 不過,值得嘅。
Bob Lam(@bob_lamshingbun)分享的貼文 於 張貼

話晒仔細老婆嫩,都需要Bob照顧,Bob真係要好好保重身體呀!

Bob Lam(@bob_lamshingbun)分享的貼文 張貼

Bob Lam(@bob_lamshingbun)分享的貼文 張貼

Bob Lam(@bob_lamshingbun)分享的貼文 張貼