傻大姐

3個傻大姐岑麗香 黃翠如 麥美恩 邊個最得你心?

日前一護膚品牌舉行開幕派對,除了有早前出院休養的余德丞外,更有岑麗香、黃翠如及麥美恩三位女藝人同場,三位靚女都係以白裙示人,各展美態。講起香香、翠如BB及Mayanne,雖然三位傻大姐都已經唔係十八廿二,但同樣以甜美笑容及爽朗性格迷倒觀眾心,唔知邊位最得你歡心?

撰文:東方新地|圖片:新傳媒、Instagram

3個傻大姐岑麗香 黃翠如 麥美恩 邊個最得你心?

日前《Fresh Beauty Kitchen開幕派對》中,除了有早前出院休養的余德丞外,更有岑麗香、黃翠如及麥美恩三位女藝人同場,三位靚女都係以白裙示人,各展美態!雖然話香香、翠如BB及Mayanne都已經唔係十八廿二,但同樣以甜美笑容及爽朗性格迷倒觀眾心,唔知邊位最得你歡心?

余德丞表示醫生指暫時唔可以做劇烈活動,飲食都要避免辣及酒精,不過近日見返唔少朋友,人都開心咗,康復進度良好!

|傻大姐1號岑麗香

1984年出世的「香香公主」岑麗香就快34歲,為2010年華姐冠軍出身,燦爛甜美的笑容已成個人標記,加入無綫後人氣有增無減。香香真摯不造作的個性,仲有半咸淡廣東話時常鬧出笑話,人前人後都係咁nice,真係好難令人討厭佢!

香香公主笑容依舊甜美,著上白裙高貴又大方~

香香早前同另一女神Ali出席活動,齊齊騷長腿~

公主成人妻

香香公主於2016年尾宣布結婚嫁人,與金融才俊Joshua(強強) 在溫哥華舉行婚禮,香香婚後多了戀愛滋潤,成為人妻後多了份嫵媚的女人味,一顰一笑都相當動人!

月前宣布離開TVB

不過岑麗香早前宣布唔續約TVB,隨即有報道指佢係離巢係為咗返回加拿大生BB,香香亦在社交網站寫下長篇感言,答謝多位無綫的台前幕後人員,唔少觀眾都大呼可惜!

成王祖藍旗下藝人

早前香香離巢後首度出席公開活動,佢透露7月份簽約成為王祖藍公司旗下藝人。問到酬勞同合約年期,佢話唔講得!至於未來工作方向,會拍劇還是內地綜藝節目?香香說:「都鍾意拍劇 。同時都想試唔同 ,返內地要做好多功課,學7年廣東話,學少少普通話都唔怕 。」

|傻大姐2號黃翠如

1981年出世的「翠如BB」黃翠如就快37歲,唔係港姐出身,早年效力有線娛樂新聞,後來加盟無綫後隨即獲力捧。翠如BB好快當上女一,雖然演技唔太討好,幸好靚樣及可愛率直的性格搭夠,形象正面,同男朋友蕭正楠更是新一代深入民心的螢幕情侶!

翠如BB打扮一向都斯斯文文,呢條露肩長裙非常襯佢~

翠如蕭正楠情定《師奶MADAM》

黃翠如同蕭正楠現正打得火熱!實翠如BB同Edwin 自2014年五月公開戀情後,兩人戀情一直十分高調,不論鏡頭前後都可現二人甜蜜蹤影!兩人戀情萌芽於拍攝《師奶MADAM》之時,翠如喺「定情劇」中飾演由千金小姐變做屋邨師奶的女卧底,而蕭正楠就飾演翠如嘅兒時夢中情人,與翠如扮演夫妻,一同查案。劇中二人有情人終成眷屬,由假夫妻變成真夫妻,而喺現實生活中,Edwin都一樣係翠如BB嘅Mr. Right,個個都Like爆佢哋!

翠如BB及蕭公子拍劇定情。

愛情來了的《美女廚房》!黃翠如公然叫蕭正楠除衫!

蕭正楠同黃翠如早前打情罵俏打到上《美女廚房》,眾人梗係要食吓花生、抽吓水啦!點知不敵閃光彈,張振朗淨係企喺一邊都頂唔順,開口講笑話自己都係出返去先啦!

美女廚房

其中一幕,廚房門一打開,黃翠如攞住菜刀質問眾人:「你哋邊一個踩我!」,吳卓羲立即指向蕭正楠:「佢(蕭正楠)話身材好過你。」

黃翠如即刻回應:「除衫!睇你係咪好過我!」,點知,抵死嘅蕭正楠神回:「你知㗎!」真係閃到冇人有啊!!!

完美男友蕭正楠

讚還讚,成集蕭正楠讚黃翠如冇停過口,連女友切幾片薑都讚!

梗係搞到全場嘩然!

阿BOB忍唔住窒吓蕭正楠,叫佢諗吓有無嘢可以批評到黃翠如!蕭正楠即刻表示:「我見到完美!」

想做100分男友嘅命運係咁㗎喇!

黃翠如喺第一輪嘅菜式獲得除咗蕭正楠以外嘅人嘅一致負評,但阿蕭喺翠如深情嘅目光下,竟然講得出:「其實好甜!」然後再Chok爆回望翠如,真係唔使加Effect到感覺到佢哋有幾Sweet啦!

愛情來了的《美女廚房》

試食咗少少,蕭正楠Man咁爆咗一句:「無人欣賞你,我欣賞你。」再嗱嗱塞哂翠如煮嘅餸落口,哇,真係感動全場!

蕭正楠真情流露黃翠如眼泛淚光

能夠搵到個願意煮飯俾自己食嘅女人,係幾咁幸福!難怪全場都係咁起哄叫佢哋快啲註冊結婚!

聽到對方幾句簡單讚美,都足以感動落淚!

結婚!結婚!結婚!

相信唔少粉絲都非常希望佢兩個快啲「有情人終成眷屬」,唔知幾時會聽到佢哋嘅好消息呢?

|傻大姐3號麥美恩

最後到31歲的麥美恩(Mayanne) ,都可算係無綫最深入民心的傻大姐!奪得2011年港姐第四名後,Mayanne加入無綫並向主持工作發展,最出名當然係成為《學是學非》「是非精」之一,不時展露其麻甩又開朗的個性,開創了自己獨特的定位,深得觀眾喜愛!Mayanne曾在去年台慶頒獎禮連奪三獎,今年初更勇奪「飛躍進步女藝員」,現時被封「新一代綜藝女王」!

 

傻大姐Mayanne今次以斯文裙款示人,加埋對高踭鞋,別有味道~

「傻大姐」形象深入民心

至2013年,麥美恩成為綜藝節目《學是學非》的主持之一,雖然知名度不及其他幾位,不過佢在節目中願意放下身段,經常有爆笑演出,真摯不造作的感覺相當親民,「傻大姐」形象深入民心!

台慶連奪三獎

麥美恩在《萬千星輝頒獎典禮2016》中連奪三獎,其有份參與的《我愛香港》、《學是學非》和《天與地》,分別獲得「最佳綜藝節目」、「最佳資訊節目」及「最佳特備節目」,厲害!

「飛躍進步女藝員」麥美恩

之後到《萬千星輝頒獎禮2017》雖然,唔少獎項賽果都被網民炮轟,唯獨有一位得獎者係公認的實至名歸,就係「飛躍進步女藝員」麥美恩 (Mayanne)!Mayanne在台下得知獲獎後喜極而泣,上到台都繼續喊,佢感慨表示:「我知我有好多缺點,但係上帝俾咗個好好嘅恩賜我,可以令觀眾笑!」