兒子眼大似媽咪 胡杏兒囝囝 中文名叫「李奕霆」
胡杏兒 (Myolie)嘅囝囝Brendan唔經唔覺已經三個月大，老公李乘德(Philip)昨日終於忍唔住公開囝囝嘅正面照片，Brendan眼大大好靚仔，咁可愛，梗係冇理由唔開心Share嘅！Philip同時已為囝囝取名「李奕霆」！
撰文：東方新地
圖片：胡杏兒＆ Philip＠Instagram
胡杏兒囝囝叫「李奕霆」
杏兒有子萬事足，佢喺IG上載抱著囝囝睡覺嘅照片，並留言話示：「每天起床最開心的就是見到你對著我甜甜的笑，每晩最享受的就是你乖乖的睡在我的胸口！媽媽愛你！」而杏兒老公李乘德都忍唔住公開兒子的正面照，3個月大的Brendan，肥肥白白，眼仔又圓又大，顏值同靚爸媽一樣咁高呀！佢又寫道兒子中文名叫「李奕霆」！
勁食漢堡包薯條
杏兒近月忙於照顧三個月大嘅囝囝，但都不時在IG分享近況，日前佢老公喺IG話同太太去食漢堡包，見杏兒唔怕肥，仲食得津津有味，而囝囝就安坐於BB車，冇扭計，好乖仔！
好好肉
杏兒雖然係新手媽媽，但都湊得BB好好，早前佢分享兒子的照片，不難見到Brendan肥嘟嘟，手手腳腳圓碌碌好好肉！
