入行16年 升呢做男二 33歲鄭俊弘捱出頭

在2013年《星夢傳奇》中 鄭俊弘 感性一句:「只求觀眾講得出我個名。」大灑洋蔥,令不少觀眾都深受感動,最後鄭俊弘贏得冠軍,加入星夢娛樂做歌手,不過成功做到歌手後,鄭俊弘拍劇就變得好揀擇,自2014年拍完台慶劇《名門暗戰》後,至今只在去年拍了一套《與諜同謀》,劇中當然唔使再做茄喱啡,而係做羅嘉良個仔,首次擔正做男二,戲分勁多,仲同無綫力捧的花旦李佳芯(Ali)做一對,真正捱出頭!

相隔兩年 做復仇chok男

鄭俊弘自01年17歲時已參加全球華人新秀歌唱大賽入行,得以簽約華星唱片公司,但同年10月就因華星宣布停止除版權管理外所有業務而被解約。02年他加入無綫第18期藝員訓練班,同班中人有胡定欣、黎諾懿、蔡淇俊等。到03年,鄭俊弘開始拍劇, 每年都拍攝多部劇集,不過都只係一些小角色,直到06年,鄭俊弘在《法證先鋒》飾演蒙嘉慧細佬梁小剛一角,先至有較多戲分,但觀眾仍叫不出他的名。

17歲的鄭俊弘與何晶晶同是全球華人新秀歌唱大賽香港區的得獎者,當年兩人在雜誌上介紹睇波熱點,鄭俊弘全程都不停露齒笑,十足十賣牙膏廣告!

 

一路捱到2013年,在《星夢》中彈起後,鄭俊弘終於成功入屋,仲加入星夢娛樂,一圓歌星夢。近年鄭俊弘專注做歌手,已經兩年無拍劇,今次回歸演員角色,一改暖男形象,大玩chok爆復仇路線,唔知觀眾又buy唔buy呢?

2005年心花放4
05年,21歲的鄭俊弘飾演郭可盈和廖碧兒弟弟紀聰明,亦是秦沛兒子,唔知仲有幾多人記得?

2005年心花放3

2005胭脂水粉
同年鄭俊弘(左二)在劇集《胭脂水粉》中飾演黎姿同母異父的弟弟甯天朗。
2006《法證先鋒》劇照
06年,鄭俊弘演出《法證先鋒》,做蒙嘉慧細佬梁小剛,英文名亦叫Fred,開始有較多戲分。
2008《法證先鋒2》劇照
07年,鄭俊弘因工作量大減,曾請假一個月返加拿大自費進修戲劇。同年他再拍《法證先鋒II》,繼續扮演法證專業人員。
2009《學警狙擊》造型會
09年,鄭俊弘(前排右二)又做番小角色,在《學警狙擊》做一個小警員,一臉正氣。
2009《老友狗狗》宣傳活動
同年鄭俊弘在《老友狗狗》做小村民「苦榮」。
2010蒲松齡
同年拍《蒲松齡》,飾演陳錦鴻表弟,脫唔開「弟」字輩,莫非天生一副細佬相?
2011天與地
2011年神劇《天與地》鄭俊弘都有分又彈又唱,做band友(右一)上台表演,同陳豪、黃德斌一齊jam歌,劇中更獻唱了他自09年開始組成的樂隊HOME的原創歌〈天堂〉。
{"IPTC-DATA":"NMG","data":{"photoID":2175011}}
樂隊HOME
2011年拍ATF
2011年鄭俊弘拍《叛逃》,是反恐部隊ATF的一員。
2011年第十八期訓練班同學聚集在 拳王
同年拍《拳王》,第十八期訓練班同學聚首一堂。
2012年師父明白了
2012年拍《師父·明白了》中,鄭俊弘飾演四大捕快之一。
{"IPTC-DATA":"NMG","data":{"photoID":2175010}}
2013年參加《星夢傳奇》,母親和家姐一齊到場支持,最後成功奪冠。
2013年巫啟賢
擔任評判之一的巫啟賢在比賽中對鄭俊弘歌藝中加讚賞,仲收埋鄭俊弘做徒弟。
2013舌劍
同年《舌劍上的公堂》,鄭俊弘大晒自細學武的功架。
{"IPTC-DATA":"NMG","data":{"photoID":2175012}}
同年尾鄭俊弘拍節目《神級手作》,獲一位畫家在手背繪上熊貓,從此與熊貓結下不解之緣,連首張個人大碟亦命名為《熊貓的故事》。
{"IPTC-DATA":"NMG","data":{"photoID":2185981}}
2014年,鄭俊弘對上一部劇集《名門暗戰》飾演邵美琪養子,是個熱愛唱歌的自閉症患者。
2017年
今年鄭俊弘拍住羅嘉良演父子,首次擔正做男二,要做間諜玩復仇,大考演技!

 

全文完