內地綜藝實施「限薪令」 舒淇、趙薇被勒令退回共8000萬

最近大家經討論嘅話題一定離唔開范冰冰逃稅事件,被指控逃税一共2.55億人民幣。睇嚟內地似乎想對藝人嘅高片酬進行徹底嘅監管。早前就瘋傳有好多內地綜藝節目已經被電總局開始實施「限薪令」,對一班天價嘅藝人開始進行追擊。

撰文: 東方新地、Clarissa |圖片來源: 微博@中餐廳

內地綜藝實施「限薪令」 舒淇、趙薇被勒令退回共8000萬

內地廣電總局嚴格規定常住嘉賓喺一個季度節目裏面,總片酬唔可以超過1,000萬人民幣(約1,440萬港幣)。近期有份出演《中餐廳》第二季嘅舒琪同趙薇就被下令退回4000萬人民幣俾衛視。

其實舒琪同趙薇喺拍攝《中餐廳》之前已經一早傾好價錢,雙方同意咗先開始拍。可惜喺節目播出期間,「限薪令」就開始生效,所以全節目嘅演員都需要配合。

趙薇同舒淇本身每人可以收到5,000萬人民幣(約5,704萬港幣)一季,但節目製作公司代替湖南衛視向她們追討返4,000萬人民幣(約4,563萬港幣)。

有網民爆出,趙薇話明白國家政策,所以好快就退咗錢。不過舒淇初時好似表現好唔情願咁,之後被趙薇打電話勸說,最後都喺將差價退返去。

其實未有所謂嘅「限薪令」之前,內地綜藝節目都會分等級,分別喺S級、A級、二線和一般節目等類型!喺最高級嘅S級節目,藝人通常一集片酬就已經有500萬人民幣(約566萬港幣)。如果喺常駐嘉賓片酬嘅話,至少賺到5,000萬人民幣以上(約5,660萬港幣)。

而低一級嘅A級節目片酬大約2,000萬人民幣(約2,264萬港幣)。之後嘅二線節目就可賺到數百萬人民幣,最後嘅一般節目為數十萬人民幣。但喺如果星級嘉賓同當紅藝人嘅話,片酬仲可能再高啲添!

有傳之前王菲都以近1億人民幣接綜藝節目《幻樂之城》,如果根據限薪令,王菲都要退回9000萬片酬,不過就未確實相關消息。

讀者留言