10歲已經取代到全智賢?Ig近百萬人追蹤Ella代言免稅店

年紀輕輕已經有接近一百萬人follow嘅德韓混血小model Ella Gross,可以話係超紅,佢嘅一舉一動都備受留意,今年7月頭仲宣布簽約韓國YG事務所旗下嘅音樂品牌The Black Label,吸引更多亞洲嘅fans,最近呢位紅爆嘅妹妹仲取替咗全智賢,到底佢有咩咁強呢?

撰文:東方新地| 圖片:instagram

10歲已經取代到全智賢?Ig近百萬人追蹤Ella代言免稅店

呢位只有10歲的妹妹叫做Ella Gross,係一名德韓混血兒,憑住靚樣已經吸引好多人關注,加上佢細細個已經超識擺pose,絕對係天生食呢行飯!

7月初仲宣布簽約韓國YG事務所旗下的The Black Label,名氣進一步加強,由當時只有大概50幾萬fans,爆升至最近的98萬followers。

小妹妹直情係接job接到手都軟,佢媽媽不時都會upload女女細個嘅bb相,吸超多like,同時佢媽媽又好感謝fans咁支持女女!

Ella早前仲進軍埋日本,在大型花生騷《TOKYO GIRLS COLLECTION》行騷,愈來愈多曝光率,所以接到更多廣告合約,人氣超旺盛!

除咗行騷﹑參與大型活動之外,Ella仲幫韓國男歌手Zion.T拍MV,真係唔可以睇少呢個小妹妹呀!

Ella跟韓國女團BLACK PINK成為同門藝人,超有潛力,最近仲接埋全智賢棒,擔任免稅店代言人!

韓國新世界免稅店去年找來,全智賢和G-Dragon擔任代言人,今年就睇中了人氣爆升的妹妹Ella,相信佢都係數一數二最年輕嘅免稅店代言人了!

一舉手一投足都咁有星味,呢位妹妹一定大把前途喇!

 

讀者留言