全民造星4

全民造星4|20強名單出爐 方方、子涓決賽前止步 網民竟然非一面倒祝賀?

最新娛聞

廣告

《全民造星4》20強名單出爐:總決賽將在12月25日舉行,由最初96人晉級至最後20強,第五輪淘汰賽最後一個表演,上陣的是由阿Jer枊應廷擔任導師的「Jer組」,成員包括方方、Gao、Alice、阿蛋、子涓。20強名單出爐,上屆參賽者方方和子涓再次在決賽前被淘汰。

文:東方新地|圖:ViuTV提供圖片、[email protected]、《全民造星4》截圖、藝人IG、連登截圖

相關文章:全民造星4|JER柳應廷被指搭上「翻版朱茵」Alice 正印女友嬲爆結束5年情

即睇《全民造星4》20強晉級和淘汰名單

「Jer組」得213.2分,晉級成員包括有:Gao、Alice
(方方、阿蛋、子涓被淘汰)

全民造星4 花姐對呢個表演劣評,主要原因是她認為「Jer組」的表現被太多道具影響,太忙碌反而分散力量。
花姐對呢個表演劣評,主要原因是她認為「Jer組」的表現被太多道具影響,太忙碌反而分散力量。(圖片來源:《全民造星4》截圖)

「DEE組」得236.6分,成員包括有:Day、So Ching、Ariel
(馬欣、Kinki被淘汰)

全民造星4|
阿Day表現失準,但表現被評判認為太鬆散。(圖片來源:《全民造星4》截圖)

「AK組」得248分,全員晉級,成員包括有:芯駖、CK、Marf、Ivy So、穎蕎

全民造星4 「AK組」五名成員都係Fit馬,CK的原創歌更被許廷鏗大讚係「出道歌」,可惜表現不及評判預期,分數被拉低。
「AK組」五名成員都係Fit馬,CK的原創歌更被許廷鏗大讚係「出道歌」,可惜表現不及評判預期,分數被拉低。(圖片來源:《全民造星4》截圖)

「肥仔組」得294.4分,全員晉級,成員包括有:Candy、暐翹、Winka、Yoyo、Tengie

全民造星4 「肥仔組」確定晉級,《NoBoddy笨珠》作為第五輪淘汰賽第一個表演。
「肥仔組」確定晉級,《NoBoddy笨珠》作為第五輪淘汰賽第一個表演。(圖片來源:《全民造星4》截圖)

「Lokman組」得316.2分全員晉級,成員包括有:榛綦、Ada仔、VAL、Win Win、超酸

全民造星4 「Lokman組」確定晉級。
「Lokman組」確定晉級,評判喻為第五輪最似表演的項目。(圖片來源:《全民造星4》截圖)

重溫第五輪最後一個表演-阿Jer對團員超貼心-全場最低分

「Jer組」作為第五輪淘汰賽最後一個表演,壓力故然突然高,因為她們的表演將會決定哪一組需要淘汰組員。在準備表演時,阿Jer非常用心,除了親自教授唱歌技巧,連道具都跟到足,極度體貼!可惜最後判評唔多BUY,花姐更狠批表演太貪心,令整個表演太過忙碌,嚴重影響觀賞值。

全民造星4
(圖片來源:《全民造星4》截圖)

花姐狠批:唔想再睇你哋

花姐講評時表示內心好掙扎:「我經常同評判講『你唔好理明唔明,表演好睇就得』,但我內心好掙扎,係因為你哋好似想表達一啲嘢,但我冇完全明白,令我懷疑呢個意思同你哋表演係咪相符,我覺得有啲位演得過咗火,好似夾硬話你知『我係咁』!」而唱歌方面,花姐亦表示唔收貨:「sorry呀,我唔enjoy,我聽到你哋啲假音位,或分開唔同層次聲音,嗰種重疊,你哋平衡唔到,令我好煩擾,唔想再睇你哋表演,同埋有樣嘢最扣分,亦令你哋唔能夠完全投入,就係你哋太忙,喺個表演入面,又要綁繩,又要轉道具,又要轉屏風,又要記走位,作為觀眾,我擔心你能唔能夠趕得及,多過投入睇你哋表演。」講到明挑戰自己態度好但不能太貪心。

全民造星4
(圖片來源:《全民造星4》截圖)

阿Jer喊到收唔到聲:我覺得好唔公平

為隊員勞心勞力的阿Jer對於表演分數太低而大感不滿,其它導師例如Lokman、阿Dee等亦認為分數未至於如此低,最起碼不比連番失誤導致最低分的「Dee組」差。在鏡頭面前哭成淚人的阿Jer大呻:「我覺得唔公平囉!」花姐則表示:「比賽從來唔公平,你嗰陣時(全民造星)參賽好公平咩?你第一回合畀人淘汰咗啦!公平咩?」

全民造星4|20強名單出爐 方方、子涓被淘汰 部分網民抱怨評分不公平
阿Jer喊到收唔到聲,阿祖送上安慰。(圖片來源:《全民造星4》截圖)
全民造星4|20強名單出爐 方方、子涓被淘汰 部分網民抱怨評分不公平
花姐直接表示呢個節目就是不公平,更道出阿Jer也不是《全星1》的決賽選手。(圖片來源:《全民造星4》截圖)

方方、子涓被淘汰並非全民祝賀

其實方方和子涓由一開始就已經被不少網民針對,甚至之前為女團改名的活動,網民亦以諷刺方方和子涓的方向去發揮創意。然而到方方和子涓終於被淘汰,網民的意見又並非一面倒,例如網民會戥評分唔公平,唔應該低分過嚴重失準嘅「Dee組」,更揶揄最後的賽果是「全民造馬」等等,亦有人心戥同組的阿旦唔抵。

全民造星4 方方:「我而家有個感覺,就係停一停,沉殿一下,做返一個學生,我想學多啲唔同嘅嘢,令到自己可以做一個真係好輕鬆,而且有內涵嘅表演者。
方方:「我而家有個感覺,就係停一停,沉殿一下,做返一個學生,我想學多啲唔同嘅嘢,令到自己可以做一個真係好輕鬆,而且有內涵嘅表演者。(圖片來源:《全民造星4》截圖)
全民造星4 子涓:「未來嘅路只會比而家呢個階段仲難行,我覺得有種功成身退嘅感覺?我覺得我做到我做到嘅嘢,我都好鍾意依家嘅自己,我希望都會有人鍾意我。」
子涓:「未來嘅路只會比而家呢個階段仲難行,我覺得有種功成身退嘅感覺?我覺得我做到我做到嘅嘢,我都好鍾意依家嘅自己,我希望都會有人鍾意我。」(圖片來源:《全民造星4》截圖)
全民造星4
(圖片來源:造星評議會 – 全民造星討論區)
全民造星4
(圖片來源:造星評議會 – 全民造星討論區)
全民造星4
(圖片來源:造星評議會 – 全民造星討論區)
全民造星4
(圖片來源:造星評議會 – 全民造星討論區)

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

讀者留言