【再創世紀】女主角鬥喊功 鍾嘉欣、楊怡、周勵淇邊個最慘?
無綫重頭劇《再創世紀》被視為《創世紀》嘅延續篇,呢套商戰劇上月底已率先喺愛奇藝及央視電視劇頻道CCTV-8黃金時段播出,香港觀眾就要等到9月10日至有得睇。雖然暫時收視麻麻,但有內地網友及觀眾都大讚郭晉安奸到出汁好好戲咁話!
話明係重頭劇,陣容當然有睇頭,劇中男主角有林文龍、周柏豪、郭晉安、袁偉豪等等,而鍾嘉欣、楊怡、周勵淇係三大女主角,雖然未知劇情發展如何,但從預告片中所見,三位女一都各自有喊戲,唔知邊個喊功最了得呢?
撰文:東方新地| 圖片:新傳媒圖片、《再創世紀》影片截圖
《再創世紀》郭晉安做奸商
郭晉安在《創世紀》飾演有情有義的馬志強,今次佢喺《再創世紀》中反過來演奸角,佢飾演的賀天生陰險狡惑,為求達到目的不擇手段,勢要爬上香港首富之位,同林文龍飾演的金融界高手高哲展開連場商戰!

08年金融風暴做背景
《再創世紀》故事講述郭晉安飾演的賀天生,在2008年金融海嘯中欲趁機吞併香港首富方松蔭(胡楓飾)的集團,但遭富商卓啟堂(潘志文飾)出手阻撓。安仔懷恨在心,伺機復仇。10年後成為首富的卓啟堂,因為兩名兒子意外離世而大受打擊,更心臟病發昏迷,幼女卓定垚(周勵淇飾)為守護家業當上集團主席,此時賀天生想操控她,但私募基金代理人高哲出手扶助卓定垚,與賀天生展開連場商戰。
視后楊怡 被姦爆喊
視后楊怡飾演安仔老婆章明晞,據知她在劇中曾被方松蔭兒子方孝聰(黃子雄飾)強姦,會在電梯有場喊戲。
老竇鬧冇仔生
而另一場戲,講佢畀老竇話生咗個咁陰險嘅女兒,仲話畀村民嘲笑佢冇仔生,呢場戲楊怡谷到眼鼻通紅!
李婉華 生三個仲咁fit
現年50歲的李婉華已移居加拿大多年,雖然佢已是三子女的媽咪,但身材仍然保養得宜,近日李婉華同家人去咗墨西哥旅行,佢事後喺facebook上載泳照,穿上紅色三點式的她身材依然好fit,絕對係辣媽一名!