郭羨妮

冥冥之中|郭羨妮47歲扮蘇姑娘個樣未算殘 素顏真面目更震撼

最新娛聞

廣告

曾經以仙氣古裝造型迷倒一眾男粉絲的港姐冠軍郭羨妮(Sonija),近日倒戈拍ViuTV新劇《冥冥之中》扮演「蘇姑娘」蘇麗珍,卻被網民狠批樣貌又膠又殘,紛紛話要棄劇!不過郭羨妮無懼劣評,早前更以素顏出鏡,拍攝了一段扮靚短片,獲不少網友直言佩服她敢以真面目示人,仲大讚她「自信就是美」!

郭羨妮 展示素顏真面目 獲網民激讚:自信就是美

郭羨妮近日在一段講述其扮靚技巧的短片中,只塗了少許唇膏,以素顏真面目上陣,示範用美容儀器護眼,但在高清鏡頭下,卻展現出了不少細紋,額頭上更有「火車軌」!網民睇完短片後都大覺震撼,紛紛表示「好佩服佢嘅勇氣」、「額頭勁多皺紋」、「老咗勁多」等,但亦有網民讚她「自信就是美」、「自然美,敢以真面目示人」、「47歲咁嘅樣好正常」等等。

郭羨妮 郭羨妮素顏拍美容片,似乎只塗了點唇膏。
郭羨妮素顏拍美容片,似乎只塗了點唇膏。(圖片來源:FB影片截圖)

《冥冥之中》海報被指好似紙紮網友力撐只因被過分P圖

曾有「最靚港姐」美譽的47歲郭羨妮(Sonija),今次相隔7年再接拍長篇劇集,在ViuTV的30集長劇《冥冥之中》中,飾演一間神秘公司的CEO蘇麗珍,這間公司用各種死亡事件去平衡人口數量,題材新穎!近日推出最新宣傳海報,不少網民卻錯焦點落在郭羨妮靚樣上,紛紛留言指「好耐無見過郭羨妮,樣都唔同晒」、「真心覺得表情非常唔自然」、「第一眼睇,郭羨妮好似紙紮」、「我都認唔出嗰個係郭羨妮」、「個樣好似過咗膠」等等。不過亦有網友力撐郭羨妮個樣變「膠」,只係因為在海報中被過分「P圖」所致,更指連劉心悠都被「P到好假」,網友又為郭羨妮辯護,指「係人都會老」、「依家40歲都算少女,唔老」、「個角色係manager同CEO,搵個廿幾歲嚟做都唔合理啦」、「話知(之)幾多歲!正就得」等等。

郭羨妮 冥冥之中 《冥冥之中》的宣傳海報。
《冥冥之中》的宣傳海報。(圖片來源:[email protected]

《冥冥之中》郭羨妮個妝被指太厚粉

《冥冥之中》劇集題材新鮮,又有多年無拍港劇、有「最美港姐」之稱的郭羨妮加盟,夠驚喜,不少網民在劇集播出前已對該劇睇高幾線﹗可惜睇完劇,卻狠批「女演員嘅妝容出晒事」,隨即引起網民熱烈回應,指女演員太厚粉、眼妝太誇等,又指「睇預告片見到郭羨妮有一幕淡妝好靚,但啲大頭鏡頭就好厚粉,靚都變唔靚﹗」

郭羨妮 郭羨妮在《冥冥之中》擔任一間死神公司CEO,公司職員的任務就是要用殺人去平衡人口!
郭羨妮在《冥冥之中》擔任一間死神公司CEO,公司職員的任務就是要用殺人去平衡人口!(圖片來源:《冥冥之中》劇照)

郭羨妮接劇《冥冥之中》前講條件

郭羡妮婚後產女減少幕前演出,相隔多年再為ViuTV拍新劇《冥冥之中》,令一眾觀眾好期待。郭羡妮日前為劇宣傳,與柏天男一齊接受Do姐鄭裕玲主持的商台節目《口水多過浪花》訪問,郭羨妮有不諱言接拍前曾開出條件:「因為我年紀真係唔細喇,我好坦白,我唔係嗰啲𡃁妹可以幾日唔瞓,因為我以前chur過呀,我好驚呀,我唔想,我覺得瞓覺對女人嚟講好重要,睡眠不足呢我根本就唔知自己做緊乜嘢,我連對白都記唔到你叫我演咩戲啫?所以我話我一定要有12個鐘頭瞓覺,咁我開出呢個條件佢話『冇問題,我應承你。』」

郭羨妮 郭羨妮原來接拍《冥冥之中》前曾與導演開出條件,一定要有足夠休息。
郭羨妮原來接拍《冥冥之中》前曾與導演開出條件,一定要有足夠休息。(圖片來源:[email protected]
冥冥之中 郭羨妮 離開無綫後的郭羨妮養尊處優,刻意減產。
離開無綫後的郭羨妮養尊處優,刻意減產。(圖片來源:[email protected]

Do姐都有同樣經歷

港姐出身的郭羨妮,當選港姐冠軍後就簽約無綫,曾受力捧拍過不少劇集,她口中所講被chur到好驚的經歷,明顯是在指娘家無綫,郭羡妮自爆最高紀錄曾直踩三日三夜冇得休息,而今次ViuTV的導演黃偉賢就一口答應她開出的條件,才能說服她重返幕前。身旁的Do姐亦表示認同,佢仲勁,試過拍劇直踩四日:「嘩,都唔知自己講咩,講完之後我問『我講咩呀?啱唔啱呀?』冇辦法,佢又話個景要咁樣,好多茄喱啡好多臨時演員,一定要拍晒,但我都唔知自己做乜呀!」

冥冥之中 郭羨妮 郭羨妮曾是無綫力捧花旦,拍過不少劇做女一。
郭羨妮曾是無綫力捧花旦,拍過不少劇做女一。(圖片來源:東方新地資料庫)
冥冥之中 郭羨妮 當年在無綫捱更抵夜拍劇的日子,郭羨妮試過三日三夜冇得瞓,佢話諗起都驚。
當年在無綫捱更抵夜拍劇的日子,郭羨妮試過三日三夜冇得瞓,佢話諗起都驚。(圖片來源:東方新地資料庫)

郭羨妮支持囡囡入行

郭羡妮在訪問中提及囡囡朱家愛(Kylie)都有參演《冥冥之中》,更大表支持:「我覺得未嘗不可,同埋佢呢個角色係自閉症嘅,唔需要講對白,呢個係一個好緊要嘅point,佢唔使任何training都可以做到,我喺屋企同佢講好晒點樣做,我問佢『想唔想做?跟媽咪去做呢個角色』,佢話『好喎好喎』,佢都未細心諗過係咩,未真係知道拍戲係咩回事,佢淨係知爸爸媽媽係拍戲嘅,但佢唔知道做演員係點。我覺得可以畀佢出嚟見下人,去交流下,學下嘢呀,睇下合作性係點樣啦,點樣拍戲……」

冥冥之中 郭羨妮 郭羨妮非常支持女兒入行拍劇,可讓她多些接觸外面的世界。
郭羨妮非常支持女兒入行拍劇,可讓她多些接觸外面的世界。(圖片來源:[email protected]

鄧梓峰鼓勵下選港姐

至於當年郭羨妮為何參選港姐?原來關鄧梓峰事,47歲的郭羨妮入行前任職空姐,當年在機艙巧遇乘客鄧梓峰,她憶述當時情形:「佢當時話『你點解唔參加香港小姐呢?我話畀你聽你贏梗㗎!』其實一直都有人叫我參加,even我做咗空姐,有啲老總呀,或者係高級啲嘅,都會話『阿妹,你咁靚,你去選港姐啦!』嗰陣時我去考過警察,我去遞Form,嗰個女警都話『點解唔去選港姐呀你?做乜嚟做警察呀?』」多得鄧梓峰,郭羡妮在99年以大熱姿態奪得港姐冠軍、「最上鏡小姐」、「國際親善小姐」及「千禧才智小姐」獎項,翌年再奪得國際華裔小姐冠軍,順利入行發展。

冥冥之中 郭羨妮 郭羨妮是中英混血兒,當年選港姐以大熱姿態勝出。
郭羨妮是中英混血兒,當年選港姐以大熱姿態勝出。(圖片來源:無綫影片截圖)

《冥冥之中》有郭羨妮囡囡神秘客串﹗?

《冥冥之中》第一集尾聲前,袁綺雯飾演寶玲為求目的,執行任務夠心狠手辣,但回家即時變了另一個樣,不但關心體裇家傭,更是一位慈母,回家見到睡在梳化的囡囡即上前錫錫,有網民發現該小演員是郭羨妮的10歲囡囡,不過小演員一直睡著未見更多鏡頭﹗但網民指劇中小演員無論鼻型、眉型、嘴以至髮際頭髮鬈曲都跟郭羨妮女似到十足﹗劇集終播出演員名稱時,按出場序計算,最後一行出現:朱家愛飾莫雪,郭羨妮嫁內地武指兼導演朱少杰,女兒中文名未有公開,只稱女兒英文名Kylie,咁啱又係姓朱﹗

相比之下真係好大分別啵!

撰文:東方新地圖片來源:FB影片截圖、[email protected]

讀者留言