WONG1

到北歐做阿四 翠如BB要執屎

黃翠如拍《反斗紅星冇暑假》到北歐瑞典及芬蘭做阿四,昨晚首集翠如BB到其中一間民宿做打雜,廚房、清潔乜都要做!雖然辛苦,但翠如BB見到當地景色怡人,加上民宿建於樹上,設計特別,翠如BB初時大感興奮!後來得知清潔房間時,原來要執屎,即時皺晒眉頭,大叫唔開心,認真慘豬豬!

其他文章︰

三生力軍加入 港男終極十三強誕生

加菲貓圍裙加「面堅尼」 《一屋老友記》夠晒潮

廚藝不錯

翠如BB到達民宿後,參觀完不同主題及設計嘅房間後,即幫老闆娘Britta煮晚餐俾客人食!睇唔出翠如BB廚藝不俗,由切食材到煮餸,三兩下手勢就搞掂,就算期間倒瀉菜汁,亦能冷靜處理,難怪獲老闆娘讚表現好!

未出發先興奮

忙完一日後,翠如BB準備睡覺,臨睡前仲表示第二日要早點起身準備早餐,點知睡到早上七點多才起床,幸好客人通常早上九點多才吃早餐,所以老闆都冇黑面,而佢亦好用心煮早餐。忙完一個早上,翠如BB得知要去執拾樹上六間房時,即懷着超興奮心情出發,因為佢好想睇吓房間布置!

首次執屎

翠如BB滿心歡喜之際,當被告知原來要執屎,心情即跌落低谷,仲皺晒眉說不開心,但為了做好呢份工,翠如BB惟有頂硬上,拎住屎盤去清理!當見到便便經過燃燒後變成灰燼,翠如BB坦言今次倒夜香唔難受,最後更拎盤便便倒落花草作肥田料用,認真環保!

愛做苦力

之後,翠如BB繼續清理房間,表示比想像中辛苦,因為要背上極重清潔物品及一大瓶水步行上房間,而且要來來回回幾次才能完成清潔。完成清理後,翠如BB又幫老闆Kent劈柴,初時表現一般,但翠如BB愈劈愈起勁!最後,「瘦骨仙」嘅翠如BB笑言愛做苦力多過用腦嘅工作,真係睇唔出喎!

相片:myTV截圖

全文完