前度現任隔空互片 磨心羅嘉良愁爆返港

闊別無綫八年的 羅嘉良 (撈家) 的新劇《與諜同謀》熱播中,他主唱的主題曲都被網民瘋傳,人氣強勁。 據知在內地狂賺人仔的撈家,被老婆蘇岩要求舉家遷居香港,令一直唔想現任和前妻方敏儀同在一地的他左右做人難,最近兩任太太更在網上隔空互片,火花四溢﹗所以撈家近日單拖返港宣傳,收工都要跟老友馬德鐘、郭政鴻食飯吹吹水,捉實老友大吐苦水!

前妻大戰現任

羅嘉良主演的百集長劇《創世紀》去年九月重播,帶動長駐內地的撈家人氣回升,不過同時卻觸動前妻方敏儀神經,在社交網貼出多段留言,「怨恨是一杯毒酒……用別人的錯誤來懲罰自己,是一件非常愚蠢的事情……快樂過自己的人生,就能贏多少人心」、「生活不容易,還是要堅強的活着」等,矛頭直指當年被指介入羅方婚姻的第三者、羅嘉良現任太太蘇岩!

l

同一時間,蘇岩在微博激憤留長篇文字「我從不抱怨、時時感恩,不跟別人計較,……輸贏我想無須評判,也不必評判」。之後連續數天,方敏儀連環貼文回話「激怒你的人不能再激怒你」、「人生珍貴不是得到或擁有,而是能把握幸福」、「人生如夢,得也好,也只不過是過眼雲煙」似指對方要好好握住眼前幸福,因為一剎那光輝唔代表永恆,只是過眼雲煙,句句言之有物,蘇岩則以「我有個好男人,愛我心切的女兒」用老公羅嘉良同囡囡詠婷來大晒幸福,夭心夭肺,言詞直插老公的前妻方敏儀。

a

b3

new

蘇岩要求搬返港

據知蘇岩近日以女兒學業為大前提,要求撈家舉家搬返香港長住,令撈家煩上加煩!據聞撈家一直唔搬返香港,就係唔想兩個女人喺同一地方。當年再婚喺北京搞,就係唔想影響兩個家庭。不過近月北京霧霾好嚴重,加上囡囡長大,香港教育比較優勝,所以蘇岩提出搬返香港住!

5a

5e

5c 5b

返港搵老友吐苦水

撈家近日返港為新劇造勢,蘇岩未有跟隨,過去撈家返港宣傳、出席音樂騷、甚至早前到泰國拍網劇《無間道》,蘇岩都做跟得太太。這次撈家刻意安排獨自回港,無非想避免現任和前度又再開火。早前出席無綫活動,活動後更被大批fans包圍攞簽名及影相。

7 7c

 

返回尖東酒店後,六時許再次出動,步行到佐敦、馬德鐘投資的日本餐館,約了老友馬德鐘、郭政鴻、前經理人,以及新紮陳庭欣、張曦雯,敍舊兼識新朋友吹水飲酒食飯本應開心,不過撈家當晚卻心事重重,全晚捉實馬德鐘大吐苦水,當眼前清酒如忘情水,一口飲盡再飲。羅嘉良不時單拖出餐廳外企街煲煙,每次連扯兩支煙,眉頭深鎖,前妻同現任隔空開火,唔愁就奇。

2e
真係好愁!

1

2 2d

1a

醉到Out Fo

凌晨十二時許,撈家腳步浮浮,由馬德鐘扶住上其保母車,落車時,醉意十足,行路呈S形,酒店門都冇力推開﹗撈家的煩惱,的確難以一時三刻可以解決,只有靠酒精來暫時麻醉﹗記者上前問佢係咪飲咗好多?滿身酒氣的羅嘉良答非所問「馬德鐘…佢個店…好食…好……」,行到兩邊擺、S字行入酒店。

1b

4 4a

全文完