港姐陳苑澄宣布嫁酒行太子爺 大晒4卡求婚巨鑽同張寶兒鬥閃
呢排真係喜事連連，繼袁偉豪公布一年前已向女友張寶兒求婚成功，張寶兒大晒3卡求婚鑽戒後，近日18年落選港姐、前As One成員陳苑澄（Tania），亦宣布快做人妻，日前在社交網po相宣布答應酒行太子爺Gary嘅求婚，拍拖唔夠一年就閃嫁，仲開心大晒目測有4卡嘅求婚戒指，一班好友紛紛留言祝福，真係差啲畀佢咁大粒嘅巨鑽閃親。
撰文:東方新地
陳苑澄（Tania）在IG分享被求婚成功
前女子組合「As One」、曾選18年港姐的25歲陳苑澄（Tania），日前在IG分享被求婚成功，她在社交平台截圖轉貼未婚夫Gary的貼文，相中大晒目測至少4卡的巨型鑽戒。她興奮於帖文中寫道：「Yes yes yes」還加上笑到喊的emoji，真係隔住個Mon都感受到佢嘅幸福！
成為準人妻的她，獲同屆港姐冠軍陳曉華、好姊妹蘇皓兒等留言祝福，Tania向傳媒表示未有婚禮的確實安排計劃，並稱並非有喜，現時仍在拍攝TVB劇集《換命真相》及《兒科醫生》。
18年參選香港小姐成功晉身最後5強
Tania於2012年以組合「As One」成員身份出道，曾推出過《Catch Me Up》、《Candy Ball》等作品，更與成員蘇皓兒、陳嘉茵成為好友，不過Tania在2017年便與舊公司解約，18年參選了香港小姐更成功晉身最後5強，之後簽約無綫。
Tania今年5月被拍到與老牌酒行太子爺拍拖，當時她透露與男友拍拖未約半年，計番時間，至今拍拖未夠一年就決定結婚，認真可喜可賀。
