劉小慧

永遠的學生情人|46歲劉小慧係咪食咗防腐劑?

雖然由20+變40+,由少女變咗兩女之母,不過劉小慧一行出嚟都仲係提醒緊大家佢係學生情人,鬼咩!女都19歲大,點解個媽咪都係食咗防腐劑一樣冇變過呢?

撰文:東方新地|圖片:新傳媒圖片庫、劉小慧FB蘇志威FBLUXE Tuxedo fb


劉小慧 連買兩轉餸

早前人母劉小慧又好知掟去到九龍城街市大舉掃靚菜同靚肉,明明有個工人姐姐幫手,都係最信得過自己,親自行完一轉、買齊最新鮮最靚嘅餸再自己運上車。九龍城街市出名啲嘢又靚又平,小慧買完兩大袋搬上車竟然未夠喉,騰空兩隻手返入去街市再搏殺過,唔通一次過入定一個星期貨?

劉小慧

46歲劉小慧眨吓眼大女都已經19歲,依然白滑身材又fit,帶住cutie帽個樣真係仲有幾分學生情人情懷。

劉小慧


呢個阿媽一睇就知做慣做熟唔會依賴外傭,一個人行完一轉買咗四大袋瓜菜,行到上車至交畀工人姐姐放妥。

劉小慧

原來買完四大袋都未夠喉,小慧放低啲餸又再返轉頭買多轉。

劉小慧


由天光行到天黑,買完瓜菜魚肉再去埋藥房,一個星期一家四口食物同日用品一次過補充晒。

劉小慧

睇番劉小慧當年出道嘅91年推出的首張大碟封套,對比依家個樣,係咪冇乜點變先?!

{"IPTC-DATA":"NMG","data":{"photoID":1875416}}


當年有「學生情人」之稱的劉小慧,憑清純可愛的形象風靡萬千少男,佢跟草蜢成員蘇志威在幕前由工作認識到結婚,蘇志威現時依然活躍於娛樂圈,小慧則成為全職媽媽,以照顧兩個女兒君蕎及靖珺為己任。

大女依家已經19歲啦,早前蘇志威愛駒「駿王」跑第一,一家四口仲一齊去拉頭馬。

仲有一班美魔女,包括湯寶如、羅敏莊、陳伶俐、周慧敏同黎瑞恩,全部年過四十,但個樣仍然好似食咗防腐劑一樣!

劉小慧 唔揀國際學校

不少藝人都會選擇讓子女入讀國際學校,但劉小慧則不然,佢同意讀國際學校無咁辛苦,不過都決定讓女兒在傳統名校讀書,因為想女兒學好中文,熟悉中國文化;而且令佢哋從小習慣承受壓力,對將來在社會工作、或是待人處事都有幫助。


劉小彗

小慧以前都自認係個「怪獸家長」,會緊張分數而強逼女兒學習,要佢哋上唔同補習班谷成績。不過漸漸都會給予女兒較大自由度,安排佢哋上音樂、戲劇等興趣班,發展讀書以外的潛能,不再執着於分數。所以話小慧開始由虎媽變羊媽!

劉小慧


索女初長成!劉小慧大女學花式溜冰

蘇志威同劉小慧大女Yumi今年19歲大,已經亭亭玉立,仲識玩花式溜冰!早前小編就見佢一個人到又一城學溜冰,佢阿媽劉小慧之前接受訪問時透露Yumi熱愛溜冰,呢日見佢都好虛心請教溜冰導師,雖然練習期間跌過幾次,但Yumi都冇氣餒起身再嘗試,經導師指點後好快就溜得有板有眼!

Yumi學花式溜冰,雖然初上場曾跣到一仆一碌,不過Yumi愈跌愈勇, 好快已經溜得有板有眼。


Yumi每做完幾個動作都會虛心請教佢嘅溜冰導師,難怪進步神速。