A1

劉德華個唱預告晒歌藝 有信心封金像影帝

劉德華日前出席「香港專業電影攝影師學會」30周年晚宴,同場仲有范冰冰、吳鎮宇、謝賢、劉兆銘、鮑起靜、周秀娜、文詠珊(Janice Man)、林家楝、黃心美等,劉德華與范冰冰分別獲頒「攝影師眼中最具魅力男、女演員獎」,講到今年獲得金像影帝提名,問佢有冇信心攞獎?劉德華笑言:「信心一定要有!」至於今年㡳在港舉行嘅演唱會,劉德華話會練一啲從來冇學習過嘅舞蹈,但就拒絕晒肌:「因為腹肌一早跑走咗,請佢哋返嚟好辛苦,今年係我展示歌藝嘅年代!」

撰文:東方新地

圖片:新傳媒圖片庫

劉德華個唱預告晒歌藝 有信心封金像影帝

講到今年劉德華憑《拆彈專家》入圍金像獎影帝,同古天樂﹑鄭中基﹑田壯壯和凌文龍爭獎,問佢有冇信心攞獎?劉德華笑言:「信心一定要有!今年好開心咩類型嘅電影都有,就好似有鄭中基嘅音樂電影,亦有我自己演出、好香港式嘅警匪片,每一部都有唔同特色!」

劉德華個唱
今年底會劉德華個唱,呢日他與范冰冰分別獲頒「攝影師眼中最具魅力男、女演員獎」,講到覺得邊女星最具魅力,劉德華指除咗現場嘅范冰冰外,就係對35年前合拍《神鵰俠侶》嘅陳玉蓮最「情有獨鍾」。
劉德華個唱
劉德華話好開心今年金像獎咩類型嘅電影都有,百花齊放。

有片睇:

但講到邊個對手最強?劉德華就話:「每一位都會驚!」劉德華話今次獲頒「攝影師眼中最具魅力男演員獎」係大家畀面:「其實我覺得自己真人靚仔啲!五官入面最靚嘅部位係耳仔,尤其係分界嗰邊耳仔最靚!」

劉德華個唱
劉德華話今次攞獎係大家畀面:「其實我覺得自己真人靚仔啲!五官入面最靚嘅部位係耳仔,尤其係分界嗰邊耳仔最靚!」
劉德華
講到剛過去嘅農曆新年,劉德華表示:「同屋企人去咗旅行,幾舒服、幾開心!」
范冰冰 劉德華
范冰冰專程來港同劉德華一齊攞獎,佢話覺得自己最有魅力嘅地方係仗義:「我是山東女孩,山東女孩出名仗義!」

可以做劇烈動作

去年劉德華因拍廣告意外受傷,被迫將原定去年底舉行嘅演唱會延至今年底舉行,劉德華透露依家演唱會嘅籌備工作已經進入到最後階段:「我哋決定要練一啲從來冇學習過嘅舞蹈,因為過完呢個新年,醫生話我可以做一啲劇烈動作都冇問題。」問到劉德華會唔會喺演唱會上騷吓腹肌?劉德華就話希望今年淨係跳舞,唔使做運動:「因為腹肌一早跑走咗,請佢哋返嚟好辛苦,今年係我展示歌藝嘅年代!」

劉德華
吳鎮宇亦有出席今年「香港專業電影攝影師學會」嘅周年晚宴。
劉德華
黃心美谷胸現身,同林家棟一齊擔任晚宴司儀。
劉德華
「四哥」謝賢同「銘Sir」劉兆銘都係晚宴座上客。
劉德華
近日喺內地以玄幻劇《九州·海上牧雲記》人氣急升嘅Janice Man,以花花裇衫加長裙現身晚宴。
劉德華
周秀娜話自己眼袋好嚴重,要多謝各位攝影師都將佢拍得好靚。
劉德華
仲有側空加露腿嘅「春卷」王寶寶全晚最性感。