劉江

「講呢啲 」有份!72歲劉江首度獲提名視帝

《萬千星輝頒獎典禮2018》將於12月16日晚上舉行,早前無綫公布各獎項的提名名單,其中「最佳男主角」和「最佳女主角」的競爭如常地激烈!不過講到視帝入圍名單,除了袁偉豪、張衛健等大熱外,竟有一位首度入圍、今年已經72歲的老戲骨,就係劉江老師!

撰文:東方新地|圖片:新傳媒

《萬千星輝頒獎典禮2018》提名名單

《萬千星輝頒獎典禮2018》於12月16日舉行,早前無綫公布各獎項的提名名單,大家最關注當然係「最佳男主角」和「最佳女主角,視帝大熱有袁偉豪、陳展鵬和、王浩信和張衛健等;視后就以黃智雯和李佳芯被睇高一線。唔知大家睇好邊個呢?

視帝競爭激烈!

72歲劉江首度獲提名視帝

不過講到視帝入圍名單,大家千萬唔好睇漏一個首度入圍、今年已經72歲的老戲骨,就係劉江啦!劉江老師從從影多年,今年憑《平安谷之詭谷傳說》「谷爺」一角,首次入圍「最佳男主角」,恭喜恭喜!

劉江
劉江老師於《平安谷》中谷爺一角霸氣十足,令人難忘。
劉江
首度入圍視帝名單!

今年72歲的劉江老師從影接近50年,演出劇集無數,亦在《萬千星輝頒獎典禮2013》中獲得了「傑出演員大獎」,不過就係未試過被提名「最佳男主角」。劉老師接受傳媒訪問時,多謝公司和觀眾記得佢呢個角色,不過笑說奪獎機會微,連屋企人都笑佢係陪跑!

劉江老師從影多年, 咩風浪都見過晒,獎項呢啲嘢講真係佢都唔在乎啦!

打破King Sir紀錄

劉江老師除了首度入圍,更是歷屆最年長的入圍演員,打破了2005年台慶頒獎禮中、當時68歲鍾景輝憑《甜孫爺爺》入圍的紀錄。