頻約「無綫御用有錢人」 劉美君 po黃子雄拖手相

最新娛聞

劉美君(Prudence)經歷過兩段失敗婚姻,去年10月又跟男友結束八年情,在情場上屢敗屢戰的她,雖然年屆53歲已是嫲嫲級,但愛做瑜伽的她身材操得好,她也直言多年來也一直唔愁冇人追,而日前Prudence喺IG上載咗張拖手相,佢拖住嘅正係「無綫御用有錢人」黃子雄,網民紛紛留言問佢哋係咪拍拖,今日Prudence為此解畫⋯⋯

 

撰文:東方新地|圖片:劉美君IG

劉美君回復單身

劉美君經歷過兩段婚姻失敗、育有三個13至34歲兒女,去年10月宣布同相戀八年混血男友Steve和平分手,回復單身後反而更自由自在。劉美君平時早睡早起勤練瑜伽、閒時留守加州湊孫為樂,近日則回流香港為ViuTV選秀節目《全民造星》擔任導師、又為9月舉行之《環球高歌陳百強》紀念演唱會練歌籌備,冇咗愛情,生活一樣過得滋陰又充實。

同黃子雄拖手

劉美君早前出席活動自爆好享受戀愛,仲呻一年都冇拖拍,點知最近佢居然上載拖手相,相中男子正係「無綫御用有錢人」黃子雄,Prudence以英文留言話好多嘢眼看未為真,又話「我自己放相一定比D(啲)狗仔靚」。不過因為相片二人都緊緊地拖手,又好似好sweet咁,結果網民紛紛留言問佢哋係咪拍拖!

約睇《超人特工隊2》

劉美君同黃子雄老友鬼鬼,今年7月約去睇《超人特工隊2》,兩個都童心未泯!

Watched the ” #TheIncredibles2 ” with my buddy Geoff #黃子雄 or YellowPurpleRed 😂 ( some of you call him “Sashimi” “魚生” ). . My fav part was #JackJack , the movie was OK, not qualified as a #Snoozefest but there were quite a few yamning moments for us. . Have a great weekend y’all !
Prudence Liew 劉美君(@prudenceliew)分享的貼文 於 張貼

7點後絕食

年過半百、已經抱咗兩個孫,劉美君除咗身形、面容keep得fit,最緊要都係保持心境年輕,日日潮玩instagram分享工作湊孫健身日記,仲識po完相加插大抽hashtag增加話題同點擊。日前上載高難度瑜伽動作、順手晒埋完美 體形同腹肌外,最唔話得係公開埋早午晚三餐食譜教埋粉絲一齊健康一齊fit。簡單嚟講,劉美君話自己朝早係「牛」,只飲有機、食草牛所產之乳酪,中午就係食肉獸,而夜晚嗰餐就變素食者。重點都係早睡早起、三餐定時、勤做運動,仲有堅持夜晚7點以後絕不進食。由以前被朋友稱之為「黑洞」食唔停,到依家有節制有規律又忍得口,你估53歲美魔女易做㗎?

回流造星

上月劉美君由美國返港,應ViuTV之邀擔當《全民造星》導師之一,年紀最大、心境反而最年輕,經常自爆睇世界盃或選秀都係貪靚仔。

Prudence Liew 劉美君(@prudenceliew)分享的貼文 張貼

最in嫲嫲

與兩任丈夫先後誕下三名兒女,三年前劉美君仲抱埋孫,如今細孫女都已經滿一歲,工作、出埠以外,最大樂趣就係留守加州玩孫。

Prudence Liew 劉美君(@prudenceliew)分享的貼文 張貼

與孫同樂

平時唔使工作會留在加州湊兩個孫,有氣有力一齊玩之餘,最緊要係仲有童心,搶咗孫仔架兒童三輪單車踩。

Prudence Liew 劉美君(@prudenceliew)分享的貼文 張貼

Matchy #matchy #grandmaPru #Grandson #newbalance574 #CUTE #Twinsies
Prudence Liew 劉美君(@prudenceliew)分享的貼文 於 張貼

素顏省鏡

身材fit爆、皮膚白滑,出席活動盛裝示人當然省鏡,平時公餘在家,劉美君亦都信心爆棚愛騷真‧素顏。

Prudence Liew 劉美君(@prudenceliew)分享的貼文 張貼

瑜伽高手

劉美君這位逆齡嫲嫲身形弗到漏,腹肌與馬甲線盡現,全因多年來自練瑜伽,已成高手可做任何高難度動作,她指從來不花錢在美容療程,健康心得亦很簡單,就是早睡早起,吃得健康。

Prudence Liew 劉美君(@prudenceliew)分享的貼文 張貼

Prudence Liew 劉美君(@prudenceliew)分享的貼文 張貼

Prudence Liew 劉美君(@prudenceliew)分享的貼文 張貼

Prudence Liew 劉美君(@prudenceliew)分享的貼文 張貼

Prudence Liew 劉美君(@prudenceliew)分享的貼文 張貼

回春餐單

早餐:250-500克乳酪,留意番,大部分農場為谷肥牛牛用穀類尤其粟米做飼料,肉質肥美但欠健康,劉美君特此強調,揀乳酪一定揀用草做飼料、良心農場出品。

午餐:12-14安士牛扒一件,或魚扒及其他海鮮,配約兩杯蔬菜配菜。劉美君自稱唔太喜好雞肉,不過減磅期間,為成效亦會食雞。

小食、下午茶:有機蘋果1個

晚餐:主要食菜及沙律,視乎饑餓感會加適量蛋白質。重點係一定唔可以飽肚上床瞓,劉美君就話個人習慣係七點以後不會進食。不過為滋補,間中夜晚會燉花膠、山瑞裙湯補充。

讀者留言