劉青雲孖劉俊謙拍「電影級數」銀行廣告 「霸氣」角色向智叔致敬？！
曾在2019年為渣打銀行代言退休計劃的影帝劉青雲，近日再孖「新一代男神劉俊謙」拍攝電影級數銀行廣告，「電影級數」的廣告足本即將登場，今次先睇預告透露的精彩對白：
文：東方新地｜圖：YouTube影片截圖
劉青雲：你啲嘢都喺我身上學返嚟
兩屆金像影帝劉青雲繼2019年為渣打銀行拍攝「退休計劃」廣告後，近日又孖住曾主演電影《幻愛》及ViuTV劇集《二月廿九》的新一代男神劉俊謙，拍攝了一個名為「變局中，誰人棋高一著」的廣告，銀行日前率先上載了這輯廣告的預告片，號稱影片以重金磅礡鉅製，將廣告質素全面提昇至電影級數，更特別以「霸戲」形容劉青雲，令觀眾都萬分期待！
網友都對劉青雲加劉俊謙這兩大男神的組合表示非常期待，更大讚廣告片「好大時代feel」、「拍得勁有電影感」、「一定畀Like」等。
此外睇完這個廣告的預告片後，有不少網友都指劉青雲所演繹的「師父」角色無論外形、設定和動作等，都同早前離世的「智叔」廖啟智在劇集《律政強人》中的角色都有幾分相似，唔知係咪想向智叔致敬？
即睇劉青雲、劉俊謙廣告預告片：
網友：期待劉青雲新金句
呢一輯廣告到底仲有咩金句，尚待揭曉，不過亦有網友諗起劉青雲在2012年為黃子華拍的微電影《旋風腿》的角色，同樣係飾演老細級人馬，片中經典對白就係：
「做人無公關，食屎架喇！」
