【勁歌金曲頒獎典禮2020】周柏豪發冷灰熊裝 菊梓喬繼續見紅
《勁歌金曲頒獎典禮2020》作為應屆樂壇的壓軸頒獎禮，不少歌手都隆重其事悉心打扮出席， 女歌手尤其不會放過爭奇鬥艷的機會，星夢一姐菊梓喬連續三年著紅上身，不過《勁歌金曲頒獎典禮2020》最搶fo打扮竟然是一身灰毛打扮，樽領冷衫外加長冷外套，著到成隻大灰熊咁嘅周柏豪，唔知以為無綫電視城落雪！
撰文：東方新地 圖片：無綫影片載圖、東星圖片
《勁歌金曲頒獎典禮2020》周柏豪周身毛
《勁歌金曲頒獎典禮2020》雖然冇《萬千星輝頒獎典禮2020》咁盛大，但男女歌手都盛裝打扮出席，近日天氣凍，女歌手明顯冇咁性感多布咗，驚喜欠奉，不過周柏豪就好奇特，一身毛茸茸打扮，似足一隻大灰熊。
《勁歌金曲頒獎典禮2020》菊梓喬紅到底
另一位焦點是菊梓喬，星夢一姐原來過去兩年參加《勁歌金曲頒獎典禮》都揀紅色裙著，今次上身著黑白露肩裝，下身配大紅色裙，看來菊梓喬對紅色情有獨鍾，或者有高人指點，著紅會為她帶來好運。
《勁歌金曲頒獎典禮2020》雙料視帝公民look
至於打頭陣一開始就蟬聯「人氣王大獎」王浩信，冇著老西打扮好causal，貫徹北上賺完人仔繼續公民look。
