18Y12

有片!《十八年後的終極告白》結局劇透:羅浩銘強姦楊秀惠?!一哥陳山聰頭馬現形勾二嫂

無綫劇《十八年後的終極告白》劇情懸疑題材新穎演員搭配新鮮仲個個都咁好戲,其實抵佢多人追睇多人讚嘅劇集進入第二周劇情進入白熱化,除咗晚晚估緊誰是背後搞事嘅big boss夠引人入勝之外。感情線都漸入佳境,除咗飾演Madam黃智雯同阿Sam譚俊彥呢pair鋪排緊成為一對之外,玩暗戀又搞曖昧,今個星期「一哥」陳山聰終於同楊秀惠飾演嘅家倩正式成為情侶,不過好景不常,家倩會被一哥頭馬泰臣(羅浩銘飾)強姦,更導致…﹗

撰文:東方新地

第十二集劇情重點:一哥、家倩終成情侶

家倩由細暗戀一哥,一哥其實又鍾意家倩,偏偏怕自己黑幫背景會連累對方,想愛又不能愛,一次又一次加大力度去hurt家倩,一哥因為被對家黑幫圍毆,家倩見到半死的阿一倒卧在地,想打電話報警卻因是聾啞人士只能用盡全力「呀呀」大叫,場面動容,最終令一哥終於向家倩告白而正式成為情侶,以為楊秀惠演的家倩出世是聾啞人士,從此同佢嘅一哥快快樂樂地生活下去,點知……

家倩見到遍體鱗傷的阿一,心痛得不已,最終成為戀人。
家倩見到遍體鱗傷的阿一,心痛得不已,最終成為戀人。
家倩自少暗戀阿一,被一哥一次又一次狠狠拒絕。
家倩自少暗戀阿一,被一哥一次又一次狠狠拒絕。
大隻佬羅浩銘係劇中係一哥陳山聰頭馬,二人情同兄弟。
大隻佬羅浩銘係劇中係一哥陳山聰頭馬,二人情同兄弟。

《十八年後的終極告白》結局周劇透: 泰臣對阿嫂色心起強暴戲考起羅浩銘

喺劇中一直同一哥情同兄弟的泰臣,喺危險關頭都挺身為一哥保命,點知對一哥的最愛卻色心起,竟然企圖強姦家倩,更令其實已懷有一哥骨肉的她小產!!

演泰臣的羅浩銘喺社交網透露演呢場姦二嫂戲真係難到佢,佢話打打殺殺、拳打腳踢但呢啲動作戲就識,強暴呢啲另類動作戲都係佢首次演,佢話真係畀呢場戲考起,佢話唔夠力又怕觀眾冇共鳴唔夠說服力,但又怕演時會整親對手楊秀惠:「我承認,我很緊張。我怕不夠殘忍,觀眾沒有感覺。我怕太給力,弄傷對手,但還好@vvyeo(楊秀惠)很專業,給予我很大信任。」羅浩銘仲提大家一定要追看落去,因為泰臣呢個角色唔係咁簡單,會有自己的故事,一再提醒大家要睇落去,唔通Big Boss又多個嫌疑人?

泰臣非常尊重一哥,在劇中為他擋刀保命,點知對阿嫂家倩動起色心。
泰臣非常尊重一哥,在劇中為他擋刀保命,點知對阿嫂家倩動起色心。
羅浩銘話好彩同楊秀惠熟絡,所以雖然被強暴戲考起時,但秀惠一直在旁鼓勵。
羅浩銘話好彩同楊秀惠熟絡,所以雖然被強暴戲考起時,但秀惠一直在旁鼓勵。

大隻羅浩銘名牌大學畢業

大隻佬羅浩銘,唔止四肢發達,從小在加拿大生活,畢業於西門菲沙大學犯罪學學士學位,15歲開始健身練習拳擊,自此練得一身肌肉,20歲開始連續三年獲得加拿大省級跆拳道金牌。他精通跆拳道、西洋拳、泰拳、巴西柔術等,擅長多種功夫及格鬥技術,24歲回流香港發展。
2011年憑無綫節目《功夫新星》出道,開始接拍電視劇集,及後於多套電影中擔任動作演員。2013年在電影《激戰》中與主角彭于晏對戰,因為講得一口操流利英語曾參與荷李活電影《變形金剛4》、《致命追擊》等擔任動作演員。

入行九年,現為古天樂公司的旗下藝人。
入行九年,現為古天樂公司的旗下藝人。
曾在電影《激戰》中演出。
曾在電影《激戰》中演出。
平時保持訓練,跟香港拳手練習。
平時保持訓練,跟香港拳手練習。
機會都係留畀有準備的人,放假的日子,繼續刻苦的鍛練。
機會都係留畀有準備的人,放假的日子,繼續刻苦的鍛練。

二頭肌、腹肌、胸肌乜肌都有,唔係唔晒吓呀﹗