羅樂林

受歡迎程度不下於發哥!羅樂林 買餸變親善大使

最新娛聞

廣告

24小時內死五次係咩玩法?羅樂林曾經有個彪炳紀錄,就係喺電視史上亮相唔同劇集而所飾演嘅角色都喺同一日死,除咗證明羅樂林好戲備受電視台重用外,呢位資深甘草真係奉獻大半世畀觀眾,將近五十年演員生涯拍戲無數咪死好多次囉!

撰文:東方新地 圖片:新傳媒圖片

羅樂林 親善大使

所以由細到大睇慣嘅甘草,有時喺街撞到真係仲親切過見到啲親戚。日前羅樂林一個人去九龍城街市買菜,去到邊同班街坊熟絡又好傾,受歡迎程度真係不下於發哥周潤發。而羅樂林一睇就知係住家好男人,買菜買肉熟晒路檔檔都好friend,一袋二袋買完餸仲識去對面街間藥房買埋家庭用品㖭!

一睇就知羅樂林係九龍城街市熟客仔,入到去每個檔口都吹得兩嘴,買完餸都唔捨得走。

原來唔止好戲,羅樂林仲煮得兩手,去到菜檔好細心慢慢揀菜,一個人包辦瓜菜魚肉仲唔係返屋企宴客?

年屆70嘅羅樂林依然好受歡迎,成班師奶爭相同佢影相。

一袋二袋買齊餸都未夠,仲好熟路咁過埋條馬路去對面街間藥房買日用品。

百足咁多爪的藝人森美,大家聽佢電台開咪、主持節目多年,原來不經不覺佢都45歲!之前佢試過留鬚,打算增添幾份男人味,點知就發現同兩位前輩撞晒樣!森美就將自己張自拍照同老前輩劉丹放埋一齊,仲搞笑地留言︰「我支持林丹,所以留鬚,佢哋話我係支持,劉丹!」小編就覺得森美留鬚係中年型佬,至於丹爺就似一位慈祥老先生,各有各好!

不過就有唔少網民覺得森美同另一老戲骨羅樂林更相似!由呢張相可見,森美同羅樂林兩人無論神情、輪廓都非常似,加埋勁有男人的鬍鬚!

唔少網民都話佢哋相似,仲有老一輩的朋友話羅樂林當年演過楊過,樣貌當然唔差啦!

其實羅樂林曾於1976年版本的《神鵰俠侶》演過楊過,當年有李通明做「小龍女」,而米雪則演俏黃蓉。羅樂林當年個樣真係氣宇軒昂,好有英氣!

讀者留言