口罩小姐選舉｜陳嘉倩變身索Miss考口才 佳麗互鬥搞到出血
廣告
ViuTV《最後一屆口罩小姐選舉》分成肥仔、阿Dee、保錡同193組後，一男帶五女，繼去野外露營考驗大家體力及膽量之後，二十名佳麗又再分組比賽，今次是進行學生辯論比賽，除了廿名佳麗穿上校服，今次搵來特別嘉賓陳嘉倩化身索爆Mss，考吓大家急才及口才，大家都想贏，選美活動走唔甩有爭鬥，今集搞到出血㖭﹗
文：東方新地 ｜圖：《口罩小姐選舉》截圖、陳嘉倩IG
《口罩小姐》是以真人騷結合固有選美形式兩部份進行。佳麗們會分成四組，每組五人，ERROR四子成為每組隊長，透過不同項目及考驗，每回合每組淘汰一人，共三次淘汰，最後八人進入決賽，並於4月選出冠亞季軍。
《口罩小姐》第四集(25日播出)搵嚟陳嘉倩化身Miss Chan Chan考驗佳麗們的急才及口才，進行比賽。贏得嘅組別，可以避免foul隊員，而落敗嘅組別，就要foul兩位隊員。
第一個回合係考驗佳麗們嘅眼神演技，及與隊友之間的默契。肥仔組057阿姨同保錡組052黑妹就喺搶答嘅時候，互不相讓，你爭我搶最後發生流血時件，過分肉緊，黑妹唔小心整損阿姨流血，本來看似未有爭鬥的一場選美，終於出現火花四濺，最後肥仔出馬緊急叫停叫大家冷靜吓先。
而第二回合嘅辯論比賽，就大騷佳麗們嘅口才，辯論「應唔應該支持每個禮拜斷一日互聯網」，其中044孖四就以自己母親病危的經歷，說明互聯網嘅重要性，指出如有突發事件，當刻只可以倚靠互聯網。說到眼泛淚光，令人留下深刻印象。而093服務員就大膽以《全民造星III》，及友台節目《衝上雲霄大選》收視作例子，指出互聯網令市民坐低係電視前睇電視都有困難。
