古天樂

古天樂殺入《叱咤》我最喜愛男歌手十強 網民投票力谷古仔上台

最新娛聞

廣告

去到年尾,又係樂壇0各大頒獎禮的公開投票階段,今日(11月26日)「2018年度叱咤樂壇流行榜頒獎典禮」開始接受投票,其中以「我最喜愛的男歌手」最為驚喜,因為由樂迷票選出的名單中,古天樂亦爭得一席位,暫時打入十強位置!投票將於11月30日截止,到底古仔能否成功打入五強,爭奪《叱咤》男歌手獎,就要視乎有幾多網民撐佢啦!

撰文:東方新地|圖片:新傳媒

古天樂角逐《叱咤》我最喜愛男歌手

有留意開樂壇頒獎禮的朋友都知道,「叱咤樂壇流行榜頒獎典禮」的「我最喜愛歌手」一向都係由樂迷投票選,然後到頒獎禮當日再加入現場觀眾票選,所以競爭甚為激烈,也頗能反映民意。根據電台公布的消息,古天樂暫時打入「我最喜愛的男歌手」十強位置,大家可唔可以見證古仔再踏上舞台、甚至奪獎?就要靠大家投票啦!

古天樂回歸樂壇 多得Juno

古天樂今年回歸樂壇,其實要多謝麥浚龍(Juno)!早前Juno早前執導電影《風林火山》時,跟古天樂成為了好朋友。而且古天樂亦被Juno的新碟意念打動,決定再開金口。古仔其中一首歌是和謝安琪合唱,名為《(一個男人)一個女人和浴室》,新歌將收錄在Juno推出的新碟內。現場觀眾表示古仔歌技有進步,唱腔非常柔情。

網民投票力谷古仔上台

如果古仔真係於叱咤成功奪得「我最喜愛的男歌手」,除非缺席頒獎禮,否則都必需在台上現場演繹作品,唔知會唔會有網民集體投票谷古仔上台?令人期待!

延伸閱讀:

回顧古天樂八大經典金曲

古天樂活躍喺樂壇嘅時間雖然僅於2000年至2003年約三年,但都推出過《男朋友》、《今期流行》、《樂天》、《Mr. Cool》共>4張個人唱片,令大家記憶深刻嘅歌曲唔少㗎!雖則唱功就有很大進步空間嘅,但唔知點解真係聽開有鋪癮!

1. 〈今期流行〉

呢首近期又重新開始瘋傳嘅金曲當然要入選啦!同時呢首歌都係古仔嘅代表作,洗腦旋律加上容易上口嘅歌詞,難怪大家都識唱!

當年被肥姐恥笑嘅「拜神舞」,真係估唔到今時今日會再次紅到街知巷聞⋯⋯

「Keep住流行,流行椎名林樆」~依家連㗎妹都識唱啦!

仲有網民將古天樂拍《星球大戰》嘅產品廣告Crossover〈今期流行〉,零違和感啊!

2. 〈男朋友〉

要小編揀,第二首一定係古天樂當年樂壇出道成名作〈男朋友〉,仲攞埋新城勁爆歌曲獎添!由伍樂城作曲,林夕填詞,其實首歌都真係幾得!就算依家都間唔中會喺Instagram見到有人會用啲歌詞嚟做Caption㗎⋯⋯

「回答我可不可以暫時讓我 講出感覺後 才直說你有男朋友 現在就要走」~~~

3.〈天命最高〉

呢首歌係古天樂喺TVB嘅代表劇作《尋秦記》嘅主題曲,亦係古仔少有嘅電視劇主題曲。無論係套劇定係首歌都係經典啊!

〈天命最高〉由趙增熹,林夕作詞,收錄在《樂天》一碟。

4. 〈像我這一種男人〉

作曲黃尚偉,同樣係林夕填詞!

5. 〈Mr. Cool〉

「主演Mr. Cool 我笑我不在乎」~~~ 可能係因為首歌由古仔演唱,真係好有型!

6. 〈暗戀王〉

聽名可能大家唔知呢首係咩歌,但係一唱「自從峨嵋山上見到你,我好想飛鵝山上見翻你,會將我啲身家俾埋你,但你身份很神秘」,大家可能就會諗起古天樂喺電影《百年好合》入面為咗鄭秀文唱嘅歌!

7. 〈月亮代表我的心

為咗電影《殺破狼‧貪狼》,古天樂開金口同內地藝人吳樾合唱《月亮代表我的心》,係電影嘅點題歌曲。重點係咩?係古天樂唱國語啊!!!

受訪時,古仔解釋話其實係監製黃柏高提出嘅建議,撮合咗佢同吳樾嘅合唱!

另一個重點係古天樂就係憑電影《殺破狼‧貪狼》喺2018年勇奪香港電影金像獎最佳男主角啊!

8. 〈當年情〉

最後一首歌其實係最令小編觸動嘅歌!2016年時,古天樂同古巨基一齊重唱哥哥張國榮嘅金曲《當年情》,懷念哥哥60歲冥壽,感謝哥哥嘅提拔之情。原來「雙古」都係好朋友嚟㗎~

古仔唱得好有感情㗎!之前幫老友鄭秀文演唱會做嘉賓時,亦有喺現場演唱〈當年情〉,令唔少觀眾都想古仔可以真係喺紅館開演唱會啊!

讀者留言