古天樂24小時內兩奪影帝：希望大家支持港產片！
廣告
古天樂再封影帝！繼之前喺亞洲電影大獎封帝後，古天樂於昨晚香港電影導演會周年晚宴暨頒獎禮上，憑《殺破狼‧貪狼》奪得「最佳男主角」，24小時內兩度封帝！古天樂從影25年，終於登上影帝寶座，難怪佢自己都話今年係豐收的一年，自己會繼續努力！
撰文：東方新地｜圖片：東方新地
古天樂入行25年未攞過獎
自從喺《尋秦記》彈起後，古天樂將重心轉移到電影市場，拍過多套膾炙人口的好戲，但就無一套成功攞獎，可以話係「戥腳鐵膽」！多年來，古仔喺所有電影頒獎禮的提名共有17個，可惜全無收獲。其中金像獎方面，古仔2009年憑《一個好爸爸》、及2014年憑《掃毒》獲提名過最佳男主角。
其實古仔都可算係近年最多產的香港男演員，每年都幾乎有五部以上的電影上映，真係老是常出現，而且咩類型的角色都做過。希望古仔除咗學好啲普通話外，都要繼續努力拍多啲好戲，打破宿命！
打破宿命零的突破
去到今年，古天樂終於打破宿命！古仔喺上星期六舉行的《第12屆亞洲電影大獎》中，憑《殺破狼‧貪狼》奪得「最佳男主角」！入行25年啦，真真正正第一個獎項，零的突破！
古天樂24小時內兩奪影帝
星期六先首奪影帝，估唔到古天樂咁快再下一城！佢喺昨晚舉行電影導演會周年晚宴暨年度頒獎禮上，同樣憑《殺破狼‧貪狼》奪得「最佳男主角」，24小時內兩度奪影帝！
入行25年未奪過獎，如今24小時內兩奪影帝，古天樂坦言心情相當興奮，不過笑稱好肚餓！原來佢因為工作關係，當日全日未食過嘢。之後古仔再講個獎唔屬於佢個人，係大家一齊努力，希望大家繼續支持港產片！
睇埋古天樂訪問片：
【獨家新相】 黎明新寵Wing Chan 陀B六個月
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
