古巨基

古巨基開騷出意外 跌落升降台

古巨基一連五場《古巨基WE我們世界巡迴演唱會–香港站特別版》昨晚(5月10日)開鑼,但今晚第二場騷卻發生意外,基仔喺台上忽然叉錯腳,跌咗落升降台個窿度!

撰文:東方新地|圖片:新傳媒圖片庫、古巨基FB

古巨基:上天保祐我!

古巨基嘅《古巨基WE我們世界巡迴演唱會 – 香港站特別版》今晚唱到第二場騷,喺基仔唱完第一首歌〈爆了〉之後,佢話:「有七年冇返紅館,比啲聲我聽!」但講完呢句,基仔忽然喺台上叉錯腳,跌咗落升降台個窿度!之後基仔消失咗十幾分鐘,再上台時,佢話:「冇事嘅!上天保祐我!我好想繼續落去,我會盡力繼續落去。」

古巨基
古巨基受傷後再上台!

古巨基

古巨基

堅持唱下去

之後基仔就堅持繼續唱歌,先後唱咗〈必殺技〉同〈歡樂今宵〉等歌曲,仲講笑話自己把聲仲靚咗!

古巨基

古巨基

跌親條頸

而英皇高層霍汶希(Mani)就表示:「基仔頭先由升降台跌咗落去,但好彩應該係跌親,可能係跌到條頸,依家我哋全部人都過緊去紅館睇佢,等佢唱完歌之後就會去醫院照一照,佢依家仲唱緊歌,所以傷勢應該唔係好重!」

古巨基

古巨基古巨基