so

叫港乒一哥做茂利 蘇施黃捱轟

奧運肯定係全城焦點,連DJ蘇施黃都有睇!不過,蘇施黃焦點非港隊表現,反而係衣着打扮!日前,蘇施黃於電台節目中直指「港乒一哥」黃鎮廷於比賽打扮哩啡,仲公開叫佢茂利,言論一出,唔止惹來網民圍插,連前香港劍擊奧運代表李忠民亦炮轟阿蘇唔尊重人!

延伸閱讀:

疑似華姐淫片流出完整版

拆解《城寨英雄》8大謎團

指黃打扮好肉酸

蘇施黃日前於電台節目《大玩派》中,大談香港乒乓球隊,因唔記得黃鎮廷個名,問拍檔:「條茂利叫咩名話?」對於黃鎮廷於比賽中冇扣上Polo Shirt鈕扣,一向奄尖嘅阿蘇忟憎說:「肉酸到呢,好似準備去沖涼咁。」之後,仲燒埋港隊單車服個份,阿蘇認為制服上嘅紫荊花圖案不雅,陰影部份似乳暈,大叫:「真係救命,真係好肉酸!」

200810291519207472789664A

黃鎮廷冇唔開心

對於蘇施黃言論,黃鎮廷大方回應:「首先多謝佢關注香港乒乓球隊,我唔會唔開心,喺比賽場上,我覺得咁樣最舒服,對比賽有好嘅發揮,唔會理人點睇。以前都有球迷覺得我咁樣喺比賽時夠豪放,運動員要嘅難道唔係要呢啲?唔通要為咗外觀而比賽?」

前港隊代表插阿蘇冇禮

前香港劍擊奧運代表李忠民,於fb上載《致蘇施黃的公開信》,希望蘇施黃「請尊重所有運動員」,插阿蘇冇禮貌!全文如下:

另外,唔少網民指阿蘇言論冇禮貌,又指運動員只為爭取好成績,根本唔係執靚個樣去做show!題外話,其實茂利意指一個人又蠢又鈍,雖然批評都係為咗改善好件事,但阿蘇用茂利形容「港乒一哥」黃鎮廷,難怪咁多人唔like啦!

全文完