LUK FI

台慶爆肚寸阿叻 驚青陸永委屈認衰

台慶頒獎禮於周日(21日)曲終人散,不 過主持之一的陸永就紅過出爐視帝視后,成 為新聞人物。事緣陸永為搞氣氛竟開腔寸爆擔任頒獎嘉賓的阿叻(陳百祥), 指他「 謙虛 方面好囂張」,有自稱無綫幕後的工作人員在網上爆料指節目中途陸永被召入後台「照肺」,Do姐鄭裕玲亦曾出口力保愛將。

當晚出事後陸永全程心神恍惚,狀態奇 差,而翌日到九龍城接女放學時,他亦有備而來,表示要還阿叻一個清白,澄清對方並 非小器之人。陸永承認自己發台瘟多番講錯 嘢,表現驚青的他更委屈認衰。錯就要認打 就要企定,陸永深明呢個道理,果然係醒目仔。

撰文:東方新地

圖片:新傳媒圖片庫

出名識搞氣氛同有觀眾緣的陸永,今次因為一句說話而引起軒然大波,在 周 日( 2 1 日 )的《 萬 千 星 輝 頒 獎 典 禮 2 0 1 7 》夥 拍 C 君 、 D o 姐 擔 任 大 會 司 儀 , 節 目 開 始 不 久 陸 永 先 將 劇 集《 踩 過 界 》講 成《 誇 過 界 》, 又 講 錯 了「 鮑 姐 」鮑 起 靜 名 字 , 其 後大會邀得阿叻負責頒發「最佳非戲劇節目」,他與陸永Chit Chat時,阿叻自稱 本身為人比較謙虛又和藹之際,陸永竟大膽笑笑口話 ‥「你喺謙虛方面都好囂 張喎!」台下藝員與觀眾掌聲雷動笑得好開心,惟獨阿叻面色一沉反擊 ‥「囂 張得過你將人哋個節目改名?」登時聞到火藥味嚇得陸永即時收口。

陸永
當阿叻搞笑自詡:「我本身個人比較謙 虛同和藹,唔係好似 Do姐(鄭裕玲) 咁。」叫農夫唔使驚自己。陸永可能平 時習慣性經常窒 Do姐搞氣氛,即時反 駁叻哥一句:「你喺謙虛呢方面都幾囂 張!」引起全場拍掌及大笑。
陸永
阿叻面有難色反駁陸 永:「囂張得過你,將 人哋個節目改名!」雖 然陸永都立即補飛說自 己錯了少少,不過叻哥 就有少少黑面說:「嗰 啲唔係錯,係玩吓!」 現場氣氛變得僵,咁啱 Do姐出來攞獎,順便 打圓場。
陸永
陳百祥被無綫邀請到《萬千星輝頒獎典禮2017 》頒發 「最佳非戲劇節目」,與農夫的陸永 及C君先在台上 Chit chat一番,點知火花四濺

尾段照稿讀

當晚凌晨,網上即有自稱無綫幕後流傳因為陸永多口寸阿叻,令他在後台 慘被訓話,甚至傳出陸永被篤住頭大罵,而Do姐亦曾幫口請求完騷才處理這件 事,以免影響節目直播。據知情者透露:「有幕後話見到陸永當場畀人鬧,之後 佢就冇晒心機成日頭耷耷對住份稿讀,心神恍惚,好多對白都唔記得講。佢當 晚嘅表現大家有目共睹,明明開場時仲係好搞鬼,自從爆肚寸完阿叻就謝 晒,連笑容都少咗甚少再發言。現場梳頭同化妝嘅工作人員就乜都睇到晒,其 實Do姐已經幫到出面,出嚟幫陸永打圓場,尾段仲叫佢拎番啲貓紙出嚟照稿 讀,唔好再出錯。所以後段好明顯見到陸永表現得步步為營,為保飯碗唔敢再 亂嚟。」亦有眼利的網民表示在Big Big Channel的後台片段中見到陸永被訓 話,但片段已被秒刪。

陸永
當晚頒獎禮開始前各藝員及司儀行紅地氈 進場,陸永、 C君、阿 Bob及胡蓓蔚不知 玩得幾開心。
陸永
有傳陸永中途被「照肺」後 , 現場氣氛頓時變得怪怪,之後陸永甚少發言,在直播時可見Do姐曾用手推陸永示意佢開口講嘢。陸永垂頭喪氣 話:「我都係講少句,講錯幾次嘢!」
陸永
陸永出名搞笑,但出事後頻頻表露出呢個樣,與頒獎禮上半 part 時的他判若兩人。
陸永
節目開始不久陸永已連番發台瘟講錯嘢,可見DO姐翹起雙手板起面,陸永與C君亦有異樣。

事後即有自稱無綫幕後工作人員,在 網上討論區爆料,指陸永在節目中途 已被召入後台「照肺」,更甚是被指住 個頭來鬧,繪影繪聲。

陸永
大合照後,司儀經驗豐富的安德尊即上前拍拍陸永,安慰這位當晚頻頻出錯的後軰!

陸永與C君全靠年前拍住Do姐主 持《 Do姐去Shopping》彈起,二人風頭 一時無兩,現時在無綫除了做主持大 受歡迎,亦成功躋身劇組,在劇集所 演的角色亦很入屋,今次有傳發生「照 肺」事件,外界最關心就是陸永的前 途。據知陸永為自己衰多口後悔不 已,襟撈的他已第一時間向公司認 錯,希望大事化小。

字字鏗鏘急澄清

不過紙包唔住火,事件在網上討論 紛紛,陸永只好硬著頭皮出來拆彈。頒 獎禮翌日(22日),陸永下午與太太 Reina一起離開將軍澳寓所,到九龍城 接女放學,遇上本刊記者採訪他即驚青澄清,被指因為寸阿叻而得罪對方,他多番強調要為阿叻平 反。這日陸永雄辯滔滔,字字鏗鏘,表現比頒獎禮當日好得多。

記:本刊記者 陸:陸永

記:有幕後喺爆料話台慶當晚你寸親阿叻畀人照肺?
陸:大家真係誤會咗喇!好多人關心呢件事,但我想講大家都係關心番得獎嘅朋友,替佢哋高興先啦!首先就話我上台講咗啲嘢頂撞叻哥,我想幫叻哥澄清,我唔覺得嗰件事頂撞佢,我諗叻哥都唔覺得係受到頂撞。

記:當時你講完嗰句說話台下好大反應喎!
陸:叻哥係出嚟做頒獎嘉賓,佢話自己好謙虛,係人都知叻哥玩開認叻,佢話自己謙虛就梗係搞笑啦!我就順住佢個笑話再講,話佢謙虛嗰方面都幾囂張喎!呢個絕對係符合叻哥同埋佢係搞緊笑。叻哥做咗咁多年司儀轉數咁快,佢點會覺得呢啲嘢係頂撞,頂到佢哋乜嘢呢?
記:咁你係咪現場爆肚?
陸:完咗我都有問番叻哥,我都覺得唔好意思,點解呢?我地同叻哥夾過講啲咩,當晚得獎者有好多嘢講,我地已經CUT咗好多嘢,留番啲時間畀得奬嘅藝員,所以叻哥都將自己要講嘅嘢唔講,我完咗都同佢講唔好意思,夾咗啲嘢都講唔到。真係要還叻哥一個公道,首先叻哥根本唔會因為呢件事嬲,第二就係講到中途唔見咗我哋係因為我畀人捉咗去後台畀人篤住個頭嚟鬧,完全冇可能。

記:有傳你有段時間入咗後台畀人鬧?
陸:係有一Part確實係得番Do姐一個嘅,因為佢要頒咩50年大奬,嗰份稿比較嚴肅同正經,係得Do姐去主持,根本冇預我同C君,我哋忍咗好耐尿即時衝出去小解,但又畀人講到照肺。
記:大家都睇到你之後好少講嘢,個樣亦冇晒心機。
陸:唔係呀!事實係個節目Overrun,頒獎禮唔係睇我哋,最想睇得獎朋友講嘢嘛!聽我講嘢有咩用?所以我哋盡量Cut咗好多對白,我諗Cut咗80%對白。完全冇、完全冇、完全冇!多謝大家關心。
記:但你當晚表現好失準,有發台瘟。
陸:我?我直情係發台瘟啦!喺一個咁大型嘅節目,連續講錯兩樣好重要嘅嘢,第一講錯《踩過界》做《跨過界》,我有份拍《跨世代》,同時跨同踩都係動詞,希望可以原諒到我啦!我係有錯嘅!另一個錯係將鮑姐讀錯Bell姐,希望有機會同鮑姐道番歉,我錯得太離譜。

記:咁呢啲錯有冇高層搵過你?
陸:梗係冇啦,你哋唔好諗到咁,真係知你係冇心之失,冇人捉我埋去,冇呢啲嘢,唔好亂諗。
記:外界驚你做第二個張繼聰,你有冇擔心?
陸:咁咪即係要重覆頭先件事,我真係要幫叻哥澄清,佢真係完全冇嬲,成件事唔成立攻擊同被攻擊。唔好講到叻哥咁小器啦,完全冇野呀!佢仲話Do姐唔做會帶住我哋兩個繼續做㗎!

陸永
頒獎禮翌日,陸永承認自己當晚表現不佳,希望得到各界的原諒。

陸永
當日陸永與太太Reina一起到九龍城接囡囡放學,之後再去便利店掃嘢食。他大方接 受本刊記者訪問,並合十多謝大家關心。

 

C君維護兄弟

農夫兩個人一條心,陸永出事,C 君亦不能置身事外,看 得出當晚C君見陸永講錯嘢都好緊張,不時用眼神提醒他。事 後本刊記者致電C君,他與陸永口徑一致:「其實真係好簡 單,同你問我聽聞你最近搵到個油田喎一樣,都冇,同埋照肺 點會喺on show後台同你照啊!我哋其實唔係TVB經理人,佢 哋通常都只係聯絡我哋經理人DJ Tommy。(當晚你見陸永出 錯都有幫佢兜喎!)係?我記得演唱會嗰陣我有唔記得歌 詞,佢好似冇。」C 君與陸永同煲同撈,以後仲有大把世界, 但願今次只是虛驚一場啦!

陸永
陸永日前在社交網 Po與 C君、Do姐憑《 Do 姐再 Shopping》獲獎的三人合照,不少網民 對陸永傳出被「照肺」寄予同情,力挺他只 是為節目炒熱氣氛,絕對冇做錯。

關鍵詞
阿叻陸永