a17

各自各精彩 2016港姐三甲大比拼

2016年 港姐 佳麗們愈來愈多上鏡機會,大家又記唔記得比賽結果呢?,冠軍係馮盈盈,亞軍劉穎鏇,而季軍就係陳雅思。猶記得當時唔少網民認為劉穎鏇最靚,最有冠軍相,不過最後都係由馮盈盈奪冠。隔左咁耐,依家再睇睇各人的發展,唔知邊個最成功呢?

真港女馮盈盈

一般嚟講,港姐冠軍經常要保持高貴大方,但馮盈盈就反其道而行,由被爆以前爆粗又或者近日上電台大談戀愛史,從一開始就將港女形象表露得淋漓盡致!而貴為港姐冠軍同華姐季軍,佢當然比其他兩位有更高曝光率!

馮盈盈現時未有劇出街,不過就喺早前熱播嘅《千奇百趣特工隊》扮黑衫長腿女特務,同朱智賢齊齊派福利!可惜,唔講嘢就女神,一講嘢就八婆… 佢喺節目入面經常白痴當有趣,成日串森美同小儀,但又弄巧反拙俾人串番轉頭。另外有唔少網民覺得佢把聲好尖好刺耳,睇嚟佢真係要多多改善啦。

a1

氣質女神劉穎鏇

參選嘅時候,劉穎鏇奪冠呼聲甚高,但最後屈居亞軍。劉穎鏇身高5呎9,擁有34.5D上圍,外形出眾!雖然佢廣東話唔算純正,但自信搭夠,言之有物轉數快,唔怪得網民咁鍾意佢!可惜,劉穎鏇本身喺美國出世,冇香港身份證,打工要拎簽證,但又唔想同大台簽長約,搞到無乜機會係電視見到佢,好可惜!

a18a19

劉穎鏇喺大台甚少亮相,希望將來會多啲機會啦!

新任咪神陳雅思

陳雅思參選時相對冇咁出眾,唔算係大熱,未能令人留下深刻印象。不過最近雅思喺節目《歎得好健康》中頻頻浸溫泉,晚晚換上噴血三點式,搞到一眾男士晚晚追看!但除了晒身材外,雅思對白唔算多,都係靠黎耀祥同黎諾懿撐場。希望嚟緊嘅日子,雅思有多啲機會做主持,甚至拍劇啦!

有本錢就當然要晒啦!

a10陳雅思-歎得好健康4

歎得好健康-陳雅思26 歎得好健康-陳雅思30

 

全文完