張頴康feature

合作拍劇半年 張頴康畀馮盈盈搞到患病

TVB而家製作緊警匪新劇《解決師》,由近期紅爆嘅王浩信擔任男主角,仲有唐詩詠、陳敏之同張頴康領銜主演,女神張曦雯同港姐冠軍馮盈盈都有份參演㗎!拍攝所需半年,張頴康話同馮盈盈合作搞到患病,究竟係咩事呢?

撰文:東方新地 |圖片:東星娛樂、Instagram

張頴康畀馮盈盈搞到患病

新劇《解決師》6月開鏡拍攝即將收尾,近期熱播劇集《兄弟》男主角王浩信擔演男主角,同場仲有張頴康、馮盈盈、唐詩詠等。
患病

王浩信、唐詩詠
張頴康、馮盈盈

確診患有「職業性失聰」

張頴康同馮盈盈喺劇中有對手戲,相信一向牙尖嘴脷又多嘢講嘅FYY拍攝期間令到張頴康頭都大埋,皆因張頴康喺Instagram上Po咗同FYY嘅合照並寫道:「拍完解決師之後,我需要休養一段時間。因為同FYY合作咗半年,我確診患有職業性失聰!」睇嚟FYY嘈到張頴康要去睇醫生,嘩!人哋老婆麥雅緻會唔會唔放過FYY㗎?

睇嚟FYY嘈到張頴康要去睇醫生⋯⋯

張頴康亦都多謝監製畀咗呢個咁好玩嘅角色佢,仲話:「如果我有啲乜嘢做得唔夠好嘅,咁以後每一套戲都繼續搵我,等我做得更好!」亦同一眾戰友講辛苦晒,非常有禮貌又識體諒人!

相關文章:

母女泛淚探討生命話題 張頴康囡囡哭訴:「媽媽不要變老」

張頴康和麥雅緻二人一直恩愛甜蜜,更經常大方在社交網分享親子出遊的照片、日常趣事等等。

小豆:「媽媽你會唔會老?會唔會死㗎?」

日前,麥雅緻就在社交網分享了與囡囡小豆一段日常對話。她指小豆一日突然問起什麼東西會變老,什麼不會。

之後小豆突然追問「媽媽你會唔會老?會唔會死㗎?」,麥雅緻只好答小豆「媽媽都會老,媽媽都會死⋯」

小豆爆喊 「媽媽我唔想你老、唔想你死⋯」

 

 

圖:張穎康 麥雅緻 Facebook專頁

網民大讚豆豆「好乖女、孝順」

不少人在其Facebook專頁看到有關貼文後,都紛紛留言讚豆豆又乖女又懂事孝順。另外是豆豆真的很感性,令大家看完都不忍「眼濕濕」

圖:截自張穎康 麥雅緻 Facebook專頁

媽媽們留言分享相關經驗

而專頁內都有不少媽媽關注。貼文一出,不少媽媽都留言直言「我個女都啱啱問我同一個問題」、「我囝都驚我會老會死, 佢想我有100歲!」,亦有人指思考這些問題為親子都上了寶貴的一課。

圖:截自張穎康 麥雅緻 Facebook專頁

麥雅緻 笑囡囡肥公主

成日話十隻手指有長短,舊年10月,麥雅緻為老公張頴康追到個仔,湊成好字,自然孻仔孻心肝,不過呢個說法套用唔到喺張家度喇,細仔出世絕對無動搖大女小豆(張雅喬) 喺父母心目中嘅地位,之前小豆4歲生日,爹哋媽咪就為佢搞咗個以公主為主題嘅生日派對,壽星女當然好開心啦!喺囡囡嘅生日派對上,麥雅緻同張頴康請晒啲親朋好友嚟參加,又將主角小豆打扮成公主一樣,周圍布置咗吹氣嘅城堡,連蛋糕都準備咗兩個。

出場嘅時候有一個小插曲,主角小豆戴上皇冠同公主裙出場嗰陣,開心到不時轉圈,點知就被媽咪取笑,話肥美公主出場喇,其實小豆面圓圓、又有肉地咁,應該係最得意公主至啱!

有公主點會冇王子,呢個重任交畀細佬小花生(張迅橋),一個公主一個王子,父母對姊弟無分彼此都係咁錫。

麥雅緻張頴康抱住壽星女影張相先,小豆笑得幾甜!

生日會現場有大量吹氣波波,戴住公主皇冠、頸鏈同公主長裙嘅小豆,乖乖影張指定靚相先,父母為壽星女準備咗兩個蛋糕,都係公主嚟㗎!

麥雅緻

現場仲有吹氣城堡㖭,一家四口笑容一致,幸福滿瀉!

為囡囡小豆扮成公主,麥雅緻都精心為囝囝打扮成王子,兩姊弟襯成一對!

麥雅緻

睇住兒女成長,父母都感慨小朋友大得太快,眨吓眼小豆就4歲,麥雅緻張頴康每年都會同佢搞生日會,錫到燶!

小豆真係好鍾意公主,之前扮Belle,Beast個角色就畀細佬效勞喇!

開生日會預祝生日後,到正日喺屋企再切蛋糕,簡簡單單但快樂滿足!