同姚子羚忘情激咀 林嘉華被老婆?到實

林嘉華近日在電視劇《燦爛的外母》中做花?角色,仲有個索爆女友姚子羚,同36歲子羚早前的一場深情咀戲,未出街已成為網上熱話!長居加拿大的林嘉華最近回港三個月,老婆劉寶珍做跟得夫人陪夫回港宣傳?到實,剛滿60歲的林嘉華雖然已經係花甲之年,但無論身型與樣貌都完全唔似,太太睇緊啲絕對可以理解!

林嘉華咀姚子羚 網民唔like

入行40年的林嘉華演過無數角色,近年都係香港加拿大兩邊飛。近日由港視重返TVB,由之前喺港視《警界缐》走開的型佬路線,忽然轉演輕鬆喜劇,更演口花花的花?角色,仲同年輕24年的姚子羚演情侶兼拍咀戲,令網民好妒忌,更以「美女與野獸」來形容!但華哥就覺得,觀眾應該睇劇情同角色,唔應該計算演員的年齡!

林嘉華重返TVB拍劇,在《燦爛的外母》演男二,同姚子羚演情侶兼有熱吻戲份!由於二人年齡相差24年,引發網民反應激烈!

林嘉華唔介懷網民對咀戲反感,更代太太否認為此呻醋,林嘉華話:「太太會追我演嘅劇集,佢唔止作為觀眾咁畀意見,又會企喺我嘅角度去睇,意見仲好中肯!」

林嘉華:太太100%信任自己!

雖然林嘉華代太太發言話唔介意,但查實今次華嫂跟實林嘉華返港做宣傳,不但陪出席活動、做訪問,開工收工都行孖咇,實行人釘人跟到實。早前,華哥出席完活動後,就趕去中環會合太太與朋友飯局。飯後華哥接受本刊記者訪問時,被問到太太會唔會介意佢同姚子羚嘅咀戲,佢就話絕對冇,太太係自己最忠實嘅觀眾,仲話自己識得抽離,強調太太100%信任自己!

林嘉華同太太劉寶珍約了友人在中環食晚飯,雖然已經老夫老妻,但兩人表現恩愛,難怪華哥拍咀戲,老婆一樣好放心!

華哥坦言老婆一定追看佢拍的劇集,見林太望住華哥講嘢嘅眼神,就知佢幾欣賞老公!

林嘉華為興趣拍劇

現年60歲嘅林嘉華84年同從事服裝指導的劉寶珍結婚,一轉眼33年,兒子林政峰亦已經29歲,以往嘉華哥返港拍劇,太太都留在加國,不過今次就做跟得夫人!嘉華哥又坦言自己熱愛演藝工作,金錢都係其次,希望將來繼續有多啲好劇本俾佢演出啦!

89年舉家移居加拿大的林嘉華,10年返港拍劇,當年19歲的兒子林政峰亦有陪嗲吔返港。但現時兒子在加拿大做時裝設計工作,華哥表示兒子無意入行。

 

林嘉華同老婆結婚33年,已經過埋珍珠婚,仍然非常恩愛,華哥就經常在IG放閃,令人非常羨慕。

林嘉華戲癮大,除咗拍劇,亦有接拍電影及網劇!他坦言是他要求太太放下迪士尼的工作陪他!

 

09年林嘉華以部頭形式幫TVB拍《鐵馬尋橋》,同鄭嘉頴及馬國明合作,演奸角的他大獲好評!

全文完