ft pic

同法籍新歡歐遊放暑假 陳法拉正式回歸美國開學

唔少中小學生上星期已經正式開學,但晌美國讀戲劇嘅女神陳法拉就9月6號先開學!日前法拉返到紐約正式開始第三年課程,頭一日報到,法拉即晌校園開心玩live,仲將同學仔介紹俾粉絲識。其實法拉之前同佢位法國型男新歡去咗歐洲度假,真係叉足電先開學喎!

延伸閱讀︰

12年恩怨一筆勾銷 楊怡請胡定欣飲喜酒

Jessica C.踢爆 伍允龍帶劉佩玥見老友

今個月6號係法拉開學日,化咗個淡妝嘅女神又自拍又玩fb live,明顯對第三個學年終於展開覺得非常興奮!法拉就讀嘅紐約著名藝術學院The Juilliard School,晌學期第一日為學生預備咗小野餐,法拉同成班同學仔一路食一路玩live,睇得出法拉好享受校園生活!

法拉為賺學費,今個暑假返咗香港同黃子華合演舞台劇《前度》,上月離港當日被影到同做過法國駐日外交官兼係哈佛才子嘅新歡Emmanuel Straschnov(司馬諾)前後腳上機。原來法拉趁暑假尾聲同男友去咗法國南部度假,開學前偷閒拍拖,法拉仲着埋小背心踩單車添!

全文完

關鍵詞
陳法拉