kwok fi

同郭藹明恩愛23年 劉青雲 五大冧妻語錄

眾所周知青雲演技好到一個點。其實仲有一樣技能高超過演技,之唔係冧妻之道。拍拖4年、結婚19年、恩愛如昔23年,除咗平 時經常被人拍到甜蜜拍拖形影不離,劉青雲仲間唔中發表愛妻宣言,唔止郭藹明,仲冧盡全港雌性動物。

撰文:東方新地

圖片:新傳媒圖片庫

劉青雲 五大冧妻語錄

最經典:冧上太空

2015年劉青雲憑《竊聽風雲3》贏得第34屆香港電影金像獎頒獎禮「最佳男主角」,這是他第二次擠身金像獎影帝寶座。劉青雲在台上強忍淚水,感謝太太郭藹明,他說:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」郭藹明聽到劉青雲的話,感動得用手指抹眼淚。

劉青雲
青雲15年再奪金像影帝:「我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」

最冇符:逢嘈必輸

論到夫妻相處之道,青雲自認次次鬧交都認輸:「一來我英文唔夠佢好,二來佢根本唔怕我!冇辦法,遇上佢,我只能夠投降。」

最專一:唔諗生仔

結婚19年點解唔生B:「我哋根本唔打算要小朋友,好珍惜二人世界,陪老婆行街市,享有一般人嘅生活。有老婆陪喺身邊,是我最開心、最好嘅減壓方法。」

最謙虛:老婆叻晒

郭藹明係美國南加州大學機械工程學碩士:「佢學歷高,對我嚟講係件好事,我可以向佢學英文、學騎馬、學普通話,佢仲會修理電視機㖭!」

最安心:坦白至上

青雲仲話過郭藹明係佢最好朋友:「我哋早就講好,彼此有咩事都講出嚟,唔希望對方喺外人口中知道,呢個係我哋彼此信任嘅態度。」

李國麟拖女兒晒愛:個女拍拖我會呷醋!