LOVE

同Stephy賀歲片碰頭? 方力申孖王菀之扮鬼放笑彈

英皇賀歲片《我的情敵女婿》將於下月15日上映,新片除咗任達華和劉嘉玲擔任男、女主角外,仲有衛詩雅、薜家燕、謝賢、蝦頭、鮑起靜、李家鼎、阿Bob、「鬼王」雷宇揚﹑「龍婆」羅蘭等80多位紅星助陣齊齊放笑彈,其中飾演劉嘉玲個女嘅王菀之(Ivana),為趕絕賴死唔走嘅住客,更會方力申(小方)扮殭屍及鬼娃娃,驚嚇欠奉,爆笑連場,實行同大家過一個熱鬧歡樂農曆新年!

撰文:東方新地

圖片:新傳媒圖片庫、《我的情敵女婿》預告片截圖

賀歲片《我的情敵女婿》 劉嘉玲任逹華再度合作

葉念琛執導嘅賀歲片《我的情敵女婿》早前出咗條預告片,今次劉嘉玲同任達華再次合作,不過二人唔再好似當年嘅《雞鴨戀》咁合演一對,劉嘉玲喺片中飾演衛詩雅嘅媽咪,仲做埋任達華嘅岳母,預告片中佢仲要任達華叫佢一聲「媽咪」,認真搞笑。

賀歲片
賀歲片《我的情敵女婿》以香港為題,包括有舊樓及電車的拍攝場口,希望能讓香港觀眾能夠於香港傳統節日,在大銀幕上欣賞到香港的特色及美景。

方力申 王菀之 合力放笑彈

除了任達華和劉嘉玲擔任男女主角外,在戲中演劉嘉玲女兒的王菀之(Ivana),其中一場講述她與方力申(小方)扮鬼扮馬營造恐怖氣氛,為咗嚇走拒搬遷嘅住客,二人以殭屍及鬼娃娃造型亮相,咁新正頭,當然搞笑有餘﹑驚嚇欠奉啦!

方力申
其中一場更於7月14日「鬼節」正日於舊樓拍攝,故事講述方力申聯同王菀之扮鬼扮馬營造恐怖氣氛,為了嚇走不願搬遷的住客,二人以殭屍及鬼娃娃造型亮相

近年踩入電視、電影界,以喜劇感及幽默感滿分而成為搶手貨的王菀之,於賀歲片《我的情敵女婿》中飾演劉嘉玲的女兒嘉琪,再次於電影中成為亮點。

呢場戲,「鬼王」雷宇揚、「龍婆」羅蘭都有份客串,真係熱鬧!見羅蘭食「蠟燭」食得津津有味,到底搞邊科?買飛入場自有分曉!

 

Stephy小方 新片碰頭

預告片仲有一亮點,就係小方舊愛鄧麗欣(Stephy)都有份客串演出,不過預告片中見二人先後出現,未知這對過氣侶情有冇對手戲呢?

大量紅星助陣

《我的情敵女婿》仲安排多逹80多位紅星演出及客串,令新片更具號召力及娛樂性。

故事大綱

故事講述由任達華飾演的富商梁華生在商場上吒叱風雲,是個不婚主義者,有無數女朋友,更對女性心態瞭若指掌。於一次出國公幹期間,遇見被男友拋棄傷害受創而接受心理治療的嘉欣(衛詩雅飾),而嘉欣則被心理醫生Dr.寶/後母(劉嘉玲飾)強迫要獨自去完成這段蜜月之旅,失戀後的嘉欣必須獨自去經歷這段斷尾之旅才能治療心中創傷。因而令到嘉欣及華生因誤會、意外而相識,因意外後從鬼門關回來的華生在得到嘉欣細心照顧後表明回港誓要向嘉欣展開追求,怎料嘉欣的後母竟是華生的初戀情人。華生一時之間,心裡開始猶疑,究竟跟自己緣訂終生的女子,是寶?還是嘉欣?

故事現在才剛剛開始…………

香港上映日期:2018年2月15日