吳啟華

吳啟華翻撻前妻無望 賭枱過日辰

吳啟華與內地演員石洋子離婚4年來,不時與前妻帶同女兒吳熙兒外遊晒幸福,被指藕斷絲連有機翻撻,但原來全是假象。據知石洋子回復單身後每月拎6萬人仔贍養費,唔使湊女生活無憂,快活過神仙,根本冇諗過會與吳啟華復合。寡佬生活除了搏命搵錢養四頭家,有時間都要鬆一鬆,53歲的吳啟華多年來賭根深重,愛流連賭場及以麻雀會友,早前本刊記者直擊吳啟華在港約朋友打雀局,由朝打到晚最後戰敗一支公返家,感情生活冇著落,惟有賭枱過日辰。

撰文:東方新地|圖片:新傳媒圖片庫、吳啟華微博

吳啟華 撲水養四頭家

近年為了養四頭家,吳啟華曾表示疲於奔命,長期中港兩邊走,頻頻接劇、接電影,投資內地連鎖甜品店,表面上豬籠入水,實情有苦自己知。事實上,他要養活前妻石洋子及9歲的親生女兒吳熙兒、負責照顧囡囡的前岳母以及自己的父母,知情者透露:「個女讀國際學校一年要成廿萬人仔,每個月又最少畀6萬人仔前妻,仲有前岳母一家同自己父母,啟華搵少個崩都唔得啦!佢好錫個女,到依家都冇同佢個女講爸爸媽媽已離咗婚,仲定期一家人去旅行扮恩愛,每次都使幾十萬。其實啟華咁做都係想留條後路畀自己,等前妻有日會回頭,不過想還想,依家石洋子做番單身女王,個女就長期由婆婆湊,佢每個月唔使做都有錢收,周遊列國吃喝玩樂不知幾happy,又點會想食回頭草?」

吳啟華
為了讓愛女感受更多家庭溫暖,吳啟華每年會包起三、四次家庭旅行的所有費用,去年一家三口帶埋岳母去過日本與澳洲等地,旅行期間任玩任買,每次花幾十萬碌爆卡而回,吳啟華坦言負擔好大,但亦有指他為博翻撻前妻所以願意無限付出。
吳啟華
吳啟華與細他21年的石洋子於14年結束七年夫妻關係時,曾有報道指石洋子是「大花筒」才致婚姻破裂,但當時吳啟華卻維護嫩妻說:「想買靚嘢係人之常情,除非我冇能力,有能力會滿足佢,而且佢係我太太,唔買畀佢買畀邊個呢?」

即使石洋子被指是「大花筒」、「洗腳唔抹腳」,但吳啟華是個重情義的人,他非常樂意照顧前妻,並曾公開表示:「洋子永遠係我屋企人,佢係我囡囡個媽咪,我哋有屋企人嘅感覺。」

吳啟華
吳啟華與友人在尖東酒樓打麻雀,由下午打到晚上,中間食個晚飯小休一下又繼續,吳啟華亦疲態盡現。
吳啟華
這晚吳啟華打牌時小動作多多,托頭、捽鼻又除眼鏡,似乎精神與手風都麻麻。
吳啟華
托頭
吳啟華
捽鼻

由朝打到晚

經濟壓力甚大的吳啟華手停口停,總要有一套自我紓緩的方法,過去多年曾被影過出入賭場、夜場的他,閒時仍愛賭兩手。知情者透露:「啟華係鍾意賭錢,早幾年同老婆離婚,佢一直放唔低,為咗麻醉自己,有段時間沉迷賭海;不過依家佢唔同晒,就算賭都係好有節制,唔會話賭身家,單身寡佬都係想做人有啲細藝,得閒咪約朋友打吓牌開吓賭局囉!佢平時做嘢搵錢咁大壓力,都要搵地方發洩吓嘅!」好賭的吳啟華,澳門賭場、美國賭城均曾見其蹤影,他亦直認是為娛樂解悶。

吳啟華
晚上11時許,吳啟華完場起身,即時走過隔籬枱做旁觀者,睇得好入神。
吳啟華
埋單時吳啟華不停從銀包拎錢出來找數,再加上他全晚都冇表情,輸咗錢心情麻麻,不過離開時與友人有講有笑。

手風唔多順

早前本刊記者在尖東捕獲吳啟華,當日下午時分已見他在一間酒樓內打麻雀,現場分兩枱共八人,打到晚上七時左右埋枱食晚飯,之後再繼續打。期間見吳啟華不時皺 眉又頻頻托頭,看來這日他手風麻麻,打到眼都攰又要除眼鏡,至晚上11時許終於散場,他仍走去隔籬枱觀戰一陣才捨得離開,可見他牌癮甚大。吳啟華打完牌並沒有即時返家,可能打麻雀消耗太多精力,他駕車去油麻地果欄掃了一大袋生果回家慢慢滋潤補充養份。

吳啟華
當晚吳啟華戴住日本至潮的GORO’S羽毛銀鏈,成個人young晒!
吳啟華
吳啟華同前妻去得日本多,唔止識戴潮鏈,仲孭住個可愛到極的紅色背囊。
吳啟華
返家前,吳啟華專登揸車去油麻地果欄掃生果返歸。
吳啟華
打完牌食生果,真健康!

關鍵詞
吳啟華