AA

逾七成網民話似!吳嘉熙陪阿媽落街市買餸被當做外傭

最新娛聞

繼何雁詩之後,日前再有女星出街被當做外傭,依個就係Super Girls成員吳嘉熙(Cheronna)!吳嘉熙同何雁詩本身都係好姊妹,兩人同樣晒得一身健康膚色,可能因為咁佢哋去到街市。都不約而同畀啲街坊當咗做工人姐姐,吳嘉熙仲話:「D人同我講英文」將佢當咗做外傭,為此吳嘉熙特別貼出該造型嘅相片畀網民投票,結果有多達74%網民投票贊同佢似工人姐姐!

文:東方新地|圖:吳嘉熙IG圖片、無綫娛樂新聞截圖、東星圖片、何雁詩IG

吳嘉熙 74%網民投票話似

依家個個都要戴住口罩出街,口罩下係咩樣真係好難認得出,早前何雁詩到街市買餸就曾被誤認為賓賓,今次被誤認的對象就輪到何雁詩其中一位好姊妹吳嘉熙(Cheronna),事緣日前吳嘉熙陪阿媽去街市買整蘿蔔糕的材料,竟然被街坊當咗做工人姐姐。

吳嘉熙陪阿媽落街市買餸被當做外傭
吳嘉熙(前左)同何雁詩(前右)本身係好姊妹,大家同樣擁有一身健康膚色。

吳嘉熙分享事件說:「同媽咪去街市買整蘿蔔糕嘅料,我又冇出聲默默幫手攞嘢,然後D(啲)人同我講英文,因為以為我係工人姐姐。」並貼出一張黑白街市相加一個托頭Sticker,以表達自己無奈的心情。

吳嘉熙陪阿媽落街市買餸被當做外傭
個Sticker表情好無奈。

吳嘉熙更貼出自己一身落街買餸Look畀網民投票,問大家佢「似工人姐姐咩?」結果竟有多達74%網民投票話似。

吳嘉熙陪阿媽落街市買餸被當做外傭
吳嘉熙著住呢一身落街買餸Look幫阿媽手去街市買整蘿蔔糕的材料,真係孝順女。

剩下有26%揀「F*CK NO」,吳嘉熙自嘲說:「有機會係唔識睇中文,以為係評價我呢一身打扮。」

吳嘉熙陪阿媽落街市買餸被當做外傭
有74%網民話吳嘉熙似工人姐姐!

孖余香凝推合唱歌

本身係Super Girls成員的吳嘉熙近年單飛發展出埋處女碟,今年度新作品係同余香凝合唱的〈 天地分裂 〉。

吳嘉熙陪阿媽落街市買餸被當做外傭
吳嘉熙早前同余香凝一齊上ViuTV音樂節目《Chill Club》宣傳,當時余香凝仲未宣布陀B。
吳嘉熙陪阿媽落街市買餸被當做外傭
吳嘉熙一向走型格路線。
吳嘉熙陪阿媽落街市買餸被當做外傭
經常做Gym的吳嘉熙身形操得勁Fit。
吳嘉熙陪阿媽落街市買餸被當做外傭
一身膚色經過陽光嘅洗禮!

同場加映:何雁詩街市買餸被誤以為工人姐姐 鄭俊弘喪笑回應激嬲老婆

何雁詩和鄭俊弘婚前婚後都是行孖咇,連在頒獎禮上都被安排孖住上台攞獎,早前兩人被影到拍住拖去買餸,一身街坊裝的何雁詩竟被誤以為是工人姐姐,被問起此事,鄭俊弘竟然笑到停唔到,搞到老婆何雁詩嬲嬲豬咗﹗

何雁詩和鄭俊弘為《慈善星輝仁濟夜》擔任表演嘉賓,爆乳現身的何雁詩,指歌衫有經老公過目,不過鄭俊弘卻表示:「之前試衫明明冇咁勁﹗」
何雁詩和鄭俊弘日前為《慈善星輝仁濟夜》擔任表演嘉賓,爆乳現身的何雁詩,指歌衫有經老公過目,不過鄭俊弘卻表示:「之前試衫明明冇咁勁㗎﹗我冇介意,只係怕佢走光啫﹗」

何雁詩爆與鄭俊弘互相取笑作樂

何雁詩和鄭俊弘日前夫妻檔為《慈善星輝仁濟夜》擔任表演嘉賓,由表演到訪問都係黐到實,半步不離大家,當提到之前兩夫婦被影到街市買餸,一身街坊裝束起馬尾的何雁詩,游走菜檔四圍格價,被指似賓賓,何雁詩初時笑笑口話有睇報道,又指兩公婆不時互相取笑大家,何雁詩自爆經常取笑老公似黑人,因為覺得老公跟她的高爾夫球界偶像很似樣。

何雁詩本來一直負責回答問題,娛樂主播突然將遞向鄭俊弘,問佢對老婆被指似賓賓點睇,佢當場呆了幾秒,未識畀反應。
何雁詩本來一直負責回答問題,娛樂主播突然將遞向鄭俊弘,問佢對老婆被指似賓賓點睇,佢當場呆了幾秒,未識畀反應。
點知原來鄭俊弘忍緊笑,更爆笑當場,留意番何雁詩個面口,與其膚色相若。
點知原來鄭俊弘忍緊笑,不足三秒爆笑當場,留意番何雁詩個面口,與其膚色相若。
鄭俊弘笑到停唔到口,連娛樂主播都指住話佢衰,何雁詩出手還拖以示不滿。
鄭俊弘笑到停唔到口,連娛樂主播都指住話佢衰,何雁詩出手還拖以示不滿。

何雁詩不滿老公恥笑佢

主導發言權的何雁詩初時表現輕鬆更笑笑口,但當娛樂新聞主播改問鄭俊弘對老婆被指似自己嘅工人姐姐時有何感覺?鄭俊弘來不及反應,當場窒了一窒後爆笑當場,在旁的何雁詩當場黑面,鄭俊弘唔知死繼續講:「但係我覺得呢單嘢幾搞笑﹗」更笑到彎晒腰,何雁詩即出手打老公心口以示不滿,並搶住自辯:「應該咁講,每做一樣嘢應該有適合嘅裝束嘅,我係著番啲合適嘅衫,冇理由去街市著到好似上紅館咁﹗」被問到會否留意番當日老公的衣著,何雁詩搶住話:「佢咪又係咁﹗只不過香港嘅工人姐姐通常係女仔啫﹗」鄭俊弘似乎終於察覺老婆的不滿,補鑊話:「都可以話何雁詩帶住個司機出去做苦力都得嘅﹗」何雁詩表情才稍為寬容番﹗

何雁詩立即搶回發言權去自辯,鄭俊弘仲未知驚,繼續笑唔停。
何雁詩立即搶回發言權去自辯,鄭俊弘仲未知驚,繼續笑唔停。
鄭俊弘後來發現老婆面露不悅,才稍為收歛笑容,並補鑊指自己是何雁詩的司機。
鄭俊弘後來發現老婆面露不悅,才稍為收歛笑容,並補鑊指自己是何雁詩的司機。

讀者留言