吳若希

吳若希逐一回應18個負評 「是非女王」福建來港自嘲弱智讀書少

最新娛聞

廣告

吳若希的首個演唱會下星期在麥花臣的場館舉行,近日她落力為演唱會宣傳。今次的演唱會主題為成長,她近日便在網上拍片《吳若希歷年是非/負評大回顧》回顧她的成長兼逐個回應歷年的其中18個是非。

吳若希 吳若希演唱會以成長為題,並拍片回應負評。
吳若希演唱會以成長為題,並拍片回應負評。(圖片來源:[email protected] Music Group)

1. 貌似AV女優羽田愛「我係羽田機場」

吳若希初出道時宣被安插「翻版徐熙媛」,但高登仔指更像日本AV女優羽田愛並笑稱她是羽田若希。吳若希笑言:「呢個係好好㗎,新人比較難俾人記住,但我好好彩似一個AV女優Haneda,話我似佢係開心嘅,因為我個樣俾人記住,令人有個point俾人講,幾好呀!Haneda係洶湧嘅,我都係羽田,不過係機場嗰邊!」

吳若希 AV女優羽田愛其實和吳若希有幾分相似。
AV女優羽田愛其實和吳若希有幾分相似。(圖片來源:[email protected]_haneda092)
吳若希 吳若希自嘲身形係羽田機場!
吳若希自嘲身形係羽田機場!(圖片來源:[email protected] Music Group)

2. 與林峯迷起爭執「我嗰時做得唔好」

2011年與「峯迷」在微博開拖,吳若希解釋:「我唔記得嗰時覆佢乜嘢,而家發現如果係狂迷,真係好癲嘅,我嗰時做得唔好,應該由得佢。我細個時會好care人哋話你不實嘅嘢,就會好想反擊,而家大個咗,咁就是旦啦你鍾意點就點!」

吳若希 吳若希因為上載和林峯的合照而被林峯粉絲攻擊。
吳若希因為上載和林峯的合照而被林峯粉絲攻擊。(圖片來源:[email protected]娛樂新聞台)

3. 遭網上勒索5000元掩口費「佢有同我道歉」

2011年的時候有網民威脅及勒索,對方自稱擁有毀她前途的爆炸性醜聞,更要求她付五千元「掩口費」。吳若希則指:「以前真係發生好多好無聊嘅事,我做乜覆人啫!當時佢有私底下同我道歉嘅。」

吳若希 吳若希曾被網民威脅及勒索、對方自稱擁有毀她前途的爆炸性醜聞,更要求她付五千元「掩口費」。
吳若希曾被網民威脅及勒索、對方自稱擁有毀她前途的爆炸性醜聞,更要求她付五千元「掩口費」。(圖片來源:[email protected] Music Group)

4. 長水瘤停工 靠塊布搞掂?

2012年事業剛起步之際,吳若希發現自己患功能性水瘤,令她感痛楚:「嗰陣時好大鑊,我嗰時住土瓜灣,睇咗3個醫生,醫生話爆咩功能性水瘤,嗰時我再去問風水師,佢話病位化妝鏡對著衣櫃鏡令水瘤發大,叫我搵布遮住佢,一個月後睇婦科醫生,佢話照唔到水瘤喎!嗰年開始我信命理風水。」

吳若希 吳若希曾長約一個拳頭大的水瘤,但一個月後又離奇消失。
吳若希曾長約一個拳頭大的水瘤,但一個月後又離奇消失。(圖片來源:[email protected] Music Group)

5. Cosplay亞絲娜掀罵戰「唔再cosplay,我應該係亂噏」

吳若希在2013年時出席《C3日本動玩博覽2013》,以cosplay打扮動漫「刀劍神域」的亞絲娜造型出席在九龍灣舉行的記者會。她的造型被cosplay迷指她一身裝束不神似,因而引起罵戰。吳若希尷尬笑:「如果後來我話唔會再cosplay,我應該係亂噏㗎。」

吳若希 吳若希cosplay亞絲娜而引起罵戰。
吳若希cosplay亞絲娜而引起罵戰。(圖片來源:[email protected]吳若希 Jinny Ng)

6. 跟高登仔出雙入對?直認「佢係我緋聞男友」

吳若希2014年曾經和高登仔阿風出雙入對:「我哋而家都係好好朋友,我哋間唔時都攞出嚟講笑話佢係我緋聞男友,何生(老公何兆鴻)係佢情敵!」

吳若希 吳若希和高登仔阿風外出時被記者拍下照片。
吳若希和高登仔阿風外出時被記者拍下照片。(圖片來源:[email protected] Music Group)

7. 電台開咪爆粗 靠曾志豪打圓場

吳若希曾經在港台節目《中女宅男殺很大》擔任嘉賓主持,但不慎爆粗「Shxt」。她憶述當時主持曾志豪為她圓場:「我內心係鼓掌,佢反應好快」她笑言自己記錯主持曾志豪為陸浩明,更曾問陸浩明是否曾經做過電台節目主持。

吳若希 吳若希成為《中女宅男殺很大》擔任嘉賓主持時不慎爆粗,因為直播說粗口會令電台罰錢,所以曾志豪不斷為吳若希圓話。
吳若希成為《中女宅男殺很大》擔任嘉賓主持時不慎爆粗,因為直播說粗口會令電台罰錢,所以曾志豪不斷為吳若希圓話。(圖片來源:[email protected]吳若希 Jinny Ng)

8. 流出和男友親吻照「對住男友係啜啜啦,唔通打佢咩!」

2014年網上瘋傳吳若希和男朋友的親吻照,引起網民爭議。吳若希回應:「呢個係我男朋友,拍拖四年,對住男友係啜啜啦,唔通打佢咩!但我同何生(老公何兆鴻)又冇乜啜啜相喎!」

吳若希 吳若希被網民爆和當時男朋友的親密照片
吳若希被網民爆和當時男朋友的親密照片(圖片來源:[email protected] Music Group)

9.未發育bikini水着「我而家都未發育好!」

高登仔在網上找到吳若希的泳衣寫真照,吳若希笑指:「高登仔搵到我羽田機場嘅相!呢輯相係我人生污點!嗰時13,14歲我都未發育好,當然我而家都未發育好!哈哈!這輯相係我人生歷練,就好似我懷孕終於有D cup感覺一樣。我大肚時坐喺度係好辛苦,我要搵嘢托住,我明白豐滿嘅人好辛苦,條腰負重好大,真係攰嘅!」

便好似像人生污點一樣。不過她指其實大胸也很辛苦,在她懷孕其間上圍變得豐滿令她的腰部負重很大,要找東西墊住。

吳若希 吳若希指這輯相是入行前做模特兒時為攝影師朋友免費義影
吳若希指這輯相是入行前做模特兒時為攝影師朋友免費義影(圖片來源:[email protected]
吳若希 吳若希入行前的泳衣寫真照,她笑言未發育是黑歷史。
吳若希入行前的泳衣寫真照,她笑言未發育是黑歷史。(圖片來源:[email protected] Music Group)

10. 2015年《越難越愛》奪金曲金

吳若希謂:「我都覺得洗腦,當時到內地工作,俾人認得係歌手。」對方可以讀出《越難越愛》的歌詞,所以她也覺得好洗腦!

吳若希 吳若希憑《越難越愛》奪金曲金
吳若希憑《越難越愛》奪金曲金(圖片來源:[email protected]吳若希 Jinny Ng)

11. 亂入萬能Key

吳若希提當時其實自己在一個很大壓力的階段之中,自己都不希望奪奬。但幸運有謝安琪、張敬軒、胡鴻鈞、許廷鏗的安慰,吳若希說:「我係喺負評當中成長,呢啲簡單支持,已經係好大安慰,原本我覺得真係好大壓力嘅,有一刻我諗不如唔做嘞。」她明白到負評其實是伴隨著成功,所以在他們支持下重拾信心。

吳若希 吳若希成攝石人被網民瘋狂改圖。
吳若希成攝石人被網民瘋狂改圖。(圖片來源:[email protected]_do_cheng)

12.《至尊街頭魔法王》「好犀利呀!」「好勁呀!」「好神奇呀!」「點解嘅?」

吳若希指自己不是一個綜藝人,所以不太懂活躍氣氛。她提到自己拍攝後期的集數時,林盛斌反而要求她強調「點解嘅?」,因為她是發自內心地問並且活躍氣氛。她笑言自己曾在微信上收到「點解嘅?」的改圖,成功深入民心。

吳若希 煩膠式叫喊更令《至尊街頭魔法王》收到14宗有關吳若希的投訴。
煩膠式叫喊更令《至尊街頭魔法王》收到14宗有關吳若希的投訴。(圖片來源:[email protected] Music Group)

13.《實習天使》護士坐床照惹爭議

吳若希當時上載一張在拍攝《實習天使》劇集時身穿護士裙的照片,被人有AV的感覺,引起護士醫生的專業爭議。吳若希回應指:「點解呢句說話我會get到係護士做到每日無停手,我呢句說話有咩係講護士做到喺度瞓覺㗎?我冇話過護士喺醫院做嘢好得閒,走去病床瞓覺。」令她大感莫名奇妙。不過她指有數名粉絲成功當上護士,令她感到非常感動。

吳若希 吳若希上載《實習天使》花絮照引起醫生護士罵戰。
吳若希上載《實習天使》花絮照引起醫生護士罵戰。(圖片來源:[email protected]吳若希 Jinny Ng)

14. 半邊面萬能key被鄭裕玲(Do姐)IG發佈

吳若希指:「IG因為要求相片係四方形,Do姐有同我講唔好意思。我左邊面同右邊面唔balance㗎,周柏豪左右面好balance囉,靚你嚟講周柏豪係OK嘅!」

吳若希 鄭裕玲解釋因為沒有和周柏豪有單獨合照,所以剪走吳若希部份當是和周柏豪的單獨合照
鄭裕玲解釋因為沒有和周柏豪有單獨合照,所以剪走吳若希部份當是和周柏豪的單獨合照(圖片來源:[email protected]_do_cheng)

15. 向網民徵題被嘲「係雞係公廁」吳若希:諗賤嘢佢哋贏!

吳若希曾在Facebook上載一張相片並向網民徵題,有網民回應「係雞係公廁」並吸引7000人讚好。吳若希笑言:「網民嘅想像力同創意係唔可以低估,諗賤嘢方面佢哋贏!」

吳若希 吳若希曾在Facebook上載一張相片並向網民徵題,有網民回應「係雞係公廁」。
吳若希曾在Facebook上載一張相片並向網民徵題,有網民回應「係雞係公廁」。(圖片來源:[email protected]吳若希 Jinny Ng)

16. 素顏嚇壞人「其實我成日都素顏喎」

吳若希2016年上載自己、胡鴻鈞和許廷鏗的相片,相中的吳若希素顏上陣,因而嚇壞網民。不過她指:「其實我成日都素顏喎,可能當時比較多人討論。」

吳若希 吳若希胡鴻鈞和許廷鏗到台灣的合照。
吳若希胡鴻鈞和許廷鏗到台灣的合照。(圖片來源:[email protected]吳若希 Jinny Ng)

17. 稱岳飛「反清復明」「重如果我讀到書,唔會唱歌!」

在2016年《反斗紅星冇暑假》的節目中,吳若希把岳飛背後刻字答錯作「反清復明」而被人恥笑。吳若希笑指:「當時嘅製作團隊,每一次都攞嚟笑,我真係冇岳飛個樣喺我個腦入面,可能睇得太多周星馳,永遠記得刻字就係反清復明嘞。如果我讀到書,入咗行做社工,唔會唱歌!但我自己都覺得好好笑。」

18. 網上首次承認戀情「澄清我唔係第三者」

2016年吳若希被爆和老公Alex Ho的戀情,吳若希當時在貼出情侶照大放閃光彈。她笑言:「原來24歲嘅人對愛情真係弱智,而家諗返轉頭我真係唔應該咁做,公開咗嘅關係,好容易受到打擊,Alex Ho當年有幫我澄清過我唔係第三者。呢單嘢完咗之後,我好傷心㗎,我覺得俾人呃!」

吳若希 吳若希自貼和老公Alex Ho並留言:「何生,你幾時同我求婚?」
吳若希自貼和老公Alex Ho並留言:「何生,你幾時同我求婚?」(圖片來源:[email protected]吳若希 Jinny Ng)

網民留言大讚吳若希:負評中成長,今次看到她EQ極高

網民看畢影片之後都紛紛留言支持吳若希「加油!支持吳若希!」、「永遠支持吳若希!」、「加油」,網民指她經歷這十年間的負評成長,為人處事更成熟「呢幾年吳若希真係成熟咗好多,唔再有23 4歲個種稚氣。」、「她真是負評中成長,今次看到她EQ極高」、「好高興睇到你呢10年嘅成長,多謝你嘅歌陪伴著我走人生唔同嘅道路!」

吳若希原名吳嘉妮

是非女王兼高登女神吳若希,在福建出世,原名吳嘉妮,據她講父親在當地經營酒店,家境富裕,由於父母要做生意,由爺爺嫲嫲湊大,原本過着無憂無慮的生活,直至7歲家中遭逢巨變,爸爸的酒店生意差,且衰爛賭孭了一身債,最後需要破產還債。

吳若希 初出道的吳若希,公開成長相簿。
初出道的吳若希,公開成長相簿。(圖片來源:東方新地)

新移民來港血淚史

過了三年黑暗日子,10歲的若希跟隨家人移民來港,因為廣東話差經常被同學恥笑,功課多令學業跟唔上,由那時候開始,吳若希意識到只有搵很多錢才可以更積極改善生活,結果她坐言起行,16歲已仆倒入行,正式出道前經過兩年「改造」,除了學唱歌、樂理、樂器等,當然唔少得執靚自己,自從今年加入無綫做主持和拍劇,吳若希榮升當年「高登BB」,她主唱電視劇《使徒行者》的洗腦插曲〈愈難愈愛〉更唱到街知巷聞!

吳若希 【2歲 蒙豬眼】吳若希原名吳嘉妮,福建出世集萬千寵愛在一身,天氣寒冷被家人着到包粽一樣。
【2歲 蒙豬眼】吳若希原名吳嘉妮,福建出世集萬千寵愛在一身,天氣寒冷被家人着到包粽一樣。(圖片來源:東方新地)
吳若希 【3歲 天生八字眉】父母贈送巨型蛋糕慶祝3歲生日,若希皺起八字眉用力吹,真係難爲了小孩!
【3歲 天生八字眉】父母贈送巨型蛋糕慶祝3歲生日,若希皺起八字眉用力吹,真係難爲了小孩!(圖片來源:東方新地 )
吳若希 【5歲 中華兒女】一身娘爆祖國裝束,配合萬綠叢中一點紅、面粉面和血紅小嘴,可愛不足驚嚇有餘。
【5歲 中華兒女】一身娘爆祖國裝束,配合萬綠叢中一點紅、面粉面和血紅小嘴,可愛不足驚嚇有餘。(圖片來源:東方新地)
吳若希 【8歲,爸爸破産】吳若希變回窮家小女孩,不過大劫過後一家依然快樂,帶佢參觀動物園。
【8歲,爸爸破産】吳若希變回窮家小女孩,不過大劫過後一家依然快樂,帶佢參觀動物園。(圖片來源:東方新地)
吳若希 11歲,天生單眼皮、細眼、鼻扁和起角pizza臉已是若希的標記,原來和吳媽媽是餅印。
11歲,天生單眼皮、細眼、鼻扁和起角pizza臉已是若希的標記,原來和吳媽媽是餅印。(圖片來源:東方新地)
吳若希 【15歲 龍模出事】吳若希不時語出驚人,曾自爆被南亞裔人士非禮、在微博投訴被的士司機視覺非禮等,自問索爆的吳若希出道前曾當龍模,以iPad身形配三白眼,好趕客。
【15歲 龍模出事】吳若希不時語出驚人,曾自爆被南亞裔人士非禮、在微博投訴被的士司機視覺非禮等,自問索爆的吳若希出道前曾當龍模,以iPad身形配三白眼,好趕客。(圖片來源:東方新地)
吳若希 22歲的吳若希。
22歲的吳若希。(圖片來源:東方新地)

吳若希是非/負評大回顧!

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

圖片來源:[email protected][email protected]_haneda092、[email protected] Music Group、[email protected]吳若希 Jinny Ng、TVB《反斗紅星冇暑假》截圖、[email protected]_do_cheng

讀者留言