吳若希

吳若希生日蛋糕寫錯名 老公被指有「另一個」?

今日係藝人吳若希(Jinny) 26歲生日,識做嘅老公何兆鴻(Alex) 一早就已經準備好個生日蛋糕送俾佢,但點知個蛋糕生日牌上並唔係寫住老婆個名,就連吳若希自己都留言指唔明白點解會係咁。照咁睇嚟,老公Alex今次有排同老婆解釋番嘞~

撰文:東方新地|圖片:吳若希instagram何兆鴻instagram

生日蛋糕寫錯名

今日係藝人吳若希嘅26歲生日,就喺稍早前,佢分享咗一張老公送嘅生日蛋糕相喺個人社交網,但奇怪地個生日牌上面寫住嘅並唔係吳若希個名,反而寫住:「My Lovely WiFa and Mother Happy Birthday」連壽星女都要留言話:「 不知道為什麼我老公叫我#wifa 要不然就是寫蛋糕牌的人手誤~要不然就是老公想送蛋糕給另外一個人~」

唔知吳若希老公會點解釋呢?

老公一於懶理去解釋

相反,吳若希老公Alex就冇諗住解釋個蛋糕點解會寫住「WiFa」,反而上載咗張老婆背影照上網,並笑指自己好開心咁同老婆講生日快樂,但佢就冇咩反應,只顧專心練新歌,仲話老婆似鐘意佢啲粉絲多過自己老公喎~

唔通吳若希嬲緊自己老公?

吳若希賀囡囡1歲生日 全家遊樂園慶祝

早前係佢哋囡囡Giselle一歲生日,吳若希一家三口去廸士尼慶祝,Jinny喺ig貼上合照,穿上藍白系列親子裝,大手拉小手好溫馨。Jinny話﹕「這個小心肝才剛學走幾步,就學人站得那麼囂張,寶貝寶貝,祝願你繼續快樂地長大。」

吳若希
吳若希囡囡生日,全家出動去主題樂園慶祝!
吳若希
吳若希喺ig貼上合照,穿上藍白系列親子裝,大手拉小手好溫馨。

Jinny喺社交平台貼家庭照,同老公齊齊啜囡囡面珠仔,佢留言﹕「一個多月前就和全家人安排了這幾天的行程,不是什麼紀念日、不是什麼頒獎禮,而是我女兒的第一個生日!」

吳若希
吳若希同同老公錫到囡囡面珠都變形,非常搞笑。

Jinny老公Alex亦有留言﹕「1歲後的第1天。這一年你過得開心和幸福嗎?爸爸媽媽很愛你,我們都會給你最好的照顧,最好的關心。1年前你這個時候還需要爸爸媽媽抱著你,1年後你已經要拖著爸爸媽媽的手自己行,下1年你會進步到什麼情況?不論你變成怎樣,你(Giselle)一直都是爸爸媽媽的心肝寶貝。Happy birthday my princess!」

吳若希自從同老公Alex Ho結婚生埋囡囡Giselle後,減少工作、專心湊女,做個好老婆、好媽媽。

吳若希
吳若希說囡囡一雙腿的比例好長,將來也會有雙長腿!