吳若希

繼續辣火頭 偽一姐吳若希 恰盡麥美恩

旅遊節目長做長有,同樣地方同樣地點,想吸引觀眾製造話題,無可否認致勝關鍵就係主持人的功力同特色。添食添到去第二輯的《森美旅行團》除咗有森美掛帥,唯一有得冧莊黐住森美周圍去嘅仲有麥美恩 (Mayanne),無綫都知森美、麥美恩默契一流、互窒互玩係最大賣點!不過據悉新加入主持群的吳若希完全搞錯狀況,以為自己至係美貌與名氣並重、地位完全在麥美恩之上,幕前幕後都踩住上,搞到一向大方玩得、朋友多多嘅麥美恩都周圍呻,繼續辣火頭犯眾憎的吳若希,更有個新朵叫「臭希」!

撰文:東方新地|圖片:新傳媒、吳若希IG麥美恩IG

吳若希 新朵「臭希」

無論《森美旅行團》定返到香港做港姐司儀、商業活動主持,麥美恩可謂係繼小儀之後最能同森美擦出火花的女拍檔。麥美恩放膽玩、真情流露、又去到邊被森美窒到去邊係因為默契同製造節目效果,不過吳若希就完全會錯意,生完女回流無綫、撈拍劇又做主持,收復失地 企圖明顯,以為有麥美恩墊底自己終於脫離下把位,自抬身價窒埋一份,據知情人士透露,第二輯《森美旅行團》拍攝全程,二人表面上玩作一堆,背後實情不相往來。

吳若希
合照、笑臉實屬《森美旅行團》節目宣傳期間限定,據悉吳若希同麥美恩私底下交流少得可憐,吳若希狂踩狂恰Mayanne,工作人員背後叫佢「臭希」,Mayanne更加怕咗佢,對佢避之則吉。

閨密香香都瀨嘢

點解嘅?點解連麥美恩咁易話為都頂唔順吳若希?知情人士爆麥美恩向幕後工作人員呻爆內容:「Mayanne份人其實好玩得,又唔介意為咗節目效果扮醜扮喪,上一輯同高Ling、黃心穎跟住森美一齊去日本,都相安無事。人哋森美窒係為節目效果,二人又合作好多次,Mayanne覺得心甘命抵完全冇hard feeling,但係今次吳若希就仲『高大上』同矜貴過高Ling,窒人又冇分寸,當正自己係省靚節目門面,破壞形象騎呢位全部都避之則吉推Mayanne頂上,對住Mayanne恰得就恰,啲工作人員都睇唔過眼背後叫吳若希做『臭希』。其實吳若希已經唔係第一次,兩年前拍《實習天使》時恃寵生驕、不停擺星夢一姐款,Mayanne老死岑麗香都已經領教過,聽完朋友講自己再親身瀨過嘢,所以Mayanne今次都忍唔住同人呻,話唔想有下次喎!」人氣下滑啫,係唯獨是非呢樣嘢,吳若希同生B前一樣去到邊跟到邊!

吳若希
生女前自恃係星夢一姐、何哲圖愛將,吳若希拍攝劇集《實習天使》時已經有傳完全不屑與其他女演員埋堆,扮大牌行徑當年已經犯眾憎。

合作過《實習天使》瀨過嘢,據悉岑麗香當年都同閨密麥美恩呻過,如今百聞不如一見,除咗向工作人員,麥美恩當然亦有同香香滙報。

mayanne(@mayannem)分享的貼文張貼

句句有骨

自以為名氣地位高一班、又希望踩住上擺脫主持群下把位,吳若希連個人IG發po都句句有骨。

有你在,我終於可以做回正常人🤗🤗#森美旅行團2
吳若希(@jinnyng)分享的貼文 於張貼

麥美恩癲喪係為節目效果亦因此成為個人特色,大把粉絲撐,不過吳若希就在公在私都借此窒爆對手,鏡頭前後都被吳若希恰到盡頭的Mayanne,同吳若希時刻保持距離。

覺得自己很Chok 很搶戲, 然後看到圖右一, 我五體投地⋯甘拜下風⋯ #森美旅行團2
吳若希(@jinnyng)分享的貼文 於張貼

麥美恩同森美上一輯《森美旅行團》已經一拍即合大量發放笑彈,因此再被無綫睇中合作主持港姐又添食第二輯,默契冇得輸。

mayanne(@mayannem)分享的貼文張貼

mayanne(@mayannem)分享的貼文張貼

默契輸晒

可惜吳若希就以為在旅遊節目中扮仙女、玩矜貴至係上策,全程拍得錫身又處處窒住麥美恩,實情在《森美旅行團》中作用極少。

吳若希(@jinnyng)分享的貼文張貼

mayanne(@mayannem)分享的貼文張貼

吳若希處處製造易相處、朋友多形象,IG內同主持拍檔麥美恩合照極少,亦冇其他私下來往,完全唔啱嘴形。

吳若希(@jinnyng)分享的貼文張貼

mayanne(@mayannem)分享的貼文張貼

冇交流

《森美旅行團》台前幕後感情融洽,為配合大家,吳若希同麥美恩亦齊齊出席聚會,不過就離行離列冇交流。

吳若希(@jinnyng)分享的貼文張貼

新劇做閒角

生完女人氣同星夢一姐位都不保,吳若希歌唱事業 不濟,惟有發功嗲何哲圖劇拍 主持做,不過《森美旅行團》表現不濟,在無綫新劇《多功能老婆》中亦行行企企發揮不多。

吳若希

雖然說,我是#浩田 其中一個女朋友,但#浩田 又何嘗不是我其中一個男朋友呢~ 介紹一下,這個男生叫#Focus😏😏叫我#蘇蝶 #多功能老婆

吳若希(@jinnyng)分享的貼文 於張貼