Image-1 (10)

吳若希開YouTube頻道拍片同老公晒另類恩愛 失寵靠自己谷人氣

吳若希明知「人唔到冇獎」之潛規則,上月以湊仔為由缺席無綫《勁歌》頒獎禮,眼看死敵菊梓喬贏到開巷又點會坐以待斃,吳若希瞓身經營社交網保人氣,無得靠公司惟有靠自己,近日吳若希在YouTube開設頻道,愛公審老公、被指惡妻的吳若希,第一條片竟然是「夫妻不和?吳若希公主病發?逼老公做愛做的事」大玩標題吸引粉絲。
文:東方新地 |圖:吳若希YouTube截圖

吳若希開YouTube頻道
吳若希在YouTube開設頻道,一日有過千人訂閱,第一段片主題是【相敬如賓週】揭露夫妻不和?吳若希公主病發?﹗逼老公做愛做的事,Say Yes Challenge﹗第一段片就擺老公上枱,拎埋「夫妻不和」嚟做標題吸粉絲﹗暫時有超過五千人收看﹗

吳若希定「相敬如賓週」玩足一年

吳若希在YouTube開設頻道谷人氣,她透露未來一年有一個主題,就係「相敬如賓週」,吳若希話:「為咗我哋夫妻間的和睦,每個月都會set一個星期我同老公之間要相敬如賓嘅﹗今日佢應承咗我全日都要Say Yes﹗」然後大聲叫老公出場﹗

吳若希開YouTube頻道
吳若希一聽老公話唔想,佢就發火:「冇得Say No呀今日﹗」然後話自己平時好斯文:「我唔會鬧老公﹗」喎﹗

吳若希問老公ready未,Alex一臉無奈坐喺度,然後吳若希話:「不如我哋第一件做嘅由剪鼻毛開始﹗」然後吩咐Alex去拎剪鼻毛剪刀及暗瘡針清工具。

吳若希開YouTube頻道
吳若希第一條片竟然是幫老公修剪鼻毛,老公無奈聽命躺下就範講咗句:「嚟啦﹗」竟然令吳若希河東獅吼:「依家我話事呀,嚟咩啫你﹗」

吳若希要求剪老公鼻毛

吳若希命令老公瞓低,然後「手起刀落」開始為老公修剪鼻毛,Alex叫了一聲,吳若希即喝住:「唔好叫﹗…….嘩,有鼻屎嘅﹗」然後話:「人哋兩公婆嗰啲channel好鬼sweet,我哋就…」Alex就話:「你幫我撩埋就sweet喇﹗」吳若希答:「唔會呀﹗」

吳若希開YouTube頻道
吳若希拎住剪刀篤入Alex鼻孔為他條剪鼻毛,Alex一臉驚恐,卻被吳若希喝斥「唔好郁﹗」
吳若希開YouTube頻道
吳若希話老公好污糟有鼻屎﹗
吳若希開YouTube頻道
吳若希剪鼻毛剪得好開心,老公個樣好驚青,形成強烈對比。

吳若希擠暗瘡勁興奮

吳若希剪完鼻毛,即興奮話:「到擠暗瘡,我最鍾意呢部分﹗佢呢粒嘢喺度幾日﹗」擠暗瘡期間,Alex痛到叫,吳若希無理會老公大叫繼續大力擠暗瘡,完成後更向鏡頭展示擠出的粉刺,說時一臉滿足﹗

吳若希開YouTube頻道
吳若希話老公面上粒大暗瘡已有好幾天,忍唔住要清走佢﹗
吳若希開YouTube頻道
吳若希幫老公剪完鼻毛、擠完暗瘡後一臉滿足,不停狂笑仲話:「係咪即刻靚仔咗呀?」但Alex一臉無奈,而且眼有淚光。

吳若希要求老公公主抱轉圈

之後吳若希講出安排老公的下一個任務:「跟住落嚟到我最鍾意嘅公~主~抱~﹗我要轉圈,轉得好靚,好似上次影結婚相嗰次咁靚﹗」大笑一輪,自己坐上老公大髀,Alex出盡力抱起吳若希,然後快速轉圈,吳若希唔收貨:「我要英女皇咁,睇到我個樣,頭髮飄飄吓好靚嘅﹗」Alex只有聽命﹗

吳若希開YouTube頻道
吳若希要求老公公主抱抱起她轉圈。
吳若希開YouTube頻道
Alex出盡力才可以抱起吳若希。
吳若希開YouTube頻道
Alex抱起吳若希快速轉圈,搞到吳若希頭髮飛起立即叫停﹗
吳若希同Alex玩完公主抱轉圈後之後,再叫索晒氣的Alex做體能訓練,無厘頭問老公揀做sit up定 push up,要做三十下,老公揀sit up,吳若希假民主:「唔得﹗做push up﹗」Alex只有聽從﹗

吳若希開YouTube頻道
吳若希假民主要老公做三十下Sit Up。
吳若希開YouTube頻道
Alex做到喘氣,吳若希唔畀佢停,要佢做到三十下為止。
做完體能訓練,吳若希叫老公做家務上樓吸麈,相隔五分鐘後,吳若希入房查看,發現老公在打機再次責備,叫老公做家務,老公乖乖落地吸麈,而吳若希希旁督促,又對鏡頭整理妝容,然後突然問老公「我靚唔靚?」老公答:「靚﹗」吳若希再問老公:「我肥唔肥呀?」Alex答:「肥﹗」吳若希立即怒睥,老公妙回 :「你話Yes吖嘛,all day Yes吖嘛﹗」

吳若希開YouTube頻道
吳若希拍片上youTube令其新居的住人房都曝光﹗
吳若希開YouTube頻道
突然問老公自己靚唔靚?
吳若希開YouTube頻道
再問自己肥唔肥?Alex答:「肥﹗」
吳若希開YouTube頻道
一句激嬲老婆。
吳若希開YouTube頻道
Alex話:「你話All Day Yes叫嘛﹗」令吳若希毫無還擊之力,只有又嬲又笑﹗

讀者留言