吳雨霏

挺9個月巨肚出山!吳雨霏 孖老公慶祝32歲生日

人妻吳雨霏(Kary)依家懷孕9個月,今個月就係預產期,據知Kary一索得男,昨日(6月9日)係Kary 32歲生日,臨盆在即嘅壽星女在老公陪伴下慶祝生日,好幸福!小編在此祝福Kary生個肥肥白白嘅BB,展開人生新一頁!

撰文:東方新地 │圖片:吳雨霏IG、新傳媒圖片

吳雨霏 孖老公慶祝32歲生日

昨日(6月9日)是Kary的32歲生日,她在老公洪立熙陪同下慶祝。將為人母的她在社交網分享與老公的合照,並留言︰「So blessed. Thank you all ❤️」相中的Kary穿著背心花花衫,臉及手臂都未見水腫,同老公一齊流露幸福嘅笑容。而明年Kary的生日,將已是一家三口呢!

So blessed. Thank you all ❤️
A post shared by Kary Ng // 吳雨霏 (@ngk) on

而昨日下午,Kary也在ig stroy上載另一段慶生短片,見Kary一口氣吹兩個生日蛋糕的蠟燭,相信今年陀住bb的慶生的她一定過得相當難忘!

在較早前,Kary同好姊妹鄧麗欣(Stephy)區文詩(Angela)飯敍,見Angela po的三人合照,Kary已現巨肚!
吳雨霏

吳雨霏

吳雨霏 挺6個月肚做導遊

公布成功陀B嘅Kary,由於早年曾經小產,謹慎起見,Kary陀B後全面停工,只在IG為品牌宣傳,為安胎未有公開露面。但前陣子,早幾日陀住BB嘅Kary做導遊,陪一班由蒙古嚟嘅中學生去玩,原來呢班來自蒙古嘅學生,係舊年十月Kary去當地探訪時識嘅。Kary po咗啲帶隊去主題公園嘅相,相中的Kary一身便服挺住巨肚,不過手臉都未見有腫,佢同大家當日玩得好盡興,Kary盡地主之誼,自己亦相當投入,不時跟卡通人物合照。Kary仲話自己睇見啲小朋友玩得咁開心,自己個心都溶晒﹗Kary粗身大世都做慈善都不遺餘力,呢啲就係最好嘅胎教﹗

吳雨霏
吳雨霏肚凸凸,當時身懷6個月身孕,但手腳同面都未見腫,得天獨厚,呢啲應該係人美心善。
吳雨霏
Kary同來自蒙古嘅學生玩得好盡興,大家打成一片。

同卡通人物影合照,Kary動作多多,陀住B都相當靈活。

吳雨霏
陀B Kary唔係日日坐響屋企等食養胎,反而係趁有時間去做慈善工作!

吳雨霏 2月宣布懷孕5個月

31歲吳雨霏曾經小產,幸好有老公洪立熙(Brian)在身邊扶持,走出傷痛。Kary今年二月宣佈懷孕,在Instagram晒出「一家三口」相,並透露已有咗五個月,留言話兩公婆快要當爸爸媽媽,並多謝大家的祝福!

吳雨霏
吳雨霏透過唱片公司回應,指收到很多朋友的短訊祝福,謝謝各位媒體朋友的愛和關心。

同奶奶感情好

據知Kary為老公一索得男,洪家上下對迎接金叵羅都非常緊張,奶奶更加搵定頂級產房及陪月,又經常煲靚湯畀新抱仔進補,事事照顧周到。據知情者透露:「Kary同老公兩家人係世交,奶奶可以話係睇住Kary長大,Kary同奶奶感情一向都好好,之前照超聲波,知道係陀男仔之後,老爺奶奶都好開心,始終Brian係長子,屋企第一個孫仔喎!成家人都好興奮,講真Brian不嬲都對Kary好好,知道老婆有咗之後,佢仲爭晒屋企啲家務嚟做,又請假貼身陪實老婆安胎先放心,佢仲睇定育嬰書,學定點湊B,佢真係廿四孝老公!」

吳雨霏
近年Kary放慢工作步伐,將更多時間陪老公及家人,Brian亦減少工作陪老婆周圍飛享受二人世界。
吳雨霏
兩年前不幸小產,Kary除咗同老公Brian互相扶持走出傷痛,更在Sammi主動鼓勵下返教會,Kary之後洗禮正式成為基督徒,兩個教友更因此成為好友。

半億愛巢送妻

出名是愛妻號的Brian早前更斥資近半億買下渣甸山獨立屋送給愛妻,新居豪裝一年多已經入伙,兩公婆更花盡心思設計BB房。據知情者透露:「Brian好錫Kary,成日都會諗驚喜氹老婆,之前Kary睇到架波子話好鍾意,Brian就偷偷地訂車仲係Kary最鍾意嘅黑色送畀佢,渣甸山呢間愛巢,佢同Kary第一次睇已經好鍾意,Brian即刻扑槌買,間屋裝修咗年幾,佢哋將BB房布置到成個遊樂園咁,話等BB大啲可以多啲地方走動同多啲嘢玩,設計得好有心思!」

吳雨霏
Kary已同老公Brian搬入半億新愛巢,更豪裝BB房迎接仔仔出世。
吳雨霏
渣甸山新居有二千多呎,屋外還有一個大花園,近期Kary就在花園學種菜,睇住小幼苗長成變成蔬菜及蘿蔔,Kary不停開心拍低照片放上網分享栽種成果。

 

挺巨肚買家品

上月,本刊影到Kary就陀住金叵羅出巡,雖然老公唔喺身邊,都派咗朋友陪住Kary出入,唔畀Kary獨自行事。當日Kary去中環睇家品,已經陀B 8個月的她,個肚好有份量,不過本身身形纖瘦,亦得天獨厚長胎唔肥人,手腳仍然纖幼,快做媽咪的她,揀床單質料睇得好仔細,更不停攞起食具研究,明顯為做新手媽咪做足準備。睇了一小時有唔少收穫,友人就幫Kary攞住戰利品送佢去搭的士回家。

吳雨霏
Kary睇家品睇得好仔細,見到廚房用具亦逐一攞起研究。
吳雨霏
Kary行街唔係去行名店睇時裝,反而去咗中環永安睇家品,好明顯是賢妻兼廿四孝媽咪。

另一日,兩公婆恩愛出動,陪Kary安胎的Brian揸車載Kary去香港仔,不過為免老婆操勞,Brian要Kary留在車廂等他,見他從車尾箱攞出一個鞋盒,行上了一座大廈,之後急急落樓再會合老婆,由他負責揸車載老婆一齊返渣甸山寓所。

吳雨霏
4月29日,大肚Kary陪老公恩愛出巡,當日Brian駕駛的波子正是15年送給Kary的新婚禮物,KB車牌更加係奶奶送贈,是二人英文名的字母組成,而當日Brian對老婆勁體貼,幫老婆攞對鞋上大廈換,之後又一個人去放狗,完全唔畀老婆操勞。
吳雨霏
出名錫老婆的Brian,完全唔使老婆Kary操勞,除咗搶晒屋企家務做,放狗呢啲粗重嘢梗係自己做,對老婆勁體貼!

送完老婆返屋企,Brian再一個人行落山徑放狗,搶晒屋企家頭細務做,Brian絕對係超級體貼好老公。

吳雨霏

吳雨霏心情大靚 大展零孕味衣著

正專心養胎嘅吳雨霏喺IG分享一張近照,並透露而家懷孕心情「心情好 甚麼都好 #星期一不blue #goodvibesonly」相中吳雨霏戴上黑超,仲着上黑色短袖卡通Tee大擺甫士,睇得出作為大肚婆嘅佢除咗型到爆之餘,心情真係相當靚啵!唔知係咪着呢件黑衫遮得好,就算個foucs 容易會放左肚個位置嘅公仔到都好,個肚都唔算話好現形,難怪粉絲見到都要讚吳雨霏索咗兼有型!

著黑T嘅吳雨霏完全零孕味!

大肚身形依然纖瘦

陀b六個多月的吳雨霏上載孕照,睇落佢雙手仲係好幼,未出現口腫面腫現象之外,面形依然keep得好靚。無論係著住白色定黑色t-shirt嘅吳雨霏,個肚睇落都只係微微隆起,陀B可以佗到咁fit認真羨慕死人‌~

吳雨霏
著住白T一樣唔太顯肚。

16年曾經小產

吳雨霏在2016年被傳小產,惟新聞爆出後Kary一路冇承認及否認,直至同年11月3日Kary終於在社交網站首度為事件開腔,與老公洪立熙(Brian)發表一篇長文章講述小產經過、發生不幸的事後兩夫婦如何一起走過黑暗的日子,及再期待小生命的降臨!

吳雨霏

其實Kary和Brian兩公婆都好鍾意小朋友,兩人2015年1月在美國註冊,7月意大利行禮,2016年2月成功陀B,但懷胎個多月不幸流產,令一直恨做媽媽的Kary大受打擊,一直停工休息,而Brian亦放下工作陪Kary度假散心。經過大半年休養,Kary終於收拾心情,身體已回復最佳狀態,兩公婆趁住假期飛到有蜜月聖地之稱的北海道二世古,再度開行turbo造人!

去完二世古再度蜜月,Kary繼續同老公朝夕相對,又跟老公到跑馬地一間日本餐廳撐枱腳,Kary要調理身體,食清淡的日本菜就最啱。而為生B Kary亦開始谷肥自己,叫到成枱食物,食到唔停口,身型亦唔再得棚骨,有番肉地做足準備催孕!

食完晚飯離開餐廳去取車,雖然只是一條街之隔,但兩公婆在街頭纏綿,時而十指緊扣,時而攬到實如連體嬰,煙韌到爆!結果佢哋勤力造人下,一撃即中……

吳雨霏
上車前Kary更忽然舞癮起,站在車邊手舞足蹈,氹到Brian即場哈哈大笑,超sweet!

吳雨霏