heidi

周太只有一個 Heidi風騷晒正印氣質

當大家以為周焯華(洗米華)同正印陳慧玲(Heidi)搞離婚,小三Mandy Lieu喺倫敦待產第二胎華種,又頻頻向相熟傳媒爆相,跟洗米華晒恩愛!點知峰迴路轉,洗米華日前喺澳門公司股東聚會攬實老婆陳慧玲(Heidi)大唱《愛我別走》,又冧老婆話周太只得一個,搞到Heidi眼濕濕,引嚟全場起哄要求佢哋復合。

其他文章︰

贏在起跑線?盤點五大娛圈虎媽

批殉職消防隊長改錯名 吳佩孚被群插抽水

死纏難打求復合

據Heidi密友爆料,其實洗米華唔只向Heidi說過一次「周太只得一個」,據知每次洗米華得閒,一定會返澳門陪Heidi,而且仲要係Heidi去到邊就跟到邊,實行死纏難打!另外,因為Heidi與洗米華家人關係好好,洗米華亦特別對Heidi照顧有加,早前有指佢向Heidi送上約值七千萬澳門地舖及逾億澳門別墅,實行出盡法寶,務求得到Heidi原諒!

愛惜自己 晒正印氣質

雖然洗米華經常跟Mandy四圍去風流快活,不過Heidi都懶得理,一於過自己幸福生活!而Heidi不時於ig晒扮靚心得,每次打扮都充滿明星風範,尤其愛穿今季流行花花裙,雖然佢身形唔算高,但襯上high heels之後,長腿不但吸睛,更拉長身形比例,甚有fashion sense!

做生意自食其力

Heidi明白靠男人不如靠自己,所以佢早前分別喺澳門及香港開茶記大展拳腳!而好友、陳山聰大嫂李碧君兩夫婦專誠捧場!除忙搞茶餐廳生意,原來Heidi亦投資健康食品生意,仲推出以佢英文名命名Heidi果汁,實行努力賺錢,自食其力!

約fd旅遊輕鬆吓

除了專注事業之外,Heidi閒時亦不忘相約三五知己,齊齊出外旅行,放鬆心情,有助忘記好多不快事,更令佢眼界大開,充實人生及對工作發展有很大幫助!

做好媽媽不忘做慈善

Heidi唔止愛錫自己兩個女梓潼及Damiana,又跟洗米華前妻所生嘅大仔柏豪關係要好,經常selfie儼如好友!另外,Heidi除了兼顧家庭及事業之外,更熱心公益,早前於慈善晚宴獲頒籌款獎,以表揚其愛心無限!

全文完