撇甩兩囝囝!周汶錡 帶工人姐姐出街做咩?

周汶錡經常帶一對混血B出遊,無論中環定銅鑼灣,都經常出現潮媽帶住哥哥Jacques同細佬Avner出巡嘅身影!不過早兩日Kathy身邊就唔見兩個得意B,雖然都係一拖二,不過今次Kathy係帶埋個工人姐姐同僱傭公司嘅經紀同行。

撰文:東方新地|圖片:新傳媒圖片庫、周汶錡IG

周汶錡貼心好僱主

見到經紀小姐手持合約「快勞」,外傭姐姐就聽聽話話跟住行,睇個勢似係周汶錡剛剛物色到新幫手簽約交人。今次唔使分心湊B,Kathy可以專心教吓外傭路、同經紀傾吓後續細則,又好細心咁,帶埋姐姐一齊去連鎖時裝店,大量購入工作服畀姐姐入職用。

要做老公最強後盾、要湊住一對仔、仲要成日扮到靚靚工作,請個人返嚟幫輕吓是必須的!工人姐姐幫唔幫到手對在職媽媽係好重要。Kathy對工人姐姐咁好咁細心,做佢工人姐姐真係幸福喇!

潮媽周汶錡今次出巡,身邊兩個竟然唔係Jacques同Avner,而係僱傭公司經紀同外籍工人。

一行三人一齊去到連鎖時裝店,前超模現潮媽親自幫工人姐姐挑選T-shirt便服。

大舉購入大量便服畀工人姐姐後,Kathy等埋單時同僱傭公司經紀繼續笑笑口傾合約細則。

超模就是超模,Kathy著便服冇化粧戴副超,都台型十足,在人來人往馬路上相當突出!

大仔Jacques日前3歲生日,Kathy同老公Julien為他在家舉行生日會,放滿大型吹氣波波,又訂造咗一個可愛車仔立體蛋糕,Jacques吹爉燭時個樣又俊又萌!

1歲3個月嘅細仔Avner同哥哥如餅印。

❤️🍋😯 #食檸檬 #好好味 #jacqueslepeu #lepeufamily @julienl28

A post shared by Kathy Chow ❤ (@kathychow520) on

周汶錡生完靚咗仲索咗!

圈中不少明星成為人母之後不單只身材沒有走樣,有的甚至比以前更有「睇頭」,其實生BB又有甚麼好怕喎!而生下兩個囝囝的周汶錡,保持到魔鬼身材之餘,最神奇的地方是她每次產後都能火速修身,可以隨即開工!model不愧是model!

讀者留言